MATIUS 21:32 - WUKE SUSI WATTI'U AL᷊AL᷊USASSA

³² Ana waugu i Yohanes Mananaṛṛani nirumanta, wuṛṛu namasilo si yamiu ola'u mabbiakka apan ipaapulu Mawu, arawe i yamiu madiri mangngimanna al᷊aṛṛangnge; arawe manga mallal᷊uṛṛu wose wuṛṛu manga wawine masandaga mangngimanna si tou. Arawe salaiwe i yamiu suete naasilo sarangkanambone udde, i yamiu tawe namal᷊u ṛingiṛṛanni yamiu wuṛṛu tate mangngimanna lai Mawu.”

MATIUS 21:32 ပူးပေါင်းရင်းမြစ်များ

YESAYA 35:8

Poiaroddi sarun pia lal᷊anna wahewalla, “Lal᷊anna matuddan asasal᷊amatta” aranne. Taumata marosa sarun tawe umamatta poiaroddi, taumata woddo sarun tawe mangal᷊iwun taumata umamatta isudde.

YEREMIA 6:16

Mawu nabbisara uman-Ne, “Darisikke su pappengannu lal᷊anna, wuṛṛu panutudde paapia-pia! Pa'iwal᷊ote manga lal᷊annu al᷊amona, wuṛṛu suapa apan apianne suwallanne. Amatte su lal᷊anna udde, tadea'u i yamiu mabbiakka matammudda.” Arawe i mangitou nabbisara, “Tawe, i yami maddiri umamatta su lal᷊anna udde!”

MATIUS 11:18

I Yohanes nirumanta – i tou mappuasa wuṛṛu tawe ma'inumma anggore; wuṛṛu manga taumata mabbisara, ‘I Tou niasuttannu setanna!’

MATIUS 21:25

I Yohanes Mananaṛṛani ringannu taṛṛinon sai? Ruata ara'e taumata?” See manga imam tembonanne wuṛṛu manga piaṛṛa'u Yahudi mannattakke ma'ire, su wallatti mangitou. “Amungkangngu i ite mabbisara, ‘Ringannu taṛṛinon Ruata,’ i Tou sarun mabbisara, ‘Amungkangngu aroddi anio i yamiu tawe mangngimanna si Tou?’

MATIUS 21:31

Ne su wallattu ana'a darua indi, suapane apan tinumuṛṛutta apulun iamangnge?” “Iapa pahul᷊une,” sinimbakku manga imam tembonanne wuṛṛu piaṛṛa'u Yahudi udde. Ne Mawu Yesus nabbisarate si mangitou, “Pangimante: Maddarorongnga wose wuṛṛu manga wawine masandaga sarun maola'a lal᷊oṛṛon araratuannu Ruata rorone wuassi yamiu.

MATIUS 5:46

Ana waugu amungkangngu i yamiu tumba'u mandangngu taumata apan mandangngu si yamiu, apa hunane su Ruata mabbal᷊issa inolaanni yamiu udde? Wal᷊inewe manga maddarorongnga wose lai ma'ola'a aroddi?

2 TIMOTIUS 2:25

I tou ṛinone ringannu masi'ome mangaṛṛa'a manga taumata mal᷊awanga; doronganna Ruata sarun mangonggolu allo su manga taumata udde mawal᷊u wuassu manga rosan mangitou wuṛṛu ma'illal᷊a al᷊aṛṛa'a su ṛinone.

IBRANI 3:12

Manga tuṛṛangnga, paatehamma arie ma'oman sara piaddu sangkatou wuassu wallatti yamiu apan pia naungnge aroddi alal᷊eone wuṛṛu tawe pangangimanne, na'oman sara i tou mabelengnga wuṛṛu mangindaun Ruata apan biakka!

2 PETRUS 2:21

Mappianne manga taumata ereudde tawe saran paassa naasingkata lal᷊annu apapian Duata, wuassu i mangitou masingkata, arawe wua'udde maddiri tumuṛṛutta manga parenta apan nionggolu Ruata si mangitou.

SONDAPPA 2:21

Suete Ta'u nionggol᷊annu tempone i tou mawal᷊u wuassu manga rosane, arawe i tou maddiri mamallosu inolaanne sussandaga udde.