MATIUS 26:70 - WUKE SUSI WATTI'U AL᷊AL᷊USASSA

⁷⁰ Arawe i Petrus nassinaadda su saruanni mangitou sarangkanambone, “I Ya'u wagga apa pandumannu,” sasimbakki Petrus, see i tou inaite watukku ngaram passalanganna.

MATIUS 26:70 ပူးပေါင်းရင်းမြစ်များ

AMSAL 28:26

Isai mangngasakka lal᷊annu ṛingiranne sassane, tawe ṛingiranna mapia. Isai tuttuṛṛuta al᷊aṛṛa'u taumata pande sarun masal᷊amatta.

AMSAL 29:23

Taumata matanggakka sarun iapawawo; taumata naungnge masaṛṛionto'a sarun raloanna.

AMSAL 29:25

Matta'uttu addapattu taumata, pangillul᷊eanne asasusa. Pangimante Mawu, ne i'o sarun matammudda.

YESAYA 57:11

Mawu nabbisara, “Isaite manga monganna udde apan naaola'a si yamiu matta'utta, na'oman sara i yamiu mangngawusu wuṛṛu tate mannaungnga si Ya'u? Apa i yamiu tate massubba si Ya'u lai ana waugu i Ya'u tumanite mal᷊annu uatine?

YEREMIA 17:9

Naungngu taumata tawe iaṛṛangngo, mappandeanna wuassu al᷊awo'a wuṛṛu tumaniten bahewalla raddangnge.

MATIUS 26:51

Su wallattu mallal᷊aṛṛenggen-Ne pia sangkatou isudde lai ringannu Mawu Yesus, nanawutta hal᷊elene wuṛṛu namilitta allangngu imam bahewa udde na'oman sara tal᷊ingane nattal᷊ei.

MATIUS 26:56

Arawe atonna naṛṛinote aroddi tadea'u matipusse apa apan niwoṛṛettu manga nabi sulal᷊ummu Wuke Susi.” Wua'udde, manga mallal᷊aṛṛenggen-Ne tinumal᷊angke nanantangngu Mawu Yesus.

MATIUS 26:58

I Petrus uantantalongnga Mawu Yesus wuassu marau na'oman sara su passalangannu wal᷊en imam bahewa. See i Petrus sinumuttate su passalanganna, wuṛṛu inuma'ianna su sampunna ringannu mandariaga. I tou maapulu maasingkatta ereapa panginsueanne sarangkanambone udde.

MATIUS 26:69

I Petrus tantal᷊anna ua'ianna su liudde, su rallakka. Sangkatou mangangimbe bawine wuassu wallattu wawine isudde nirumanta, wuṛṛu nabbisara Petrus, “Wal᷊inewe i'o lai su sampunna ringannu Mawu Yesus taumatan Galilea udde?”

MATIUS 26:71

Sangkatou mangangimbe wawine apan waine lai naasilo si Petrus, wuṛṛu nabbisara su manga taumata isudde, “Taumata indi lai tanginna su sampunna ringannu Mawu Yesus wuassu Nazaret udde!”

LUKAS 22:57

Arawe i Petrus nassinaada. I tou nabbisara, “I ya'u atonna-tonna waggan taumata udde!”

ROMA 11:20

Udde mangke atonna. Arawe i mangitou niramme ana waugu i mangitou tawe mangimanna, arawe tuṛṛangnga tinarimmatta ana waugu tuṛṛangnga mangimanna. Nariaddi imbaṛṛangnga tuṛṛangnga mamunga ana waugu udde; arawe ṛinone i'o pia apendamma mata'utta.

1 KORINTUS 10:12

Taumata apan massunna watanganne uarisikka matohassa, ṛinone paatehamma; arie i tou ma'oman sara maṛṛa'a.

SONDAPPA 21:8

Arawe taumata matal᷊o, taumata mandalal᷊eo, taumata mawunga, taṛṛa pate, taumata masandaga, taumata apan mappaattu wal᷊i'i mata, massubba paal᷊uanna, wuṛṛu taṛṛa wahia, sarun iramme sulal᷊ummu tahal᷊oangngu putungnga wuṛṛu belerangnga apan lukkenggama, eteudde papate aruane.”