MAL᷊AṚṚUUNGNGA 3:9 - WUKE SUSI WATTI'U AL᷊AL᷊USASSA

⁹ Wua'udde walahannu Israel sinumal᷊ande maiontolla su Mawu, ana see Mawu nangonggoli Otniel mapasabbangngi mangitou. (I Otniel eteudde ana'i Kenas, tuarin Kaleb.)

MAL᷊AṚṚUUNGNGA 3:9 ပူးပေါင်းရင်းမြစ်များ

NEHEMIA 9:27

ne I'o nanantilli mangitou su seenne apan ringannu maṛṛagissa uataṛṛino wuṛṛu mangngallangnga si mangitou. Arawe sulal᷊ummu asasusa apan masaddatta, i mangitou sussal᷊ande Si'o maddorongnga sasumbala. Wuassu surga I'o naddaringikka; ringannu napenen darangngu I'o sinumibakka. I'o nandolokku piaṛṛa'a wuṛṛu tumannaṛṛanne apan mamallossi mangitou wuassu seetta.

DARALO 22:5

Iupungngu al᷊amonan kami uaantimma Si'o, i mangitou uaantimma, wuṛṛu I'o nanal᷊amatta si mangitou.

DARALO 78:34

Suapan Ruata mamate manga pira suwallati mangitou, ingana'a waine sinumassilla wuṛṛu nabelengnga ringanni Tou.

YOSUA 15:17

I Otniel, ana'u tuṛṛangngi Kaleb aranne i Kenas, naapangaṛṛo soa udde; ne i Kaleb nanantilli Akhsa, anangnge, maola'a awingngi Otniel.

MAL᷊AṚṚUUNGNGA 1:13

I Otniel ana'u tuarin Kaleb aranne i Kenas, inaite nangaṛo soa udde. Ne i Kaleb nangonggolen Akhsa, anangnge maola'a awingngi Otniel.

MAL᷊AṚṚUUNGNGA 10:10

Ana see walahannu Israel sinumal᷊andete Mawu, wisarane, “I yami buatte na'ola'a rosa Si'o, ana waugu i yami tawe manaile Si'o, oh Ruatan kami. I yami massubba manga mongannu Baal.”

MAL᷊AṚṚUUNGNGA 2:16

Mawu masokka mangonggolu piaṛṛa'a si mangitou apan mattinsahadda mamallossi mangitou wuassu ammul᷊annu taṛṛa ṛampassa.

MAL᷊AṚṚUUNGNGA 2:18

Amungkangngu Mawu mangonggolu sangkatou piaṛṛa'a su walahannu Israel, Mawu sidutu ual᷊u'adda piaṛṛa'a udde. Su al᷊o'engngu piaṛṛa'a udde mabbiakka, Mawu sidutu mapal᷊iun mangitou wuassu manga seetti mangitou. I Tou u'akkanni mangitou napawe I Tou maaringikka i mangitou sussal᷊iomanna ana waugu pappateanna ara'e tawe maal᷊ore.

MAL᷊AṚṚUUNGNGA 3:15

Arawe sutempo walahannu Israel sinumal᷊ande maiontolla su Mawu, I Tou nangonggoli Ehud tadea'u mapasabbangngi mangitou. I Ehud sangkatou taumata apan matohassa limane aiṛṛi; i tou ana'i Gera wuassu ruanganni Benyamin, wuṛṛu ete i tou lai apan masokka manguntudda si Ratu Eglon wose apan ṛinone waeṛannu walahannu Israel.

MAL᷊AṚṚUUNGNGA 3:8

Ne Mawu nasa'u su taumatan Israel, wuṛṛu namalan mangitou niwaddon Ratu Kusyan-Risyataim wuassu Mesopotamia. Ual᷊u tonna al᷊annune ratu udde uaparenta si mangitou.

MAL᷊AṚṚUUNGNGA 4:3

I Yabin uatahuanna 900 keretan pangalo wuassu atta'a. Ruan pul᷊o su tonnane al᷊annune i tou uaparenta taumatan Israel ringannu maṛaggissa. Wua'udde i mangitou sinumal᷊ande maiontolla su Mawu.

MAL᷊AṚṚUUNGNGA 6:7

Wua'udde walahannu Israel sinumal᷊ande Mawu, tadea'u mantul᷊ungngi mangitou mando'appa taumatan Midian.

1 SAMUEL 12:10

Wua'udde i mangitou niumal᷊iomanna su Mawu wuṛṛu nanga'u rosan mangitou; wisarane, ‘Yami narosate ana waugu tinumal᷊iudda Si'o, oh Mawu, wuṛṛu yami lai massubba manga paal᷊uannu Monganni Baal wuṛṛu Asytoret. Arawe, orassa indi, sal᷊amatewe yami wuassu manga seetti yami, ne yami sidutu mattaṛṛamawu Si'o!’