MAL᷊AṚṚUUNGNGA 6:4 - WUKE SUSI WATTI'U AL᷊AL᷊USASSA

⁴ I mangitou maddasanna su leta'a wageangngu Israel wuṛṛu mangngabutta anambon sasuanna poiaroddi naddatingngu wageangngu leta'a uapal᷊iwutta Gaza samba'an timukka. Wuṛṛu lai winatanga domba, sapi wuṛṛu keledai tatahuanannu walahannu Israel niapiddi mangitou. Tawe saran sambau tinantangnga na'oman sara walahannu Israel niasueannu anna.

MAL᷊AṚṚUUNGNGA 6:4 ပူးပေါင်းရင်းမြစ်များ

PANDARIADDI 10:19

na'oman sara manga passarannu wanua i mangitou niatambanna wuassu Sidon watukku timukka mattudan Gerar, maddatingngu maranin Gaza, wuṛṛu watukku ra'i mattudan Sodom, Gomora, Adma wuṛṛu Zeboim, maddatingngu maranin Lasa.

PANDARIADDI 13:10

I Lot nanaile leta'a apan uapal᷊iwutta si tou wuṛṛu i tou naasilo manungku ahewallu Wawal᷊annu Yordan, maddatingngu soan Zoar manambo ua'ene, naal᷊ihidda Waillu Mawu ara'e naal᷊ihidda leta'u Mesir. (Etearoddi olangnge tantal᷊anna Mawu taambe naṛṛimunsa'a manga soan Sodom wuṛṛu Gomora.)

AMSAL 28:3

Tembonanne apan mangngallanga taumata asiangnga, naal᷊ihidda uranna masaddata apan nanggohakku pangitinganna.

YEREMIA 5:17

I mangitou sarun manginsue hessin leta'a wuṛṛu annu see lai mamate manga anangngu. Sapi wuṛṛu dombanu sarun ṛatanni mangitou, wuṛṛu manga waillu anggore see manga alun aranu sarun paddaṛṛanni mangitou. Manga soa pia tanda batune apan ia'asakki yamiu sarun ihohakki mangitou.

IMAMATTA 26:16

i yamiu sarun Ta'u iṛṛuumanna. I Ya'u sarun mandantan asasilaka si yamiu, radda'a wuṛṛu sal᷊iubba apan tawe ia'undamma, ma'oman sara matanu mabbal᷊i wuta wuṛṛu i yamiu mabbiakka sansara. I yamiu sarun mabbailla arawe tawe maal᷊ewa hessine, ana waugu manga seennu sarun dumanta mamaddon kamiu wuṛṛu manginsue sinuanannu.

OBAJA 1:5

Taṛṛa ta'o ara'e mangangaṛṛo apan nirumanta sutempo ṛabbi, tumba'u manganu saranapa apan ipaapulune. Taumata apan manni'o anggore su wailla, sidutu mangngaddo manga piran bau. Arawe i'o sarun insueannu manga seennu.

MIKHA 6:15

I yamiu sarun mangasi'u gandumma, arawe tawe mangitingnga wuane. I yamiu sarun manaṛṛitta lana wuassuwuan zaitun, arawe tawe mapapaattu lanane. I yamiu sarun mamakkan anggore, arawe tawe mappa'inumma.

TAHIUL᷊E 28:33

Walahanna raho sarun manahuanna anambon hessin leta'a apan niasombanganni yamiu ringannu mammanara masahadda, arawe i yamiu sassane tawe maasomba manga apa tumba'u sidutu naiola'a allangnga wuṛṛu papparentanna ringannu maṛṛagissa.

TAHIUL᷊E 28:51

I mangitou sarun manginsue winatangnga papadul᷊ianannu wuṛṛu hessin letangngu, wuṛṛu tawe manantangngu gandumma si yamiu, ua'e anggore, lanan zaitun ara'e sapi wuṛṛu ambingnga dombanu ma'oman sara i yamiu mate amal᷊unusanna.

MAL᷊AṚṚUUNGNGA 6:3

Wuṛṛu naatamba lai, suapan mabbawaillu Israel apan mangasi'a wawail᷊anne, taumata Midian rumantate su sambau ringannu taumatan Amalek wuṛṛu manga taumata waine wuassu wadda'u anne mammangalo taumatan Israel.