MATIUS 16:27 - WUKE SUSI WATTI'U AL᷊AL᷊USASSA

²⁷ Tate mal᷊annu lai Ana'u Taumata, su sampunna ringannu manga mala'ekanNe, sarun dumanta ringannu taṛṛinon IamangNge. Su tempo udde i Tou sarun mabbal᷊issa manga taumata tumuṛṛuttu inolaannu sangkatou-sangkatou.

MATIUS 16:27 ပူးပေါင်းရင်းမြစ်များ

AYUB 34:11

I Tou manggesekka taumata uasul᷊ungngu inolaanne, makkungnga si tou uasul᷊ungngu pallal᷊aghune.

DARALO 62:12

Paapirate i ya'u naaringikka Ruata mabbisara manungku taṛṛino darantane wuassi Tou,

AMSAL 24:12

I'o wotongnge mabbisara, “Udde wal᷊ine manara'u.” Arawe Ruata ual᷊u'adda si'o. I tou masingkatta wuṛṛu makkungnga ṛingirannu. I tou mabbal᷊issa taumata tumuṛṛuttu inolaanne.

MANNANASE 3:17

I ya'u naṛṛingidda, Ruata sarun makkungngu taumata apan mapia ara'e lai taumata lal᷊eo, ana waugu suapan inolaanna wuṛṛu suapan manara sarun mariaddi sutempo apan buatte nitantunna Ruata.

YEREMIA 17:10

I Ya'u, Mawu, mannaṛṛassidda naungnga, naungngu taumata Ta'u i uji. Suapan taumata sarun Ta'u wal᷊isanna tumuṛṛuttu pallal᷊agune, wuṛṛu Ta'u olaanna uasul᷊ungngu inolaanne.”

YEREMIA 32:19

Manga ṛiin-Nu tawe sul᷊ungnge, wuṛṛu manga inolaannu maatiangnga; I'o maasilo al᷊awo'a apan a'olaanu taumata, wuṛṛu mabbal᷊issa si mangitou uasul᷊ungngu inolaanni mangitou.

YEHEZKIEL 18:20

Taumata apan ma'ola'a rosa, ete i tou apan sarun mate. Ana'a sarun tawe mamasanna pangillul᷊eannu pasasal᷊an iamange; ewe'e, iamange lai sarun tawe mamasanna pangillul᷊eannu manga rosan anange. Taumata apan mapia sarun maasomba bawal᷊inne apan mapia ana waugu inolaanne apan mapia. Wuṛṛu taumata apan dal᷊eo sarun matataṛṛanga ana waugu pangillul᷊eannu al᷊al᷊eone.

YEHEZKIEL 7:27

Ratu sarun lumuai, parisin datu massusate wuṛṛu tumana'u soa mangngindon atata'utta. I Ya'u sarun makkuumanni yamiu uasul᷊ungngu al᷊awo'u inolaannu wuṛṛu makkuungngi yamiu ere lai i yamiu makkuungnga taumata waine. Ne i yamiu masingkatte manungku ete i Ya'u Mawu.”

DANIEL 7:10

wuṛṛu putungnga manggelekka wuassu adderan araratuanna. Su riwune taumata mangngimbe si Tou, wuṛṛu su jutane taumata uarisikka su saruan-Ne. Wua'udde nitattakke ammul᷊annu pallaṛṛuungnga, wuṛṛu buke niwu'ate.

ZAKARIA 14:5

I yamiu sarun tumal᷊angnga umamattu wawal᷊anna apan nattahia wuidda udde nabbal᷊i darua. I yamiu sarun tumal᷊angnga ere iupungngu al᷊amonanu sutempo nariaddi linukka sutempo i Uzia, ratun Yehuda uaparenta. Wua'udde nirumantate Mawu Ruata'u, tatantalongannu anambon mala'ekatta.

MATIUS 13:41

Ana'u Taumata sarun mandolokku manga mala'ekan-Ne mangammullu manga taumata su wallattu al᷊aṛṛanang-Nge apan naola'a taumata marosa, wuṛṛu anambon taumata waine lai apan ma'ola'a al᷊al᷊eo.

MATIUS 13:49

Ete aroddi olangnge su Allong Kiamatta, manga mala'ekatta sarun inai maṛṛae manga taumata lal᷊eo wuassu manga taumata apan tuttuṛṛutta apulun Ruata.

MATIUS 24:30

Wua'udde tandan Ana'u Taumata sarun iasilo su langitta. Su tempo udde manga walahanna su runia sarun lumuai. I mangitou sarun maasilo Ana'u Taumata rumanta wuassu winabbawa ringannu taṛṛino wuṛṛu awawantuga apan bahewa.

MATIUS 25:31

“Napawe Ana'u Taumata rumanta ere sangkatou ratu tatantalongannu anambo mala'ekan-Ne, i Tou sarun uma'ianna su adderan araratuanna apan mawantuga.

MATIUS 26:64

Mawu Yesus sinumimbakka, “Aroddite ere su wisaranu. Arawe pangimante: manattakka orassa indi yamiu sarun maasilo Ana'u Taumata uma'ianna su samba'an uanannu Ruata Lembo Mataṛṛino, wuṛṛu rumanta sulal᷊ummu winabbawa wuassu langitta!”

MATIUS 8:20

Mawu Yesus sinumimbakka, “Serigala pia loṛṛangnge wuṛṛu manu'u winalanganna pia sal᷊akke, arawe Ana'u Taumata tawe tampa lallalowanganne.”

MARKUS 14:62

“Ete i Ya'u,” sasimbakku Mawu Yesus, “wuṛṛu i yamiu sarangkanambone sarun maasilo Ana'u Taumata uma'ianna su uanannu Ruata Apan Lembo Mataṛṛino wuṛṛu rumanta sulal᷊ummu winabbawa wuassu langitta!”

MARKUS 8:38

Amungkangngu sangkatou taumata massili mangnga'u si Ya'u wuṛṛu al᷊aṛṛa'U su tempo mal᷊awangnga wuṛṛu lal᷊eo indi, Ana'u Taumata lai massili manga'u taumata udde, su tempo i Tou rumanta apia ringannu taṛṛinon Iamangnge, tatantalongannu manga mala'ekatta apan susi.”

LUKAS 21:27

Su tempo udde Ana'u Taumata sarun rumanta sulal᷊ummu winabbawa ringannu taṛṛinone wuṛṛu awawantuga apan bahewa.

LUKAS 22:69

Arawe manattakka orassa indi, Ana'u Taumata sarun uma'ianna su uanannu Ruata Lembo Mataṛṛino.”

LUKAS 9:26

Amungkangngu taumata massili manga'u si Ya'u wuṛṛu al᷊ara'u, Ana'u Taumata lai massili manga'u taumata udde su tempo i Tou rumanta apia ringannu taṛṛino-Ne, wuṛṛu ringannu taṛṛinon Iamangnga wuṛṛu taṛṛino mala'ekatta apan susi!

YOHANES 21:22

Mawu Yesus sinumimbakka, “Unnu wisara i Ya'u maapulu i tou matatana'a wiakka ma'oman sara i Ya'u rumanta apia, udde wal᷊ine manaranu. Arawe i'o tantalongke si Ya'u!”

YOHANES 21:23

Ne tinumelengke watti'a su mallal᷊aṛṛenggennu Mawu Yesus manungku mallal᷊aṛṛenggenna udde tawe mate. Sumbal᷊i Mawu Yesus tawe nabbisara manungku mallal᷊aṛṛenggenna udde tawe mate, ewe'e: “Unnu wisara i Ya'u maapulu i tou matatana'a wiakka ma'oman sara i Ya'u rumanta apia, udde wal᷊ine manaranu.”

WATTI'U MANGA RASUL 1:11

“Ei, manga taumatan Galilea,” unnu taumata darua udde, “anio i yamiu uarisikka isudde uatingngara langitta? Mawu Yesus apan aellehanni yamiu nasengkengnga watukku surga udde su saruanni yamiu, sarun mabelengnga apia ringannu olangnge ereudde lai apan niasiloanni yamiu tanginna.”

ROMA 14:12

Nariaddi i ite sambau-sambau ṛinone pia sasimbakka su ola'u al᷊awo'u inolaanni ite su Ruata.

ROMA 2:6

Ana waugu Ruata sarun mabal᷊issa anambon taumata uassul᷊ungngu inolaanne.

1 KORINTUS 15:23

Arawe sangkatou-sangkatou sarun iapaawiakka tumuṛṛuttu wageangnge: Paarorone Kristus, wua'udde napawe su tempo i Tou rumanta apia, manansunna wageangngu manga taumata apan nareengnga tatahuananni Kristus.

1 KORINTUS 3:13

Manaran sangkatou-sangkatou sarun asiloanna su tempo Kristus rumanta apia. Ana waugu su allo udde putungnga sarun manemakka manaran sangkatou-sangkatou see asiloanna. Putungnga sarun manal᷊u'atta wuṛṛu manantunnu apapian manara udde.

1 KORINTUS 8:8

Su ṛinone anna sassane tawe maaola'a paa'aukki ite ringannu Ruata maola'a lembon mapia. Amungkangngu i ite umanna anna udde, i ite tawe maasomba auntunganna apa-apa. Aroddi lai amungkangngu i ite tawe umanna anna udde, i ite lai tawe marugi saran kadio'a.

2 KORINTUS 5:10

Ana waugu atonnate i ite sarangkanambone sarun iapaasaruanna pamamarikisanni Kristus, wuṛṛu sangkatou-sangkatou sarun maasomba wawal᷊inne uasul᷊ungngu inolaanne su runia indi – ala'uanna mapia ara'e ala'uanna lal᷊eo.

EFESUS 6:8

Paanaunge manungku suapan taumata, mawae allangnga ara'e taumata tawe allangnga, sarun manengkamma wawal᷊inne wuassu Mawu su inolaanna mapia apan niola'i tou.

KOLOSE 3:25

Wuṛṛu isai-sai apan na'ola'a pasasal᷊a, sarun mamasanna manga pasasal᷊ane udde; ana waugu Mawu tawe mamile hati.

1 TESALONIKA 1:10

I mangitou uahahatto lai su ola'u ereapa i yamiu mangngantimma darantan Ana'u Ruata wuassu surga, eteudde Mawu Yesus, apan suete niapaawiakku Ruata wuassu papate. Ete Mawu Yesus udde lai apan manal᷊amatta si ite wuassu asasa'un Duata apan sarun rumanta.

1 TESALONIKA 4:16

Paṛṛadote mala'ekatta mawantuga sarun umui ringannu tingikka ma'ikkatta wuṛṛu trompetu Ruata iapatuntingikka maola'a sambau tatiala iapasaddia. See Mawu Yesus sassane sarun sumossokka wuassu surga, wuṛṛu manga taumatan Saṛṛani apan natete sarun iapaawiakka dorone.

YAKOBUS 5:7

Ana waugu udde, paasabbarete manga tuṛṛangku, ma'oman sara Mawu rumanta. Pa'ellege ereapa asabarene sangkatou mabbawailla ual᷊aṛṛado ma'oman sara letangnge mangonggolu hessine apan maarega si tou. Ringannu asasabbare i tou uaraṛṛaddo uranna su tempo manga rongnga matontonga wuṛṛu uranna su tempo maddongnga.

1 PETRUS 1:17

I yamiu mannagon Duata udde Iamangnga su tempo i yamiu u'al᷊iomanna si Tou. Ne, ete Ruata udde apan mamarikissa taumata tumuṛṛuttu inolaannu sangkatou-sangkatou ringannu tawe pilene. Ana waugu udde tantal᷊anna i yamiu ta'e su runia indi, ṛinone i yamiu mamantuga Ruata sulal᷊ummu wiakku.

1 YOHANES 2:28

Nariaddi, al᷊aṛṛana'u, paasidutute mabbiakka uaaukka ringanni Kristus, tadea'u su tempo i Tou rumanta apia, i ite sumaruanna si Tou ringannu napenen kawawaṛṛani, wuṛṛu tawe ma'imbuni ana waugu massili.

YUDAS 1:14

Henokh, pangangawanna appitune wuassi Adam, dorone suete namasingkattu ola'u manga taumata udde. Henokh nabbisara, “Pa'ellega, Mawu sarun rumanta ringannu su ṛiwune mala'ekan-Ne apan susi,

SONDAPPA 1:7

Pa'ellega i Tou rumanta sulal᷊ummu winabbawa! Anambon taumata sarun ma'ellega si Tou, nasutta i mangitou lai apan nangusu'a si Tou. Anambon walahanna su runia sarun lumal᷊on Tou. Ore, Atonna! Amin!

SONDAPPA 2:23

Manga mallal᷊aṛṛenggenne sarun Ta'u pateanna lai tadea'u anambon jamaatta maatutukka manungku ete i Ya'u, i Tou apan masingkatu ṛingiranna wuṛṛu naungngu taumata. I yamiu sarun Ta'u wal᷊isanna tumuṛṛuttu inolaannu sangkatou-sangkatou.

SONDAPPA 20:12

Wuṛṛu i ya'u naasilo manga taumata nate, timmade dario'a, uarisikka su saruannu adderan araratuanna udde. Ne manga wuke niwu'ate. See sambau wuke apan baine niwu'ate, eteudde Wuken Taumata Wiakka. Wua'udde ṛuumanna niema'a su taumata nate, uasul᷊ungngu pallal᷊agune tumuṛṛuttu apan uawoṛṛetta sulal᷊ummu manga wuke udde.