MATIUS 21:20 - WUKE SUSI WATTI'U AL᷊AL᷊USASSA

²⁰ Su tempo mallal᷊aṛṛenggennu Mawu Yesus naasilo inolaanna udde, i mangitou naherangnga atonna. “Ereapa alu ara udde wotongnge lapiddu naṛṛangu?” aiwal᷊o mangitou.

MATIUS 21:20 ပူးပေါင်းရင်းမြစ်များ

MATIUS 21:19

I Tou naasilo sangkalu alu ara su winggin dal᷊anna. I Tou inaite su al᷊ungngu alu udde, arawe tawe naasomba wuane saran sambau, tumba'u rongngane sassane. See Mawu Yesus nabbisarate alu udde, “I'o sarun tate mabbua!” alu ara udde lapiddu tinumolangnga.

MATIUS 21:21

“Atonna,” sasimbakku Mawu Yesus, “amungkangngu i yamiu mangngimanna wuṛṛu tawe humago'a, i yamiu maaola'a apa apan suete niola-U su alu ara indi, wuṛṛu tawe tumba'u udde sassane, ewe'e lai yamiu maawisara lai su wuidda indi, ‘Awengkette wuṛṛu awontolle sulal᷊ummu tahal᷊oangnga’: ne olangnge udde sarun mariaddi.

MATIUS 8:10

Su tempo Mawu Yesus naaringikka apa apan niwal᷊on tembonannu tantara udde, i Tou mangke naherangnga. Wua'udde i Tou nabbisara su manga taumata uatantalongnga si Tou, “Wal᷊ine hampa taumata indi. Su wallattu taumatan Israel i Ya'u taambe naasomba taumata pangangimanne aroddi ahewalle!