MATIUS 24:24 - WUKE SUSI WATTI'U AL᷊AL᷊USASSA

²⁴ Ana waugu sarun dumanta manga mananal᷊amatta awusu wuṛṛu manga nabi awusu. I mangitou sarun ma'ola'a al᷊awo'u inolaanna apan bahewalla, wuṛṛu manga al᷊aṛṛindu'a ipangawusu, amungkangngu wotongnge, al᷊aṛṛana'u Ruata lai.

MATIUS 24:24 ပူးပေါင်းရင်းမြစ်များ

YESAYA 9:15

Manga piaṛṛa'u walahannu udde buatte nangal᷊iwu wuṛṛu nanongkakku tumana'u soa.

MATIUS 22:14

See Mawu Yesus nanginsue sasumandingnga udde ereindi: “Manambo apan wagoanna, arawe mattul᷊ungnga atonna apan mapile.”

MATIUS 24:11

Manambo manga nabi awusu sarun dumanta, wuṛṛu mangawusu taumata nambo.

MATIUS 24:22

Unnu wisara, Ruata tawe mangal᷊ihakku tempone; tawe saran sangkatou apan botongnge masal᷊amatta. Arawe ana waugu al᷊aṛṛanang-Nge, Ruata nangautta tempone udde.

MATIUS 24:25

Nariaddi, paanaunge! I Ya'u suete namasingkatta si yamiu paarorone tantal᷊anna olangnge udde taambe nariaddi.

MATIUS 24:31

Trompeta wahewa sarun tiupanna wuṛṛu Ana'u Taumata sarun mandolokku manga mala'ekanne mangammullu al᷊aṛṛanang-Nge wuassu pi'un dunia appatta, wuassu punnu langitta sambau ma'oman sara punnu langitta waine.”

MATIUS 24:5

Ana waugu manambo taumata apan rumanta ringannu arang-Ku see mabbisara, ‘I Ya'u Ratum Punnu Sal᷊amatta!’ I mangitou sarun mamahia taumata nambo.

MATIUS 7:15

“Paatehamma su manga nabi awusu. I mangitou nirumanta ringanni yamiu, lihide ere domba, arawe i mangitou ṛinone ere serigala apan mal᷊aṛṛaga.

MARKUS 13:22

Ana waugu mananal᷊amatta awusu wuṛṛu manga nabi awusu sarun dumanta. I mangitou sarun ma'ola'a al᷊awo'u inolaanna wahahewa wuṛṛu al᷊awo'u al᷊aṛṛindu'a ipangawusu al᷊aṛṛana'u Ruata amungkangngu wotongnge.

LUKAS 18:7

Ne, apa Ruata tawe manamba'a hatton al᷊aṛṛanang-Nge sassane apan sussal᷊ande si Tou allo ṛabbi? Apa i Tou sarun manoṛṛuttu tempone mantul᷊ungngi mangitou!

YOHANES 4:48

Mawu Yesus nabbisara su mammamanaran tembonanne udde, “Amungkangngu i yamiu tawe maasilo manga al᷊aṛṛindu'a, i yamiu tawe mangngimanna.”

YOHANES 6:37

Anambon taumata apan nionggolu Iamangnga si Ya'u sarun rumanta ringang-Ku. I Ya'u tawe mapawelengngi sai-sai apan rumanta ringang-Ku.

YOHANES 6:39

Wuṛṛu ete indi apulu-Ne apan nandolo-U: tadea'u wuassu anambon taumata apan tinantilla si Ya'u, tawe saran sangkatou apan mawul᷊i; tadea'u i Ya'u mapaawangunni mangitou su Allong Kiamatta.

WATTI'U MANGA RASUL 20:16

I Paulus suete nangatokka manungku tate umotongnga su Efesus, tadea'u allo tawe maramme su leta'u Asia. Wuṛṛu amungkangngu wotongnge i tou ma'apulu mal᷊iha-l᷊ihakka ma'omate su Yerusalem su Allo Wahewam Pentakosta.

ROMA 12:18

Wuassu sambaanu padea'a mabbiakka su paddarame ringannu taumata nambo.

GALATIA 4:15

I yamiu lulluassa atonna su tempo udde. Arawe orassa indi, suapate al᷊al᷊uassa udde? I ya'u masingkata manungku su tempo udde i yamiu maapulu mallasso'a matan kamiu sassane wuṛṛu ionggola si ya'u, amungkangngu udde wotongnge olaanna.

TAHIUL᷊E 13:1

Amungkangngu sangkatou nabi ara'e taṛṛa wal᷊iawa maddiandin sambau tanda ma'atiangnga ara'e al᷊aṛṛindu'a

2 TIMOTIUS 2:19

Arawe pinangiananne matohassa apan niola'u Ruata, tawe ia'io'a. Su wowone uawoṛṛetta arendi, “Mawu masingkattu manga taumata pussa'a-Ne”, wuṛṛu “Taumata apan mabbisara manungku i tou pussa'an Mawu, taumata udde ṛinone tate ma'ola'a inolaanne apan nassal᷊a”.

1 PETRUS 1:5

Sarangkanambone udde ionggola si yamiu, ana waugu i yamiu mangngimanna Ruata. Ne i yamiu rariagannu taṛṛinon Duata tadea'u i yamiu manengkamma asasal᷊amatta apan nasaddiate iapaal᷊iatta'a su allo pangudusanne.

2 PETRUS 3:17

Arawe i yamiu manga tuṛṛangku apan arangnguanna, maasingkatte olangnge udde. Ana waugu udde, paatehamma, arie i yamiu iawol᷊engnga sulal᷊ummu ararandumu manga taumata lal᷊eo, ma'oman sara i yamiu manawo wuassu tampa dararisiṛṛanu apan matohassa.

1 YOHANES 2:18

Al᷊aṛṛana'u panginsueannu tempo maranite! Suete niapaasingkata si yamiu paarorone, manungku Seetti Kristus sarun rumanta; wuṛṛu orassa indi nirumantate anambon taumata apan masseetti Kristus. Udde tatialane manungku panginsueannu runia maranite.

1 YOHANES 2:22

Isai nangawusu eteudde taumata apan nabbisara manungku Mawu Yesus wal᷊inewe Ratun Punnu Sal᷊amatta apan pina'iren Duata. Taumata udde Seetti Kristus; i tou tawe manga'u Iamangnga ara'e Ana'a.

1 YOHANES 5:18

I ite masingkatta manungku anambon taumata apan suete naola'a al᷊aṛṛana'u Ruata, tawe sidutu ma'ola'a rosa, ana waugu Ana'u Ruata uasirugngnga si tou, wuṛṛu i Lal᷊eo tawe mapa'ola'a apa-apa si tou.

SONDAPPA 19:20

Ne winatangnga udde niasametta suadio'a ringannu nabi awusu apan suete na'ola'a manga al᷊aṛṛindu'a su saruannu winatangnga udde. (Ringannu manga al᷊aṛṛindu'a uddewe winatangnga udde nangawusu manga taumata apan uatahuanna tatialam binatangnga udde, wuṛṛu manga taumata apan massubba paal᷊uannu winatangnga udde.) See winatangnga udde wuṛṛu nabi awusu udde niramme ta'e wiakka sulal᷊ummu tahal᷊oangngu putungnga apan lukkenggama ringannu belerangnga.