MATIUS 24:30 - WUKE SUSI WATTI'U AL᷊AL᷊USASSA

³⁰ Wua'udde tandan Ana'u Taumata sarun iasilo su langitta. Su tempo udde manga walahanna su runia sarun lumuai. I mangitou sarun maasilo Ana'u Taumata rumanta wuassu winabbawa ringannu taṛṛino wuṛṛu awawantuga apan bahewa.

MATIUS 24:30 ပူးပေါင်းရင်းမြစ်များ

DANIEL 7:13

Sulal᷊ummu sonda'u rabbi udde, i ya'u naasilo sambau lihidde ere taumata. I Tou nirumanta ringanni papal᷊iwutannu winabbawa ana see inaite ringannu Tou apan wiakka saran mal᷊annu-l᷊annu wuṛṛu niapasingkatta si tou.

ZAKARIA 12:10

Wua'udde papapulunni Daud see tumana'u Yerusalem sarun Ta'u onggol᷊annu naungnga masingkatta umakkanna wuṛṛu mappulu umal᷊iomanna. I mangitou sarun ma'ellega si tou apan buatte niusu'i mangitou wuṛṛu lumallu ere taumata lulluain anangnge man sambau. I mangitou sarun lumallu ringannu sussangitta, naal᷊ihidda ere taumata apan niawul᷊iannu ana'a pahul᷊u.

ZAKARIA 12:11

Su allo udde sarun pia lal᷊uai apan wahewallu su Yerusalem, naal᷊ihidda nilumuain Hadad-Rimon su Walahannu Megido.

MATIUS 24:3

Wua'udde Mawu Yesus inaite watukku Wuiddu Zaitun, wuṛṛu tantal᷊anna i Tou ua'ianna, mallal᷊aṛṛenggen-Ne nirumanta maggahatton Tou sassane. “Wal᷊oa'e si yami tingngera sarangkanambone udde sarun mariaddi,” unni mangitou si Tou. “Manga tanda apa apan mamasingkattu darantan Iamangnga wuṛṛu pangudusannu runia indi?”

MATIUS 24:37

Napawe Ana'u Taumata rumanta olangnge naal᷊ihidda ere su tempo i Nuh dorone.

MATIUS 24:39

Su tempo manawangnga udde nangelekki mangitou sarangkanambone, wakkute udde i mangitou naatutukka su ola'u apa apan tantal᷊anna nariaddi udde. Aroddi lai olangnge sarun mariaddi amungkangngu Ana'u Taumata rumanta.

MATIUS 26:64

Mawu Yesus sinumimbakka, “Aroddite ere su wisaranu. Arawe pangimante: manattakka orassa indi yamiu sarun maasilo Ana'u Taumata uma'ianna su samba'an uanannu Ruata Lembo Mataṛṛino, wuṛṛu rumanta sulal᷊ummu winabbawa wuassu langitta!”

MARKUS 13:26

Su tempo udde Ana'u Taumata sarun iasilo rumanta wuassu winabbawa ringannu taṛṛino apan bahewa wuṛṛu mawantuga.

MARKUS 13:4

“Annama'a wal᷊oa'a si yami Iamangnga,” unni mangitou si Tou, “Angngerate sarangkanambone udde sarun mariaddi? Wuṛṛu manga tanda apa apan mammasingkatta manungku tempone nia'omante?”

LUKAS 21:27

Su tempo udde Ana'u Taumata sarun rumanta sulal᷊ummu winabbawa ringannu taṛṛinone wuṛṛu awawantuga apan bahewa.

LUKAS 22:69

Arawe manattakka orassa indi, Ana'u Taumata sarun uma'ianna su uanannu Ruata Lembo Mataṛṛino.”

WATTI'U MANGA RASUL 1:11

“Ei, manga taumatan Galilea,” unnu taumata darua udde, “anio i yamiu uarisikka isudde uatingngara langitta? Mawu Yesus apan aellehanni yamiu nasengkengnga watukku surga udde su saruanni yamiu, sarun mabelengnga apia ringannu olangnge ereudde lai apan niasiloanni yamiu tanginna.”

2 TESALONIKA 1:7

Wuṛṛu si yamiu apan orassa indi uatataṛṛanga – aroddi lai si yami – Ruata sarun mangonggolu al᷊al᷊uassa su allo Mawu Yesus sumossokka wuassu surga wuṛṛu mamasilom batangan-Ne ringannu manga mala'ekatta apan matohassa,

SONDAPPA 1:7

Pa'ellega i Tou rumanta sulal᷊ummu winabbawa! Anambon taumata sarun ma'ellega si Tou, nasutta i mangitou lai apan nangusu'a si Tou. Anambon walahanna su runia sarun lumal᷊on Tou. Ore, Atonna! Amin!

SONDAPPA 12:1

See niasiloanna su langitta sambau apan ma'aṛṛindu'a wuṛṛu tumaniten ma'atiangnga. Sangkatou wawine ual᷊uṛṛen matannallo peddene, tantal᷊anna uarisikka su wowon wul᷊anna. Su puane pia sambau araposan araratuanna niola'a wuassu mapul᷊o dua anumpitanna.