MATIUS 14:19 - WUKE SUSI WATTI'U AL᷊AL᷊USASSA

¹⁹ Wua'udde i Tou nandolokku taumata nambo udde niapaa'ianna su leta'a. See i Tou nanganute limam bau roti wuṛṛu inassa ruam bua udde, see i Tou naningngarate langitta wuṛṛu naadiangkamanna su Ruata. Wua'udde i Tou nattahiate roti udde, ringannu lima-Ne wuṛṛu nianggila su mallal᷊aṛṛenggen-Ne niapatahia su taumata nambo udde.

MATIUS 14:19 ပူးပေါင်းရင်းမြစ်များ

MATIUS 14:18

“Apira'e udde isindi,” unnu Mawu Yesus.

MARKUS 6:39

See Mawu Yesus nandolokku manga taumata udde niapaa'ianna tumuṛṛuttu manga wageangnge su nannal᷊o ma'elomma.

MARKUS 6:41

Wua'udde Mawu Yesus nanganute limam bau roti wuṛṛu inassa ruam bua, see naningngara langitta wuṛṛu na'adiangkamanna su Ruata. Wua'udde, i Tou namesangke roti udde ringannu lima-Ne wuṛṛu nianggille su mallal᷊aṛṛenggen-Ne iapatahia su taumata nambo udde, wuṛṛu inassa lai ruam bua nitahia si mangitou nambo udde.

MARKUS 7:34

Wua'udde Mawu Yesus naningngara watukku langitta, see sinumangngo ma'ikkatta wuṛṛu nabbisara taumata udde, “Efata,” atappasanne, “Awu'ate!”

LUKAS 22:17

Wua'udde Mawu Yesus namengkette mangkon anggore, see inumal᷊iomanna na'adiangkamanna su Ruata, wua'udde nabbisara, “Sengkampe indi, wuṛṛu tahiate;

LUKAS 22:19

Wua'udde Mawu Yesus nanganute roti. Wuṛṛu napawe suete na'adiangkamanna, i Tou nattahiate roti udde ringannu lima-Ne, see nionggolla si mangitou, wuṛṛu nabbisara, “Ete indi wadang-Ku [apan tinantilla ana waugu i yamiu. Ola'e indi maola'a sambau pananaunganna si Ya'u.”

LUKAS 24:30

Su tempo inuma'ianna su sambau ringanni mangitou umanna, Mawu Yesus nangawakka roti, na'adiangkamanna su Ruata, namesangnga roti ringannu lima-Ne, see nionggolle si mangitou.

LUKAS 9:14

Iraṛṛangngo sire lima ṛiwu su atoune esakka isudde.) Mawu Yesus nabbisara mallal᷊aṛṛenggen-Ne, “Doloṛṛa'e manga taumata indi uma'ianna uawahageangnga, iraṛṛangngo limam pul᷊o su atoune sambageanganna.”

LUKAS 9:16

See Mawu Yesus nanganute limam bau roti wuṛṛu inassa ruam bua, wua'udde naningngara langitta wuṛṛu naadiangkamanna su Ruata. Wua'udde i Tou namesangnga roti wuṛṛu inassa udde ringannu lima-Ne see nianggille su mallal᷊aṛṛenggen-Ne niapatahia su taumata nambo udde.

YOHANES 11:41

Ne i mangitou nangiruten batu udde. See Mawu Yesus naningngara watukku langitta wuṛṛu nabbisara, “Aadiangkamanna, Iamangnga, ana waugu I'o suete naddaringikka si Ya'u.

YOHANES 6:23

Wua'udde manga pira ngassa saalanna wuassu Tiberias nirumanta wuṛṛu nabbal᷊ango maranin tampan taumata nambo udde u'anna roti napawe Mawu Yesus suete na'adiangkamanna.

WATTI'U MANGA RASUL 27:35

Wua'nabbisara aroddi i Paulus nanganu roti see naadiangkamanna su Ruata su saruanni mangitou sarangkanambone. Wua'udde i tou nattahia roti udde see niumante.

ROMA 14:6

Taumata apan tumba'u mappaattu manga allo apianne, taumata udde ma'ola'a aroddi ana waugu ipangaddata Mawu. Taumata apan u'anna al᷊awo'u anna, ma'ola'a aroddi ana waugu ipangaddata Mawu, ana waugu i tou maadiangkamanna Ruata ana waugu pabbawiakka udde. Aroddi lai taumata apan tumba'u u'anna anna suete nipilene, taumata udde lai mangadatta Mawu wuṛṛu u'al᷊iomanna su Ruata.

1 KORINTUS 10:16

Su tempo i ite ma'inumma anggore ringannu maadiangkamanna su Ruata, wal᷊inewe udde mapaal᷊iatta'a manungku i ite uaaukka ringanni Kristus sulal᷊ummu papate-Ne? Wuṛṛu su tempo i ite mattahia roti annananna suadio'a, wal᷊inewe udde mapaal᷊iatta'a manungku i ite uaaukka sulal᷊ummu wadangngi Kristus?

1 KORINTUS 10:31

Al᷊awo'u apa apan a'olaanni yamiu – tuṛṛangnga umanna ara'e tuṛṛangnga ma'inumma – ola'e sarangkanambone udde ipamantuga Ruata.

1 KORINTUS 11:24

wuṛṛu napawe i Tou buatte naadiangkamanna su Ruata ana waugu roti udde, i Tou namesangnga roti ringannu lima-Ne, see nabbisara, “Ete indi wadang-Ku apan tinantilla ana waugu i yamiu. Ola'e indi sambau pananaunganna si Ya'u.”

KOLOSE 3:17

Al᷊awo'u apa apan a'olaanni yamiu ara'e sulal᷊ummu wisara, ṛinone udde olaanna wuṛṛu iwisara sulal᷊ummu arannu Mawu Yesus. Aal᷊iomante su Ruata Iamangnga ana waugu inolaannu Mawu Yesus si yamiu.