MATIUS 12:24 - WUKE SUSI WATTI'U AL᷊AL᷊USASSA

²⁴ Su tempo manga taumatan Farisi naaringikka aroddi, i mangitou sinumimbakka, “Taumata indi tumba'u wotongnge mallimbuakka ghaṛṛaho lal᷊eo, ana waugu i Beelzebul, tembonannu manga ghaṛṛaho lal᷊eo, suete nangagillu taṛṛino udde si Tou.”

MATIUS 12:24 ပူးပေါင်းရင်းမြစ်များ

DARALO 109:20

Mawu, paarua'a ṛuumanna udde su mangngangasila si ya'u, su taumata apan mabbisaran al᷊al᷊eo si ya'u.

MATIUS 10:25

Naṛṛinote amungkangngu sangkatou ana'a si'ol᷊a maola'a ere hurune, wuṛṛu sangkatou mangangimbe maola'a ere mawune. Amungkangngu pa'ihaguranganna su wal᷊e aranne ete nisaggo Beelzebul, lembonete lal᷊oṛṛon bal᷊ene. I mangitou sarun onggol᷊annu aranna aral᷊eoane lai!”

MATIUS 9:32

Su tempo ruang katou udde napul᷊ete, sangkatou mou apan niasuttannu ghaṛṛaho lal᷊eo niapidda ringannu Mawu Yesus.

MATIUS 9:34

Arawe manga taumatan Farisi nabbisara, “Ete manga tembonannu ghaṛṛaho lal᷊eo nangagillu taṛṛino si Tou mallimbuakka manga ghaṛṛaho lal᷊eo udde.”

MARKUS 3:22

Manga hurun agama apan nirumanta wuassu Yerusalem nabbisara, “I Tou niasuttannu Beelzebul! Tembonannu manga ghaṛṛaho lal᷊eo apan mangngagillu taṛṛino si Tou ipallimbuakka ghaṛṛaho lal᷊eo.”

LUKAS 11:14

Su sambau allo Mawu Yesus nallimbuakka ghaṛṛaho lal᷊eo niapaasabangnga wuassu sangkatou mou. Napawe ghaṛṛaho lal᷊eo udde sinumabangnga, taumata udde nanattakke ma'awisara. Manambo taumata naherangnga,

LUKAS 11:15

arawe piaddu mabbisara, “I Tou wotongnge mallimbuakka ghaṛṛaho lal᷊eo ana waugu taṛṛino Beelzebul, tembonannu ghaṛṛaho lal᷊eo udde.”