MATIUS 17:17 - WUKE SUSI WATTI'U AL᷊AL᷊USASSA

¹⁷ Mawu Yesus sinumimbakka, “Wal᷊ine hampa i yamiu indi! I yamiu atonna tonna taumata apan wengkolla wuṛṛu tawe mangngimanna. Ma'oman sara tingngera i Ya'u ṛinone uatana'a ringanni yamiu wuṛṛu manabare su al᷊al᷊eong kamiu? Apira'e ana'a udde inawarea!”

MATIUS 17:17 ပူးပေါင်းရင်းမြစ်များ

DARALO 95:10

Appatu pul᷊o su tonnane al᷊annune i Ya'u nuallen mangitou; wisara-U: Atonna, walahanna udde mal᷊awangnga! I mangitou tawe maddaringikka manga parenta-U.

SASABANGNGA 10:3

Ana see i Musa wuṛṛu i Harun inaite sinumaruanna ratu wuṛṛu nabbisara si tou, “Mawu, Ruatan balahannu Ibrani, nabbisara, ‘Sara tingngera i'o tawe massuṛṛubawa si Ya'u? Wala'awe al᷊aṛṛana'U inai, tadea'u i mangitou wotongnge mattaṛṛamawu si Ya'u.

SASABANGNGA 16:28

Ana see Mawu nabbisara si Musa, “Ma'oman sara tingngera i yamiu tawe tumuṛutta manga parenta-U?

AMSAL 1:22

“Ei manga taumata longonna! Maddatingngu tingngera apulun kamiu sidutu aroddi? Tingngerate a'omanna tempone i yamiu umaddo mangngaddio'a wuṛṛu manol᷊a'u al᷊aṛṛa'a?

AMSAL 6:9

Maddatingngu tingngera i wolo'a udde mattiilla? Tingngerate i tou mappulu mabbangunna?

YESAYA 19:14

Ete Mawu apan ma'ola'a si mangitou mangonggollu al᷊aṛṛa'a apan mangngal᷊iwu. Pangillul᷊eanne, Mesir mangke su sal᷊a, wuṛṛu lullallengge naal᷊ihidda taumata wu'anna apan nattanggul᷊ewakka su mutane sassane.

YEREMIA 4:14

Yerusalem, rammea'e al᷊al᷊eonu wuassu naungngu tadea'u i'o masal᷊amatta. Ma'oman sara tingngera manga ṛingiranna lal᷊eo udde sahipunanna sulal᷊ummu naungngu?

REENGANNA 14:11

Mawu nabbisara si Musa, “Ta'e pira tempo lai al᷊annune manga taumata indi lullawangnga si Ya'u? Sara tingngera i mangitou maddiri mangimanna si Ya'u, salaiwe i Ya'u buatte na'ola'a aroddi anambone al᷊aṛṛidu'a su wallati mangitou?

REENGANNA 14:27

“Sara tingngera manga taumata lal᷊eo udde sussamboṛṛe si Ya'u? Anambon sasal᷊iomanni mangitou i Ya'u na'aringikke.

MATIUS 13:58

Ne ana waugu udde Mawu Yesus tawe na'ola'a al᷊aṛṛindu'a manambo isudde ana waugu i mangitou tawe mangngimanna.

MATIUS 16:8

Mawu Yesus naasingkatta apa ipagahato mangitou udde. Nariaddi i Tou nabbisara, “Anio i yamiu uatatiakka su ola'u tawe roti? Pangangimanni yamiu lome!

MATIUS 17:16

I Ya'u suete nangapiddi tou ringannu mallal᷊aṛṛenggenni Iamangnga, arawe i mangitou tawe maapia si tou.”

MATIUS 17:18

See Mawu Yesus namarentate ghaṛṛaho lal᷊eo udde sumabangnga wuassu lal᷊ummu ana'a udde. Wuṛṛu ghaṛṛaho lal᷊eo udde sinumabangnga, see ana'a udde napia su orassa udde lai.

MATIUS 6:30

Wal᷊abukka su wadda'a allo indi tumuwo wuṛṛu tiṛṛabbine tutunganna ma'oman sara masue. Arawe Ruata mamedetta wal᷊abukka udde aroddi aṛṛamage. Lembonete i yamiu! Arawe pangangimanni yamiu mattul᷊ungnga!

MATIUS 8:26

“Anio i yamiu matta'utta?” unnu Mawu Yesus. “Pangangimanni yamiu si Ya'u mattul᷊ungnga!” Wua' udde Mawu Yesus dirumarisikka wuṛṛu nandona anginna wuṛṛu rano udde. See rano udde nabbal᷊ite nal᷊enakka atonna.

MARKUS 16:14

Panginsueanne, Mawu Yesus nattingkapasilom batangan-Ne su sire mapul᷊o assa mallal᷊aṛṛenggen-Ne, su tempo i mangitou tantal᷊anna u'anna. I Tou namo'a si mangitou ana waugu pangangimanni mangitou lome, wuṛṛu tumanite maattikka puane na'oman sara tawe mangngimanna su manga taumata apan suete naasilo sassane manungku Mawu Yesus nabbiakke apia.

MARKUS 9:19

Ne Mawu Yesus nabbisara si mangitou, “Tawe hampa i yamiu indi! I yamiu atonna-tonna taumata apan tawe mangngimanna. Ma'oman sara tempo suapa i Ya'u sarun matana'a su sampunna ringanni i yamiu wuṛṛu manabare su al᷊al᷊eong kamiu? Apira'e ana'a udde isindi!”

LUKAS 24:25

See Mawu Yesus nabbisara si mangitou, “I yamiu woddo atonna! Tumanite mal᷊iwue i yamiu mangngimanna anambon apa apan suete niapasingkattu manga nabi!

LUKAS 9:41

Mawu Yesus sinumimbakka, “Wal᷊ine hampa i yamiu indi! I yamiu atonna manga taumata apan maṛṛusal᷊a wuṛṛu tawe mangngimanna! Ma'oman sara tingngera i Ya'u matana'a suadio'a ringanni yamiu wuṛṛu manabare si yamiu? Apira'e anangngu udde isindi!”

YOHANES 20:27

Wua'udde Mawu Yesus nabbisara si Tomas, “Pa'ellege lima-U, wuṛṛu addoa'e tal᷊imadonu isindi. Ul᷊uṛṛa'e limanu wuṛṛu addoa'e su sandiṛṛang-Ku. Arie mapapadua lai ewe'e pangimante!”

WATTI'U MANGA RASUL 13:18

I Tou masabare su pallal᷊agu mangitou su wadda'a appattu pul᷊o su tonnane al᷊annune.

WATTI'U MANGA RASUL 2:40

Ete aroddi i Petrus mannal᷊a'a si mangitou. Wuṛṛu ringannu wisara apan manambo waine lai i tou nandolokki mangitou tadea'u i mangitou mapaal᷊iun watanganne wuassu walahanna apan dal᷊eo indi apan sarun iṛṛuumannu Ruata.

2 KORINTUS 11:1

Wala'e i ya'u mattingka woddo addio'a. Wotongnge are?

TAHIUL᷊E 32:5

Arawe ete i yamiu walahanna apan mal᷊awangnga, wuṛṛu tate lai sulal᷊anne maola'a al᷊aṛṛanang-Nge, walahanna apan napenen pallal᷊inga wuṛṛu rosa.