MATIUS 16:8 - WUKE SUSI WATTI'U AL᷊AL᷊USASSA

⁸ Mawu Yesus naasingkatta apa ipagahato mangitou udde. Nariaddi i Tou nabbisara, “Anio i yamiu uatatiakka su ola'u tawe roti? Pangangimanni yamiu lome!

MATIUS 16:8 ပူးပေါင်းရင်းမြစ်များ

MATIUS 14:31

Mawu Yesus lapiddu nangul᷊ukku limane wuṛṛu nanametta si tou, wuṛṛu nabbisara, “Petrus, Petrus, pangangimannu lome atonna. Anio i'o sussinggawangnga si Ya'u?”

MATIUS 16:7

Naaringikka wisara Mawu Yesus aroddi, mallal᷊aṛṛenggen-Ne uahahattote sangkatou ringannu sangkatou, “I Tou nabbisara aroddi ana waugu i ite tawe nangapiddu roti.”

MATIUS 6:30

Wal᷊abukka su wadda'a allo indi tumuwo wuṛṛu tiṛṛabbine tutunganna ma'oman sara masue. Arawe Ruata mamedetta wal᷊abukka udde aroddi aṛṛamage. Lembonete i yamiu! Arawe pangangimanni yamiu mattul᷊ungnga!

MATIUS 8:26

“Anio i yamiu matta'utta?” unnu Mawu Yesus. “Pangangimanni yamiu si Ya'u mattul᷊ungnga!” Wua' udde Mawu Yesus dirumarisikka wuṛṛu nandona anginna wuṛṛu rano udde. See rano udde nabbal᷊ite nal᷊enakka atonna.

MARKUS 16:14

Panginsueanne, Mawu Yesus nattingkapasilom batangan-Ne su sire mapul᷊o assa mallal᷊aṛṛenggen-Ne, su tempo i mangitou tantal᷊anna u'anna. I Tou namo'a si mangitou ana waugu pangangimanni mangitou lome, wuṛṛu tumanite maattikka puane na'oman sara tawe mangngimanna su manga taumata apan suete naasilo sassane manungku Mawu Yesus nabbiakke apia.

YOHANES 16:30

wuṛṛu i yami masingkatta manungku Mawu masingkattu sarangkanambone. Ipa'ura lai taumata maiwal᷊o manga apa su Mawu. Ana waugu udde i yami mangngimanna Mawu nirumanta wua dingannu Ruata.”

IBRANI 4:13

Taweddu sambau riadianna apan uawuni su aellegu Ruata. Al᷊awo'u sarannapa uatantol᷊e wuṛṛu wawu'anna su saruan-Ne. Wuṛṛu i ite sarun mangonggolu sasimbakka si Tou.

SONDAPPA 2:23

Manga mallal᷊aṛṛenggenne sarun Ta'u pateanna lai tadea'u anambon jamaatta maatutukka manungku ete i Ya'u, i Tou apan masingkatu ṛingiranna wuṛṛu naungngu taumata. I yamiu sarun Ta'u wal᷊isanna tumuṛṛuttu inolaannu sangkatou-sangkatou.