MATIUS 11:20 - WUKE SUSI WATTI'U AL᷊AL᷊USASSA

²⁰ See Mawu Yesus nanattakke mapaasal᷊a manga soa, suapa isudde i Tou asokkanne ma'ola'a al᷊aṛṛindu'a. Ana waugu manga taumata su soa udde madiri mawal᷊u wuassu paddarosa mangitou.

MATIUS 11:20 ပူးပေါင်းရင်းမြစ်များ

YEREMIA 8:6

I Ya'u buatte naddaringikka mapia-pia, arawe i yamiu buatte nabbisara su ereapa olangnge. Tawe saran sangkatou wuassi yamiu sumassillu inolaanna apan dal᷊eo. Taweddu mabbisara, ‘Apate pasasal᷊a'u?’ I yamiu sarangkanambone maddea'a lal᷊annu sassane naal᷊ihidda awal᷊o sinumutta su tampan papangaloanna.

MATIUS 12:41

Su Allong Kiamatta, lal᷊oṛṛo Niniwe sarun mabangunna su sambau ringannu manga taumatan tempo indi wuṛṛu mapaasal᷊a mangitou. Ana waugu manga taumata Niniwe udde nawal᷊u wuassu rosa mangitou, su tempo Yunus nannase si mangitou. Arawe orassa indi pia maggewal᷊anne wuassi Yunus!

MARKUS 16:14

Panginsueanne, Mawu Yesus nattingkapasilom batangan-Ne su sire mapul᷊o assa mallal᷊aṛṛenggen-Ne, su tempo i mangitou tantal᷊anna u'anna. I Tou namo'a si mangitou ana waugu pangangimanni mangitou lome, wuṛṛu tumanite maattikka puane na'oman sara tawe mangngimanna su manga taumata apan suete naasilo sassane manungku Mawu Yesus nabbiakke apia.

MARKUS 9:19

Ne Mawu Yesus nabbisara si mangitou, “Tawe hampa i yamiu indi! I yamiu atonna-tonna taumata apan tawe mangngimanna. Ma'oman sara tempo suapa i Ya'u sarun matana'a su sampunna ringanni i yamiu wuṛṛu manabare su al᷊al᷊eong kamiu? Apira'e ana'a udde isindi!”

WATTI'U MANGA RASUL 17:20

Ana waugu i'o mammasingkatu manga inolaanna apan daringiṛṛanna paṛṛalane su aringikki yami. Ana waugu udde i yami ma'apulu maasingkattu atappasanne.” (

2 KORINTUS 12:21

I ya'u mata'utta amungkangngu su tempo i ya'u rumanta Ruata sarun mapaawawo'u su saruanni yamiu wuṛṛu i ya'u sarun lumuai ana waugu manambo su wallatti yamiu dorone marosa, tawe mawal᷊u, wuṛṛu tawe mangillol᷊o ma'ola'a manga inolaanni mangitou apan sussandaga, nagal᷊imutanna wuṛṛu tawe su ṛinone.

YAKOBUS 1:5

Amungkangu pia sangkatou wuassu wallatti yamiu apan woddo, ṛinone i tou sumal᷊ande su Ruata, ne Ruata sarun mangonggolu apande si tou; ana waugu su al᷊awo'u taumata, Ruata sarun mangonggola ringannu naungnga mal᷊uassa wuṛṛu ringannu apendammu darangngu.

SONDAPPA 16:11

See i mangitou namontoge Ruata su surga ana waugu i mangitou nataddu'a wuṛṛu ana waugu manga pinsuli mangitou. Arawe i mangitou tawe mawal᷊u lai wuassu pallal᷊agu mangitou apandal᷊eo.

SONDAPPA 16:9

Taumata natutungngu sal᷊ihangnge, wuṛṛu i mangitou namontoga arannu Ruata, apan uataṛṛino manga asasusa udde. Salaiwe aroddi, i mangitou maddiri mawal᷊u wuassu manga rosa mangitou wuṛṛu maddiri maddalo awawantugu Ruata.

SONDAPPA 2:21

Suete Ta'u nionggol᷊annu tempone i tou mawal᷊u wuassu manga rosane, arawe i tou maddiri mamallosu inolaanne sussandaga udde.