MATIUS 25:34 - WUKE SUSI WATTI'U AL᷊AL᷊USASSA

³⁴ Wua'udde ratu sarun mabbisara su manga taumata su samba'an uanan-Ne, ‘Wette i yamiu apan nial᷊amatannu Iamangku. Suttate sulal᷊ummu araratuanna apan suete pinassaddia ro'en panattaṛṛannu runia.

MATIUS 25:34 ပူးပေါင်းရင်းမြစ်များ

DARALO 2:6

Wisara-Ne, “Su Sion wui-U apan susi buatte Ta'u nitenega ratu nipile-U.”

AMSAL 11:17

Taumata naungnge matul᷊idda mangnguntungnga watanganne; taumata maṛṛaggissa mandugi watanganne.

YESAYA 33:22

Al᷊awo'u saranapa su apalli mangitou tawe gunane; manga senggone tawe iaruitta! Anambon paa'alan tantaran seetta sarun aṛṛoanni ite, wuṛṛu saranapane tumanite manambo, na'oman sara taumata lome lai naasomba wageangnge. Mawu sassane sarun maola'a ratun kite; i Tou sarun mamarenta, maparisikku tita wuṛṛu manal᷊amatta si ite wuassu seetta.

YESAYA 6:5

Wua'udde i ya'u nabbisara, “Nasilakate! Tate antimma lai si ya'u, ana waugu moṛṛongku kotore ana waugu rosa, wuṛṛu i ya'u uatana'e su pattangngannu walahanna ereudde lai. Sallaiwe aroddi, ringannu mata'u sassane i ya'u buatte naasilo Ratu, Mawu Apan Lembontaṛṛino!”

YESAYA 9:7

Mawu buatte nangema'u ṛuumanna su araratuannu Israel.

DANIEL 9:25

Woṛṛeta'e wuṛṛu sunnaite indi: Pitu ikalin pitun pulo su tonnane sarun masue, manattakka wuassu tempone niapasabbangnga parenta ipabbangunna apia Yerusalem, maddatingngu darantan sangkatou piaṛṛa'a nipilen Duata. Su al᷊annunne pitu ikali annummu pulo dua su tonnanne manga lal᷊anna wuṛṛu manga tanda'a watun Yerusalem sarun iaparisikka apia, arawe tempo udde napenen asasusa.

ZEFANYA 3:15

Ana waugu Mawu nangillol᷊ote makkuumanni yamiu; i Tou buatte nallimbuakka al᷊awo'u seennu. I yamiu lal᷊u'arannu ratun Israel, Mawunu sassane. Orassa indi i yamiu ariete mata'utta apia.

MATIUS 13:35

Ringannu aroddi nariaddite apa apan niwal᷊o nabi, “I ya'u mappaattu sasumandingnga amungkangngu maggahatto mangitou; I ya'u sarun mabbatti'u inolaanna apan uawuni ro'en arariadin runia indi.”

MATIUS 19:29

Wuṛṛu manga taumata apan suete nanantangngu wal᷊ene, ara'e tuṛṛangnge esakka ara'e wawine, ara'e inangnga iamangnga, ara'e manga al᷊aṛṛanangnge ara'e wawail᷊anne ana waugu i Ya'u, taumata udde sarun manengkamma apia paaṛṛasutta su wageangnge. Wuṛṛu i tou sarun manengkamma lai wiakka tutune ma'oman sara mal᷊annu-l᷊annu.

MATIUS 20:23

Mawu Yesus nabbisara, “Atonna i yamiu sarun ma'inumma lai wuassu mangko-U udde. Arawe su ola'u isai apan sarun uma'ianna su aiṛṛi wuṛṛu su uanang-Ku udde tawe i Ya'u manantunna. Manga tampa udde, tampa manga taumata apan suete tinantunnu Iamangku.”

MATIUS 21:5

“Wal᷊oa'a su Sion, Ratunu tantal᷊anna rudanta ringanni yamiu I tou masaṛṛionto'a wuṛṛu uasa'e sambau keledai, sambau ana'u keledai saṛṛen tumuwo.”

MATIUS 25:21

‘Mapia,’ unnu mawu udde, ‘ete i'o mangangimbe apan mapia wuṛṛu matuṛṛutta. Ana waugu i'o apangimananna ringannu apan addio'a, i ya'u sarun manantillu anamboanne si'o. Suttate wuṛṛu lalluasse ringangku!’

MATIUS 25:23

‘Mapia,’ unnu mawu udde, ‘i'o mangangimbe apan mapia wuṛṛu matuṛṛutta. Ana waugu i'o apangimananna ringannu apan addio'a, i ya'u sarun mangagillu anamboanne si'o. Suttate wuṛṛu lalluasse ringangku!’

MATIUS 25:40

Ratu udde sarun sumimbakka, ‘Asingkate: su tempo i yamiu ma'ola'a inolaanna udde, salaiwe su wallattu sangkatou taumata wuassu manga tuṛṛangku apan addio'anne, ere lai yamiu na'ola'a si Ya'u!’

MATIUS 25:41

See Ratu udde sarun mabbisara su manga taumata su samba'an aiṛṛiNe, ‘Roote wua isindi, manga taumata lal᷊eo! Suttate sulal᷊ummu putungnga apan tawe iapadumma, apan suete nissaddia su Setanna wuṛṛu su manga ralol᷊oṛṛanne!

MATIUS 27:37

Su pua-Ne i mangitou nangadon woṛṛetta su ola'u pinangalaen Tou eteudde: “Indiwe Mawu Yesus ratun taumatan Yahudi”.

MATIUS 3:2

“Awal᷊ute wuassu manga rosanu,” wisarane, “ana waugu Ruata tate mal᷊annu lai mamarenta ere sangkatou Ratu!”

MATIUS 5:19

Ana waugu udde, isai-sai tawe tumuṛṛutta manga parenta udde, manimbe parenta addio'anne, wuṛṛu mangngaṛṛa'a taumata waine ma'ola'a aroddi lai, sarun maola'a addio'anne su wallattu al᷊aṛṛana'u Ruata. Arawe isai-sai apan tuttuṛṛutta manga parenta udde, wuṛṛu mangngaṛṛa'a taumata waine ma'ola'a aroddi lai, sarun maola'a wahewa su wallattu al᷊aṛṛana'u Ruata.

MARKUS 10:17

Napawe Mawu Yesus nanassute lai amatanni mangitou, nirumantate sangkatou tuttatal᷊angnga inai ringannu Mawu Yesus. Taumata udde inumal᷊intuda su saruannu Mawu Yesus wuṛṛu naiwal᷊o, “Huru apan mapia, ya'u ma'ola'a apa tadea'u wotongnge maasomba pabbawiakka tutune wuṛṛu saran mal᷊annu-l᷊annu?”

MARKUS 10:40

Arawe su ola'u isai apan uma'ianna su uananna ara'e su aiṛṛi-U, udde wal᷊ine i Ya'u manantunna. Ruata apan manantunna isai-sai sarun uma'ianna sumanga tampa udde.”

LUKAS 11:28

Arawe Mawu Yesus sinumimbakka, “Nangillembon lal᷊umanna'a lai su taumata apan maddaringikka wisaran Ruata wuṛṛu mappaamattu al᷊aṛṛang-Nge!”

LUKAS 11:50

Ruata na'ola'a udde tadea'u manga taumata orassa indi iṛṛuumanna ana waugu pamamate apan suete niola'a su manga nabi ro'en runia nariaddi,

LUKAS 12:32

“I yamiu apan tumba'u matul᷊ungnga anambone, arie paata'utta! Ana waugu Iamangngu mal᷊uassa mangagillu al᷊amatta si yamiu wuassu Araratuan-Ne.

LUKAS 19:38

I mangitou u'ui, “Nial᷊amatanna Ratu apan nirumanta ringannu arannu Mawu! Paddarame su surga wuṛṛu awawantuga su Ruata!”

YOHANES 1:49

“Iamangnga Huru,” unni Natanael, “Iamangnga eteudde Ana'u Ruata! Ete Iamangnga Ratum walahannu Israel!”

YOHANES 12:13

Ne i mangitou nanappo manga rongngu palem see inaite nanansomakka si Tou, lapiddu u'ui, “Paddalote Ruata! Inal᷊amatanna i Tou apan nirumanta ringannu arannu Mawu. Nial᷊amatanna Ratun Israel!”

YOHANES 17:24

Iamangnga, i Ya'u maapulu tadea'u i mangitou, apan nionggolu Iamangnga si Ya'u, mangke su sambau su tampa atatanaa'ang-Ku, tadea'u i mangitou maasilo awawantu-U; eteudde awawantuga apan nionggolu Iamangnga si Ya'u, ana waugu Iamangnga marangngu si Ya'u ro'en runia taambe niriaddi.

YOHANES 19:15

I mangitou mangke pasi ui, “Patete i Tou; Patete i Tou! Arussa'a i Tou!” I Pilatus naiwal᷊o, “Apa ṛinone i ya'u mangarussan ratunu?” Manga imam tembonanne sinumimbakka, “Tumba'u i Kaisar sassane ratung kami!”

WATTI'U MANGA RASUL 15:18

apan suete namasingkattu olangnge udde ro'em paarorone.”

WATTI'U MANGA RASUL 3:26

Ana waugu udde Ruata namile Allang-Nge, see nandolokki Tou nirumanta ringanni yamiu paarorone, tadea'u i Tou mangal᷊amatta si yamiu. Olangnge i Tou mangal᷊amatta eteudde na'ola'a manga tuṛṛangnga sarangkanambone nawal᷊u wuassu ola'u wiakki yamiu apan lal᷊eo.”

ROMA 8:17

Ne, amungkangngu ete i ite al᷊aṛṛana'u Ruata, ne i ite lai mananahuanna wurru sarun manengkamma manga al᷊amatta apan buatte nissaddian Duata su manga al᷊aṛṛanang-Nge. I ite sarun manengkamma suadio'a ringanni Kristus apa apan buatte nissaddian Duata si Tou; ana waugu amungkangngu i ite uatataṛṛanga su sambau ringanni Kristus, i ite sarun wantuhanna lai su sambau ringanni Kristus.

1 KORINTUS 15:50

Pandumangku, manga tuṛṛangnga, eteudde: wadangnga apan niola'a wuassu ṛaṛṛa wuṛṛu ṛemessa, tawe maasutta su Runia Wakkun Duata; wuṛṛu wadangnga apan wotongnge mate tawe mattatana'a sarangkal᷊o'engnge.

1 KORINTUS 2:9

Arawe olangnge udde ere uawoṛṛetta sulal᷊ummu Wuke Susi, “Apa apan taambe saran paassa niasiloanna ara'e niaringiṛṛannu taumata, wuṛṛu tawe lai saran paassa nilumatto sulal᷊ummu ṛingiṛṛannu taumata, eteudde apan nisaddian Duata su manga taumata apan mandangngu si Tou.”

1 KORINTUS 6:9

Massingkate i yamiu manungku manga taumata apan tawe tumuṛṛutta apulun Duata, tawe maola'a al᷊aṛṛana'u Ruata? Arie aawusuanna! Manga taumata apan sussandaga, manga taumata apan massubba paal᷊uanna, apan mannalangnga wawine, apan ma'ola'a inolaanna apan maasili su sansul᷊ungnge,

GALATIA 5:21

mangngune, mabbu'anna, taṛṛa ramea wuṛṛu al᷊awo'u inolaanna waine. Sulal᷊ummu sarangkanambone udde i ya'u mapaanaungnga si yamiu orassa indi, su ereapa lai ya'u napaananungnga si yamiu rorone, manungku manga taumata apan ma'ola'a inolaanna ereudde tawe maola'a al᷊aṛṛana'u Ruata.

EFESUS 5:5

Panutukka paapia-pia: taumata apan pallal᷊agune sussandaga, ara'e tawe matataṛṛino, ara'e wal᷊iu (pallal᷊agu ereudde nassul᷊ungngu lai massubba paal᷊uanna), taumata udde tawe masutta su walahanna apan paparentanni Kristus wuṛṛu Ruata.

1 TESALONIKA 2:12

I yami mannantiro si yamiu, i yami mangngonggolu sasasa si yamiu wuṛṛu i yami mammata'a tadea'u i yamiu mabbiakka aroddi olangnge ma'oman sara maal᷊uassa naungngu Ruata. Ana waugu Ruata suete namaggo si yamiu maola'a lal᷊oṛṛon Dunia Wakkun Duata wuṛṛu mamendamma awawantu-Ge.

2 TIMOTIUS 2:12

Amungkangu i ite sidutu matammuda, i ite sarun mamarenta lai suadio'a ringanni Tou. Amungkangu i ite massinaadi Tou, I Tou lai sarun massinaadi ite.

2 TIMOTIUS 4:8

Wuṛṛu orassa indi lal᷊antaku auntunganna uaraṛṛaddo sia'u. Su Allon Kiamatta, Mawu, Mallaṛṛuungnga apan matul᷊idda udde sarun manantillu lal᷊antake udde si ya'u, ana waugu i ya'u mabbiakka uaaukka ringannu Ruata. Wuṛṛu wal᷊ine tumba'u i ya'u sassane apan manengkamma lal᷊antake udde, arawe lai anambon taumata apan uaraṛṛaddo darantan Mawu ringannu ahewallu naungnga.

IBRANI 1:14

Amungkangu aroddi, manga mala'ekatta udde apa i mangitou? Ete i mangitou udde manga ghaṛṛaho apan mangngimbe Ruata, wuṛṛu apan iradolokku Ruata iapaatul᷊ungngu manga taumata apan sarun manengkamma asasal᷊amatta.

IBRANI 11:16

Arawe nasemakke, manungku i mangitou maapulun sambau soa lembon mapia, eteudde Soa su surga. Ana waugu udde Ruata tawe masili amungkangu i mangitou managone Ruata mangitou, ana waugu Ruata suete nanaddia sambau soa si mangitou.

IBRANI 4:3

Arawe i ite apan mangngimanna manengkamma pangangillol᷊o apan suete nipa'iren Ruata udde. Udde uasul᷊unga ringannu apa apan suete niwal᷊on Ruata, arendi, “I Ya'u nasa'u wuṛṛu nassalu, ‘I mangitou sarun tawe maasutta wuṛṛu maasomba pangillol᷊oanna su sambau ringang-Ku.’ ” Ruata nabbisara aroddi salaiwe manara-Ne nasuete ro'en i Tou nandiadi runia indi.

IBRANI 9:26

Ana waugu amungkangu aroddi, udde atappasanne i Tou masokkate matataṛṛanga ro'en runia indi niriaddi. Arawe wutte'e, orassa indi su tempo apan panginsueanne indi, i Tou nirumanta tumba'u paassa mamappasa rosa ringannu nanantillu wadang-Nge sassane.

YAKOBUS 2:5

Paanaunge, manga tuṛṛangnga apan arangnguanna! Taumata asiangnga su runia indi, nipilen Duata maola'a taumata ala sulal᷊ummu pangangimanna. Manga taumata udde sarun maola'a reengannu al᷊aṛṛana'u Ruata ere suete nipa'iren Duata su taumata apan mandangngu si Tou.

1 PETRUS 1:9

Ana waugu tuddam pangangimannu nia'omanna, eteudde asasal᷊amattu niawanu.

1 PETRUS 3:9

Arie mabbal᷊issu al᷊al᷊eo ringannu al᷊al᷊eo, ara'e lal᷊ela wal᷊isannu lai lal᷊ela; arawe wal᷊isete ringannu maddorongnga al᷊amatta wuassu Ruata. Ana waugu Ruata namaggo si yamiu tadea'u i yamiu manengkamma al᷊amatta wuassi Tou.

SONDAPPA 13:8

Winatangnga udde sarun subbannu anambon taumata apan mabbiakka su wowon runia indi, tabbene'e manga taumata apan aranne niwoṛṛeta tantal᷊anna runia indi taambe nariaddi, sulal᷊ummu wuken taumata wiakka pussa'an Ana'u Domba apan suete nipototta.

SONDAPPA 17:8

Winatangnga udde rorone suete nabbiakka, arawe orassa indi tate mabbiakka apia. Ete adio'a lai tou sumabbanga wuassu rampisu papate wuṛṛu inai mattudan tampam papatene. Manga taumata apan mabbiakka su runia, apan aranne tawe uawoṛṛetta sulal᷊ummu Wuken Taumata Wiakka tantal᷊anna runia taambe niriaddi sarun tumiangnga napawe maasilo winatangnga udde. Ana waugu winatanga udde rorone suete nabbiaka. Orassa indi i tou tate nabbiaka lai, arawe i tou sarun rumanta apia.

SONDAPPA 19:16

Su jubah-Ne wuṛṛu su palang-Nge uawoṛṛetta aranna indi, “Ratun al᷊awo'u ratu, wuṛṛu Mawun al᷊awo'u mawu.”

SONDAPPA 21:7

Manga taumata apan naauntunga sarun manengkama manga wawal᷊issu inolaanne udde wuassia-U. I Ya'u sarun maola'a Ruatane, wuṛṛu i tou sarun maola'a ana-U.

SONDAPPA 5:10

I'o suete nandiaddi si mangitou sambau walahannu manga imam sassane, tadea'u i mangitou mangimbe Ruatang kite, wuṛṛu mamarenta su wowon runia.”