MATIUS 20:28 - WUKE SUSI WATTI'U AL᷊AL᷊USASSA

²⁸ Ere lai Ana'u Taumata udde, i Tou nirumanta wal᷊ine tadea'u imbeanna, arawe mangimbe, wuṛṛu manantillu niawa-Ne ipamallossu taumata nambo.”

MATIUS 20:28 ပူးပေါင်းရင်းမြစ်များ

AYUB 33:24

Ringannu u'akkanna mala'ekatta udde sarun mabbisara, ‘Pallosa'e i tou, tawe wotongnge i tou sumossokka su runian taumata nate. Indite roitta tatubbunne, tadea'u i tou mapallossa apia.’

DARALO 49:7

I mangitou sarun mangasakku paa'alane, wuṛṛu mamungan darotongnge.

YESAYA 53:5

Arawe i tou nilessa ana waugu manga rosan kite, wuṛṛu nipuulla ana waugu al᷊al᷊eo kite. I Tou niṛṛuumanna tadea'u i ite masal᷊amatta, ana waugu manga apapiane i ite niapa'apia.

YESAYA 53:8

I tou nitaṛṛanganna wuṛṛu niparikisanna, ana see niapidda wuṛṛu niṛṛuumanna pateanna. Taweddu na'ellega nasimme; i tou nate ana waugu rosan walahanni ite.

MATIUS 20:27

Wuṛṛu taumata apan maapulu maola'a paarorone su wallatti yamiu, ṛinone maola'a allangngu.

MATIUS 26:28

Ana waugu indi ṛaṛṛa-U apan mannohassa pa'airen Ruata ṛaṛṛa apan niapaturo ana waugu taumata nambo wuṛṛu ipangampungnga rosa mangitou.

MATIUS 8:20

Mawu Yesus sinumimbakka, “Serigala pia loṛṛangnge wuṛṛu manu'u winalanganna pia sal᷊akke, arawe Ana'u Taumata tawe tampa lallalowanganne.”

MARKUS 10:45

Ana waugu Ana'u Taumata lai nirumanta wal᷊ine ana see imbeanna. I Tou nirumanta mangimbe wuṛṛu manantillu niawa-Ne ipanubussa rosan taumata nambo.”

MARKUS 14:24

Wua'udde Mawu Yesus nabbisara, “Ete indi ṛaṛṛa-U apan mapaasuungngu pa'airen Duata, ṛaṛṛa apan suete niapaturo hunan taumata nambo.

LUKAS 22:27

Isai magewal᷊anne: taumata apan ua'ianna u'anna su medda, ara'e taumata apan mangngimbe si tou? Natantunna taumata apan ua'ianna udde. Arawe i Ya'u isindi ringanni yamiu naola'a ere sangkatou mangangimbe.

ROMA 4:25

Mawu Yesus udde buatte tinantilla iapapate ana waugu manga rosan kite, see i Tou niapaawiakku Ruata apia, tadea'u i ite maaukka apia ringannu Ruata.

2 KORINTUS 8:9

Ana waugu i yamiu masingkata atonna manungku i ite lembon arangnguanni Yesus Kristus Mawun kite. I Tou ala, arawe i Tou nattingkaola'a asiangnga ana waugu i ite, tadea'u ringannu paa'asiangnge udde i yamiu maola'a ala.

GALATIA 3:13

Arawe Kristus namallosi ite wuassu awawontogu titan agama. I Tou na'ola'a udde ringannu namalan watangan-Ne awontohanna ana waugu i ite. Ana waugu sulal᷊ummu Wuke Susi uawoṛṛetta, “Niawontohante taumata apan nate niele su alu pangangeleanna.”

EFESUS 1:7

Ana waugu wuassu papaten Kristus, i ite nipallosu Ruata, atappasanne manungku i Tou buatte nangampunga si ite wuassu manga rosan kite.

EFESUS 5:2

Wiakku ṛinone aintaṛṛoannu darangngu, ere lai Kristus marangngu si ite. I Tou nanantillu watangan-Ne ana waugu i ite, maola'a sambau sasamba apan mawangngi wuṛṛu maal᷊uassa naungngu Ruata.

1 TIMOTIUS 2:6

I Tou sangkatou taumata apan suete nanantillu watangan-Ne ipamallosu anambon taumata wuassu manga rosa mangitou. Ringannu udde Ruata napaal᷊iatta'a su tempo apan na'etta'a, manungku i Tou maapulu tadea'u anambon taumata masal᷊amatta.

TITUS 2:14

I Tou suete nanantillu watangan-Ne ana waugu i ite wuṛṛu ana waugu mamallosi ite wuassu al᷊awo'u al᷊al᷊eo, wuṛṛu na'ola'a si ite sambau walahanna apan nal᷊iu wuassu al᷊awo'u rosa wuṛṛu tumba'u naola'a pussa'a-Ne sassane, wuṛṛu maṛṛimadda ma'ola'a apapia.

IBRANI 2:10

Atonna su ṛinonete Ruata – apan nandiaddi ul᷊ilimpati'uppa ringannu panduman-Ne sassane – nandiaddi Mawu Yesus mananal᷊amatta apan nasuungnga sulal᷊ummu asasusa. Ringannu aroddi Ruata wotongnge mangahe taumata nambo iapawantuga suadio'a ringannu Mawu Yesus. Ana waugu ete i Tou mamamu'a lal᷊anna si mangitou tadea'u wotongnge iapaasal᷊amatta.

IBRANI 5:8

Mawu Yesus uddewe Ana'u Ruata, arawe salaiwe aroddi, Tou mattingkaola'a matuṛṛuta sulal᷊ummu asasusa-Ne.

IBRANI 9:28

Aroddi lai i Kristus tumba'u paassa tinantilla maola'a sasamba ipanubussa rosan anambon taumata. I Tou sarun dumanta apia su aruane, wal᷊ine manginsue hatton paddarosa, arawe manal᷊amatta manga taumata apan uaraṛṛaddo daranta-Ne.

1 PETRUS 2:24

Kristus sassane namasanna manga rosan kite su watangan-Ne roso su alu arussa, tadea'u i ite mapallosa wuassu taṛṛinon dosa, wuṛṛu mabbiakka tuttuṛṛuta apulun Duata. Ete manga lessan Kristus apan nangapia si yamiu.

1 PETRUS 3:18

Ana waugu Kristus sassane nate tumba'u paassa, ma'oman sara mal᷊annu-l᷊annu ana waugu rosan taumata – sangkatou apan tawe sal᷊ane, nate hunan taumata apan nassal᷊a. Kristus naola'a udde tadea'u i Tou wotongnge mangehetta si yamiu ringannu Ruata. I Tou nipate su ola'u wadanga arawe niaapawiakka apia su ola'u Ghaṛṛaho.

1 YOHANES 2:2

Ringannu pamamanaran Yesus Kristus uddewe manga rosan kite niampunganna. Wuṛṛu wal᷊ine tumba'u manga rosan kite sassane, ewe'e rosan anambon taumata lai.

SONDAPPA 1:5

wuṛṛu wuassi Yesus Kristus, mattatiala apan matuṛṛuta. Ete i Tou apan paarorone niapaawiakka apia wuassu papate wuṛṛu ete i Tou ahebbal᷊anne uaparenta manga ratun runia. Mawu Yesus mandangngu si ite, wuṛṛu ringannu papate-Ne, i Tou napaal᷊iung kite wuassu manga rosang kite,