MAL᷊AṚṚUUNGNGA 7:9 - WUKE SUSI WATTI'U AL᷊AL᷊USASSA

⁹ Ṛabbi udde Mawu nabbisara si Gideon, “Apu'ote, Gideon! Inaite pamangalo paddasanannu taumata Midian. I Ya'u sarun mapaauntungi yamiu wuassi mangitou.

MAL᷊AṚṚUUNGNGA 7:9 ပူးပေါင်းရင်းမြစ်များ

2 TAWARIKH 20:17

I yamiu salaiwe lasa'e mapapangalo sulal᷊ummu pangalo indi. Inaite watukku tampa apan buatte nitantunna si yamiu wuṛṛu pallaṛaddote isudde. I yamiu sarun maasilo Mawu mangonggolu auntunganna si yamiu. Ei tumana'u Yehuda wuṛṛu Yerusalem, arie passinggawanga ara'e mata'utta. Suttate sulal᷊ummu pangalo udde, Mawu sarun mantul᷊ungngi yamiu!”

AYUB 4:13

Atatii'u nasal᷊awaanna wuṛṛu nassongkakka si tou, naal᷊ihidda niwal᷊iawanna lal᷊eo su ṛabbi wasa.

MATIUS 1:20

Tantal᷊anna i Yusuf maṛṛingiddu olangnge udde, i tou nabal᷊iawa. Sulal᷊ummu bal᷊iawane udde, i tou naasilo sangkatou mala'ekattu Mawu nabbisara si tou, “i Yusuf, papapulunni Daud, arie pa'ata'utta ma'awingngi i Maria; ana waugu ana'a apan sulal᷊ummu illoṛṛone udde nariaddi wuassu taṛṛinon Ghaṛṛaho Duata.

MATIUS 2:13

Napawe manga mapapanden anumpitanna udde napul᷊ete, mala'ekattu Mawu naipasilon batangane si Yusuf sulal᷊ummu wal᷊iawa. Mala'ekatta udde nabbisara, “I Herodes pia pandumma madea'a ana'a udde pateanni tou. Ana waugu udde apu'ote, apira'e ana'a udde ringannu inangnge tal᷊anga'e watukku Mesir. Atana'e poiaroddi ma'oman sara i ya'u mabbal᷊o si'o apia.”

WATTI'U MANGA RASUL 27:23

Ana waugu na'allawanna mala'ekattu Ruata apan sassubbangku, eteudde Ruata apan uatahuanna si ya'u nirumanta ringangku.

YOSUA 10:8

Mawu nabbisara si Yosua, “Arie pa'ata'utti mangitou. Auntunganna buatte Ta'u nionggola si'o, ana waugu tawe sangkatou wuassi mangitou maaro'appa si'o.”

YOSUA 11:6

Mawu nabbisara si Yosua, “Arie pa'ata'utti mangitou. Su allo ere indi lai tiṛṛabbi, i mangitou sarangkanambone buatte Ta'u nipate ana waugu Israel. Awal᷊on mangitou sarun Ta'u iapaallome, wuṛṛu manga keretan pangalo mangitou ṛinone soṛṛowanna.”

YOSUA 2:24

Wua'udde i mangitou nabbisara, “Atonna Mawu nangonggolu ahewallu wanua udde si ite; manga taumata poiaroddi matta'utti ite.”

MAL᷊AṚṚUUNGNGA 3:10

Ghaṛaho Mawu uataṛino si Otniel na'oman sara i tou naola'a piaṛa'u walahannu Israel. I tou inaite napapangalo, ana see Mawu napaauntungngi tou su ratun Mesopotamia udde.

MAL᷊AṚṚUUNGNGA 3:28

“Tantalongke si ya'u,” wisarane si mangitou, “Mawu buatte namaddon manga taumatan Moab, seretti yamiu udde.” Ne su al᷊ungngu piaṛa'i Ehud, manga taumatan Israel sinumossokke wuassu panenteanna. I mangitou namal᷊iaṛo tampa lallewesannu taumatan Moab su Sal᷊ukku Yordan. Tawe saran sangkatou wuassu seetta udde niwala lumewessa ringannu sal᷊amatta.

MAL᷊AṚṚUUNGNGA 7:10

Arawe amungkangngu i'o matta'utta, aheite i Pura, allangu udde inai suadio'a watukku paddasanannu seetta.

MAL᷊AṚṚUUNGNGA 7:8

Ana waugu udde i Gideon nandolokku taumatan Israel waine niapaapul᷊ea'a, tumba'u ingana'a siri tallu ṛasutta udde. Manga wal᷊unna wuṛṛu trompeta nianu wuassu manga taumata apan niapaapul᷊e udde. Taumata Midian uatana'a su wawal᷊anne, su al᷊ungngu pinaddasanannu taumatan Israel.

1 SAMUEL 14:8

“Ore aroddite,” sasimbakki Yonatan. “Sutempo lumewessa, iaddua sarun mattingkapasilon batanganni ite su manga taumatan Filistin udde.

1 SAMUEL 23:4

Ana waugu udde paassa lai i Daud naddorongnga tatantiro wuassu Mawu, wuṛṛu Mawu sinumimbakka, “Arie passinggawangnga. Pangaloite soa Kehila, ana waugu tantaran Filistin udde Ta'u itantilla si'o.”