MATIUS 15:31 - WUKE SUSI WATTI'U AL᷊AL᷊USASSA

³¹ Taumata nambo isudde, naherangnga atonna, su tempo i mangitou naasilo taumata mou naawisara, taumata peṛṛo napia, taumata lome niumamatta, wuṛṛu taumata wuta naasilo. See i mangitou nadalote Ruatan walahannu Israel.

MATIUS 15:31 ပူးပေါင်းရင်းမြစ်များ

PANDARIADDI 32:28

Taumata udde nabbisara, “Arannu wal᷊inewe i Yakub. I'o buatte nallaṛṛawa'u Ruata wuṛṛu ringannu taumata, wuṛṛu i'o naauntunga; ana waugu udde arannu niwalute i Israel.”

PANDARIADDI 33:20

Wua'udde i tou napararisikku mezbah isudde wuṛṛu nissagon tou “El, Ruatan Israel”.

DARALO 50:15

Salandete si Ya'u sutempon asasusa, i Ya'u sarun mamallossi yamiu, wuṛṛu i yamiu sarun maddalo si Ya'u.”

DARALO 50:23

Taumata apan mangonggolu sasamba adiangkamanna maola'a sasambane, ete i tou udde mangngaddata si Ya'u; wuṛṛu su taumata apan mannaddia lal᷊anna sarun Ta'u ipantingidda asasal᷊amatta wuassi Ya'u.”

SASABANGNGA 24:10

wuṛṛu i mangitou naasilote Ruata Israel uarisikka al᷊iurosone su sambau tampa naal᷊ihidda apampakku wal᷊en wuassu nilam, wuṛṛu ma'elomma naal᷊ihidda langitta masemakka.

MATIUS 15:30

Manambo taumata nirumanta ringanni Tou uaapiddu taumata peṛṛo, wuta, lome, mou, wuṛṛu manambo lai taumata maradda'a waine. I mangitou nangadon rumaradda'a udde su saruannu Mawu Yesus, ne i Tou napaapiate manga rumaradda'a udde.

MATIUS 18:8

Amungkangngu limanu ara'e leddanu ma'arosa si'o, pototta wuṛṛu rammea'a. Mappianne i'o mabiakka ringannu Ruata tawe lima samba'a ara'e ledda samba'a wuassu i'o iramme sulal᷊ummu putungngu naraka ringannu limanu wuṛṛu leddanu ruam ba'a.

MATIUS 21:14

Manga taumata wuta wuṛṛu lome nirumanta ringannu Mawu Yesus su Wal᷊e Mawu, wuṛṛu i Tou napaapia mangitou.

MATIUS 8:10

Su tempo Mawu Yesus naaringikka apa apan niwal᷊on tembonannu tantara udde, i Tou mangke naherangnga. Wua'udde i Tou nabbisara su manga taumata uatantalongnga si Tou, “Wal᷊ine hampa taumata indi. Su wallattu taumatan Israel i Ya'u taambe naasomba taumata pangangimanne aroddi ahewalle!

MATIUS 9:32

Su tempo ruang katou udde napul᷊ete, sangkatou mou apan niasuttannu ghaṛṛaho lal᷊eo niapidda ringannu Mawu Yesus.

MATIUS 9:33

Mawu Yesus nallimbuakke ghaṛṛaho lal᷊eo udde wuṛṛu su orassa udde lai taumata udde naawisarate apia. Taumata nambo isudde niṛṛumindu'a see nabbisara, “I yami taambe naasilo olangnge ereindi su Israel!”

MATIUS 9:8

Su tempo manga taumata naasilo olangnge udde, i mangitou nata'utta wuṛṛu naddalote Ruata, ana waugu Ruata suete napal᷊iatta'u taṛṛino-Ne apan aroddi ahewalle su taumata.

MARKUS 2:12

I tou nabangunna wuṛṛu mal᷊iha-l᷊ihakka nanganu wilanne see sinumabangnga aellehanni mangitou sarangkanambone. Manga taumata udde naherangnga see nadalote Ruata. Unni mangitou, “Taambe saran paassa i ite naasilo arariadianna ereindi!”

MARKUS 7:37

Wuṛṛu anambon taumata apan naaringikka udde naherangnga atonna. I mangitou nabbisara, “Sarangkanambone niolang-Nge ringannu mapia! Wuṛṛu lai i Tou na'ola'a taumata wengella naaringikka wuṛṛu taumata mou naawisara!”

MARKUS 9:43

Amungkangngu limanu ma'arosa si'o, pototta limanu udde! Mappianne i'o mabbiakka ringannu Ruata tawe limanu samba'a wuassu i'o ringannu limanu ruam ba'a masutta su naraka, eteudde putungnga apan tawe mappadumma. [

LUKAS 14:13

Nariaddi, amungkangngu i'o ma'ola'a andeangnga, wal᷊oite taumata asiangnga, taumata pia sangkulle, taumata lome wuṛṛu taumata wuta.

LUKAS 14:21

Mangangimbe udde napul᷊ete wuṛṛu nabal᷊on olangnge udde su mawune. Mawune mangke nasa'u, wuṛṛu nabbisara su mangangimbene, ‘Paal᷊ihakka inai su manga lal᷊anna wuṛṛu manga sasuttanna su soa. Apira'e isindi taumata asiangnga, taumata pia sangkulle, taumata wuta, wuṛṛu taumata lome.’

LUKAS 18:43

Orassa udde lai i tou naasilote, see i tou tinumantalongke Mawu Yesus ringannu ma'adiangkamanna su Ruata. Napawe taumata nambo udde naasilote olangnge udde, i mangitou nambo nadalote Ruata.

LUKAS 7:16

Anambon taumata nata'utta wuṛṛu nanattakke maddalo Ruata. I mangitou mabbisara, “Sangkatou nabi apan wahewa suete nirumanta su wallatti ite! Ruata nirumantate manal᷊amatta pabbawalage!”

YOHANES 9:24

See i mangitou namago apia taumata apan tanginna wuta udde, wuṛṛu nabbisara si tou, “Passalute manungku i'o mabbisara su ṛinone. I yami masingkatta taumata udde taumata marosa.”