MANNANASE 8:8 - WUKE SUSI WATTI'U AL᷊AL᷊USASSA

⁸ Tawe saran sangkatou apan wotongnge manaṛṛangnga ara'e manoṛṛottu papatene. Udde manara apan tawe iaal᷊inda'i tou, i tou tawe maal᷊iu wuassi tou, salaiwe ringannu aalla wuṛṛu wawahia.

MANNANASE 8:8 ပူးပေါင်းရင်းမြစ်များ

2 SAMUEL 14:14

I ite sarangkanambone sarun mate; i ite indi naal᷊ihidda ua'e apan nabboso su leta'a wuṛṛu tate iaammulla apia. Ruata lai tawe mapaawiakku taumata apan natete; ana waugu udde ṛinone doronganna i Tuangku maṛṛingida tadea'u taumata niwuangnga udde sarun mapul᷊e apia.

2 MARARATU 7:15

I mangitou na'oman sara Sal᷊ukku Yordan. Su al᷊o'engu lal᷊anna i mangitou maasilo laubba wuṛṛu manga saranapa uasal᷊iawukka. Sarangkanambone udde ṛatangannu taumatan Siria walate awaretane sutempo i mangitou tinumal᷊anga. Manga daroloṛannu ratu udde napul᷊ete wuṛṛu nabbal᷊ote ratu.

AYUB 14:5

Anambon uukku taumata buatte nitantun-Nu; anambon bul᷊anne I'o buatte nangatokka. I'o buatte nanantunnu lai manga panginsueannu pabbiaṛṛanna; i tou tawe mapalliu udde.

AYUB 34:14

Unnuwisara Ruata nanawutta niawan taumata, wuṛṛu nangul᷊e apia singangun pabbiaṛṛanna,

DARALO 89:48

Naungewe i ya'u aroddi aaunne wia'u indi, I'o nandiadi taumata sangkatou riadianna apan wotongnge mate.

DARALO 9:17

Mawu buatte napal᷊iatta'u watangan-Ne ana waugu raṛṛawen-Ne apan matul᷊idda. Taumata lal᷊eo nawontolla sulal᷊ummu inolaanne sassane.

AMSAL 12:3

Tawe saran sangkatou apan sidutu tumelengnga ana waugu al᷊al᷊eo; arawe taumata matul᷊idda sidutu matohassa, tawe maholle.

AMSAL 14:32

Taumata lal᷊eo nate ana waugu al᷊al᷊eo, taumata mapia nilu'arannu apapiane.

MANNANASE 3:21

I ite wagga, tanne ghaṛṛahon taumata masengkengnga ire'e wuṛṛu ghaṛṛahon winatangnga sumossokka sulal᷊ummu leta'a.

MANNANASE 8:13

Arawe mawal᷊i'a taumata lal᷊eo maasomba manambo asasusa. Pabbiaṛṛanne mal᷊ihakka mal᷊iudda ere lintau. I tou sarun mate ta'e saṛṛen tumuwo ana waugu i tou tawe matuṛṛutta su Mawune.

MANNANASE 9:12

Taumata wagga tingngera tempone rumanta. Ere manu'u winalanganna nasongnganna wuṛṛu inassa nasomanna, aroddi lai taumata aṛṛiaannu asasilaka sutempo apan niawagananna.

YESAYA 28:15

I yamiu mabbisara manungku i yamiu buatte na'ola'a pa'aire su papate wuṛṛu nakkiinnu riandi su runian taumata nate. I yamiu maapendamma atonna manungku asasilaka apan sarun dumanta udde tawe maṛṛia'a su watangannu, ana waugu i yamiu mapaattu waṛṛutiaalla ara'e wawahia ipallindumma watangannu.

YESAYA 28:18

Pa'airenu ringannu papate wuṛṛu riandinu ringannu runian papate sarun tawe iapasakkuta, ma'oman sara napawe asasilaka rumanta, i yamiu mapussa'a sassal᷊idananna.

YESAYA 47:10

I'o uapendamma matammudda sulal᷊ummu al᷊al᷊eonu, unnu pahinu inolaannu tawe ellehanna. I'o iaal᷊iwun apandenu wuṛṛu asingkannu, su sunnanu taweddu ere i'o.

1 KORINTUS 15:43

Su tempo wadangnga udde nilabingnga, wadangnga udde lal᷊eo wuṛṛu lome, arawe su tempo i tou iapaawiakka apia, eteudde i tou wadangnga apan mapia wuṛṛu matohassa.

2 KORINTUS 13:4

Atonna su tempo i Tou niarussa, i Tou lome, arawe orassa indi i Tou mabbiakka ringannu taṛṛino Ruata. I yami lai lome sulal᷊ummu wiakki yami apan uaaukka ringanni Kristus, arawe napawe sumaruanna si yamiu, i yami lai matohassa su sambau ringanni Kristus ana waugu taṛṛinon Duata.

IBRANI 9:27

Ruata suete nanantuna manungku taumata mate tumba'u paassa wuṛṛu wua'udde parikisannu Ruata.