MATIUS 14:31 - WUKE SUSI WATTI'U AL᷊AL᷊USASSA

³¹ Mawu Yesus lapiddu nangul᷊ukku limane wuṛṛu nanametta si tou, wuṛṛu nabbisara, “Petrus, Petrus, pangangimannu lome atonna. Anio i'o sussinggawangnga si Ya'u?”

MATIUS 14:31 ပူးပေါင်းရင်းမြစ်များ

PANDARIADDI 22:14

Tampa udde nissagon Abraham “Mawu manaddia apa hagausanna.” Wuṛṛu naddatingngu orassa indi lai taumata mabbisara, “Roso su wowo-Ne Mawu nanaddia apan hagausanna”.

DARALO 138:7

Sutempo i ya'u niaṛṛiaannu asasusa, I'o mangke napawia'u. I'o nando'appa see'u apan tantal᷊anna mammangalo wuṛṛu nanal᷊amatta si Ya'u ringannu taṛṛino-Nu.

YESAYA 63:12

Suapate Mawu apan uaringanna si Musa ringannu lima-Ne apan tumanite matohassa, wuṛṛu nama'a ua'e su saruanni mangitou tadea'u aran-Ne tumelengnga sarangkal᷊o'enge?

MATIUS 14:30

Arawe su tempo i Petrus naasilo ma'ikkatta atonna anginna su rano udde, i tou nata'utta wuṛṛu nanattakke nilumakkuba. “Mawu, ontol᷊e!” aintul᷊ine.

MATIUS 14:32

See itarua sinuma'ete su saalanna udde, wuṛṛu anginna nol᷊ote.

MATIUS 16:8

Mawu Yesus naasingkatta apa ipagahato mangitou udde. Nariaddi i Tou nabbisara, “Anio i yamiu uatatiakka su ola'u tawe roti? Pangangimanni yamiu lome!

MATIUS 17:20

Mawu Yesus sinumimbakka, “Ana waugu pangangimanni yamiu lome. Naunge! Amungkangngu i yamiu pia pangangimanna ere ahewallu watun sawi, i yamiu wotongnge mabbisara wuidda indi, ‘Pangingkatta poiaroddi!’ Ne atonna tonna wawone udde sarun ma'ingkatta. Tawe saran sambau manara apan tawe ia'ola'i yamiu! [

MATIUS 6:30

Wal᷊abukka su wadda'a allo indi tumuwo wuṛṛu tiṛṛabbine tutunganna ma'oman sara masue. Arawe Ruata mamedetta wal᷊abukka udde aroddi aṛṛamage. Lembonete i yamiu! Arawe pangangimanni yamiu mattul᷊ungnga!

MATIUS 8:26

“Anio i yamiu matta'utta?” unnu Mawu Yesus. “Pangangimanni yamiu si Ya'u mattul᷊ungnga!” Wua' udde Mawu Yesus dirumarisikka wuṛṛu nandona anginna wuṛṛu rano udde. See rano udde nabbal᷊ite nal᷊enakka atonna.

MARKUS 1:31

Ne Mawu Yesus nattudan la'iananni Simon, wuṛṛu namita limane, see nantul᷊ungngi tou niapawangunna. Sal᷊iubbe nawul᷊i wuṛṛu i tou lapiddu nangimbe si mangitou.

MARKUS 1:41

Mawu Yesus inumakkannu taumata udde. Nariaddi i Tou namita taumata udde lapiddu wisara-Ne, “I Ya'u maapulu, apiate!”

MARKUS 11:23

Atonna wotongnge yamiu mabbisara wuidda indi, ‘Awengkette wuṛṛu awontolle su tahal᷊oangnga!’ ne olangnge udde sarun mariaddi si yamiu; sambal᷊iate i yamiu tawe humago'a, wuṛṛu i yamiu mangngimanna manungku apa apan sarun iwisarang kamiu atonna-tonna mariaddi.

MARKUS 16:7

Orassa indi roote, wal᷊oa'e watti'a indi su mallal᷊aṛṛenggen-Ne, nasutta lai Petrus. Wal᷊oa'a, ‘I Tou inaite malliu ṛoro si yamiu su Galilea. Poiaroddi yamiu sarun maasilo si Tou, ereapa suete niwal᷊on Tou si yamiu.’ ”

MARKUS 4:40

See Mawu Yesus nabbisara su mallal᷊aṛṛenggen-Ne, “Anio i yamiu matta'utta? Anio i yamiu tawe mangngimanna si Ya'u?”

MARKUS 5:41

Mawu Yesus namita limang kana'a udde see nabbisara si tou, “Talita kum,” atappasanne, “Ana'a wawine, i Ya'u mabbisara si'o: pabbangunte!”

LUKAS 24:34

I mangitou nabbisara, “Atonna-tonna Mawu nabbiakke apia! I Tou suete nattingkapasilon batangan-Ne si Simon!”

WATTI'U MANGA RASUL 4:30

Onggol᷊aawe aakannu, tadea'u taumata marada'a iapaapia wuṛṛu manga al᷊aṛṛindu'a see inolaanna apan bahewalla mariaddi wuassu taṛṛino wuṛṛu atatohassa wuassu arannu Mawu Yesus, Allang-Ngu apan na'ukkassa udde.”

TAHIUL᷊E 32:36

Mawu sarun manal᷊amatta al᷊aṛṛanang-Nge wuṛṛu umakkannu manga allang-Nge, napawe i Tou maasilo i mangitou lomete wuṛṛu niasueanten atatohassa.

1 TIMOTIUS 2:8

I ya'u maapulu tadea'u suapan tampan papunna esakka umal᷊iomanna ringannu naungnga susi, tawe asasa'u ara'e pabbawawul᷊o.

1 PETRUS 1:5

Sarangkanambone udde ionggola si yamiu, ana waugu i yamiu mangngimanna Ruata. Ne i yamiu rariagannu taṛṛinon Duata tadea'u i yamiu manengkamma asasal᷊amatta apan nasaddiate iapaal᷊iatta'a su allo pangudusanne.