MARKUS 7:9 - WUKE SUSI WATTI'U AL᷊AL᷊USASSA

⁹ See Mawu Yesus nabbisara apia, “Yamiu pande atonna manol᷊a'u parentan Ruata tadea'u wotongnge mannohassa al᷊aṛṛa'i yamiu sassane.

MARKUS 7:9 ပူးပေါင်းရင်းမြစ်များ

GALATIA 2:21

I ya'u tawe mangngadio'a darangngun Ruata. Amungkangngu paa'aukku taumata ringannu Ruata mabbal᷊i mapia apia ana waugu mappaamattu titan agama, udde mangal᷊ene papaten Kristus tawe gunane!

YESAYA 24:5

Runia mabbal᷊i lal᷊eo ana waugu tumanangnge lullawangnga manga parentan Duata, mammal᷊u manga atoranna wuṛṛu massinaaddu riandi apan niolangnge ringanni mangitou saran mal᷊annu-l᷊annu.

YESAYA 29:13

Mawu nabbisara, “Manga taumata udde tumba'u massubba si Ya'u ringannu manga wisara, arawe naungngi mangitou marau wuassi Ya'u. Agama mangitou tumba'u atorannu taumata apan wotongnge ihapalle.

MARKUS 7:13

Nariaddi ringannu al᷊aṛṛangngu sassane, apan nianggillu su manga taumata, i yamiu mapaawul᷊im bisara Ruata. Ta'e manambo lai inolaanna ereindi apan a'olaanni yamiu.”

MARKUS 7:3

Manga taumatan Farisi, aroddi lai manga taumatan Yahudi, matuṛṛutta atonna su addatta inanaramannu iupungngu al᷊amona mangitou. I mangitou tawe umanna, amungkangngu taambe nangukkassa lima tumuṛṛuttu atoranna apan suete nitantunna.

DARALO 119:126

Mawu, ni'omante tempone I'o mammanara, ana waugu manga taumata nilumawanga tita-Nu.

2 TESALONIKA 2:4

Ringannu mawunga i tou sarun lumawangnga wuṛṛu mananggaku watangan-Ne su anambon inolaanna apan sassubbannu taumata, ara'e anambon paal᷊uanna apan sassunnannu taumata udde Ruata. Ewe'e lai i tou sarun uma'ianna sulal᷊ummu Wal᷊e Duata wuṛṛu mamasingkata manungku eteudde i tou Ruata.

ROMA 3:31

Apa indi atappasanne manungku amungkangngu i ite mangngimanna Mawu Yesus, i ite tumal᷊iudde titan agama Yahudi? Atonna-tonna tawe! Ewe'e ringannu pangangimanni ite udde, i ite mangngaregan tita udde.

DANIEL 11:36

Ratun banua sawannakka sarun ma'ola'a walate apulun naungnge. Ringannu mawunga i tou sarun mabbisara manungku i tou manggewal᷊anne wuassu al᷊awo'u monganna, ewe'e lai manggewal᷊anna wuassu Ruata Apan Atanggaṛṛanne. I tou sarun wotongnge ma'ola'a ma'oman sara asasa'un Duata masue. Ana waugu apa apan buatte nitantunnu Ruata udde ṛinone maola'a paarorone.

DANIEL 7:25

I tou sarun mabbisara lumawangnga Ruata Apan Atanggaṛṛanne wuṛṛu mangallangnga umattu Ruata, wuṛṛu i mangitou sarunaggasanne al᷊annune tatallu setenga su tonnane.

MARKUS 7:5

Ana waugu udde manga taumatan Farisi wuṛṛu manga hurun agama naiwal᷊o Mawu Yesus, “Anio mallal᷊aṛṛenggen-Nu udde u'anna tawe mangukkassa lima? Anio i mangitou tawe tumuṛṛutta addatta inanaramannu iupungngu al᷊amonang kite?”

2 KORINTUS 11:4

Ana waugu ellehanna i yamiu mal᷊uassa manarimmattu taumata apan rumanta ringannu wuṛṛu mangngaṛṛa'u Mawu Yesus waine – wal᷊ine Mawu Yesus apan niapaasingkati yami si yamiu. Wuṛṛu i yamiu lai mal᷊utu manal᷊oho ghaṛṛaho wuṛṛu “watti'u al᷊al᷊uassa” apan uapapaṛṛalan Ghaṛṛahon Duata wuṛṛu Watti'u Al᷊al᷊uassa apan suete nitarimmatti yamiu wuassi yami.

GALATIA 1:14

Sulal᷊ummu mappaamattu agaman Yahudi, ya'u nangillembo wuassu anambon taumatan Yahudi apan santuwo'u. I ya'u maṛṛimada su ola'u manga inolaannu addatu iupungngu al᷊amonan kami.