MATIUS 17:18 - WUKE SUSI WATTI'U AL᷊AL᷊USASSA

¹⁸ See Mawu Yesus namarentate ghaṛṛaho lal᷊eo udde sumabangnga wuassu lal᷊ummu ana'a udde. Wuṛṛu ghaṛṛaho lal᷊eo udde sinumabangnga, see ana'a udde napia su orassa udde lai.

MATIUS 17:18 ပူးပေါင်းရင်းမြစ်များ

MATIUS 12:22

Wua'udde niapidda ringannu Mawu Yesus sangkatou wuta wuṛṛu mou ana waugu niintaṛṛoannu ghaṛṛaho lal᷊eo. Mawu Yesus napaapian taumata udde na'oman sara i tou naawisarate wuṛṛu naasilote.

MATIUS 15:28

See Mawu Yesus nabbisara si tou, “Inangnga, matohassa atonna pangangimannu! Ariadite apa apan ipa'apulunu!” Orassa udde lai ana'a wawine udde napia.

MATIUS 17:17

Mawu Yesus sinumimbakka, “Wal᷊ine hampa i yamiu indi! I yamiu atonna tonna taumata apan wengkolla wuṛṛu tawe mangngimanna. Ma'oman sara tingngera i Ya'u ṛinone uatana'a ringanni yamiu wuṛṛu manabare su al᷊al᷊eong kamiu? Apira'e ana'a udde inawarea!”

MATIUS 17:19

Wua'udde manga mallal᷊aṛṛenggennu Mawu Yesus nirumanta ringanni Tou sassane wuṛṛu naiwal᷊o si Tou, “Iamangnga, ana waugu apa i yami tawe maal᷊imbuakka ghaṛṛaho lal᷊eo udde?”

MATIUS 9:22

Orassa udde Mawu Yesus nanaile wuṛṛu naasilo wawine udde see nabbisara si tou, “Paatammuda, ana'u! Ana waugu i'o mangngimanna si Ya'u, i'o mapiate!” Orassa udde lai wawine udde napia.

MARKUS 1:34

See Mawu Yesus napaapiaten anambon taumata apan uatataṛṛangnga al᷊awo'u hatin rada'a, wuṛṛu nallimbuakke lai manga ghaṛṛaho lal᷊eo. I Tou tawe nangagillu tempone su manga ghaṛṛaho lal᷊eo udde mabbisara, ana waugu i mangitou masingkatte isai i Tou udde.

MARKUS 5:8

Taumata udde nabbisara aroddi ana waugu Mawu Yesus nabbisara si tou, “Ghaṛṛaho lal᷊eo, sabbangke wuassu taumata indi!”)

LUKAS 4:41

Manga ghaṛṛaho lal᷊eo udde sinumabangke wuassu taumata nambo udde lapiddu mangngintul᷊i, “Ete I'o Ana'u Ruata!” Arawe Mawu Yesus namul᷊o si mangitou wuṛṛu naningaddi mangitou mabbisara, ana waugu i mangitou masingkatta manungku ete i Tou Ratum Punnu Sal᷊amatta.

LUKAS 8:29

Taumata udde nabbisara aroddi ana waugu Mawu Yesus namarenta ghaṛṛaho lal᷊eo udde sinumabangnga wuassi tou. Masokkate i tou suttannu ghaṛṛaho lal᷊eo udde, ma'oman sara salaiwe limane wuṛṛu leddane suete niṛṛapussu ṛate wuṛṛu i tou rariaganna mapia-pia, i tou ta'e lai maawassutta ṛate udde see iaapiddu ghaṛṛaho lal᷊eo watukku wadda'a.

LUKAS 9:42

Tantal᷊anna ana'a udde u'amatta mattuda Mawu Yesus, ghaṛṛaho lal᷊eo udde nangema'i tou wuṛṛu wadangnge iwabantikke. Arawe Mawu Yesus namarenta ghaṛṛaho lal᷊eo udde niapaasabangnga see napiate ana'a udde. See ana'a udde tinantille apia su iamangnge.

WATTI'U MANGA RASUL 16:18

Manga pira allo al᷊annune wawine udde sidutu u'al᷊iata aroddi. I Paulus niasueannu asasabarene, na'oman sara i tou nanaile see nabbisara ghaṛṛaho lal᷊eo udde, “Ringannu arannu Mawu Yesus Kristus, i ya'u mamarenta si'o sabbangnga wuassu wawine udde.” Orassa udde lai ghaṛṛaho udde nanantangngu wawine udde.