MAL᷊AṚṚUUNGNGA 3:7 - WUKE SUSI WATTI'U AL᷊AL᷊USASSA

⁷ Walahannu Israel narosate su Mawu, Ruata mangitou. I mangitou naabul᷊iten Mawu na'oman sara i mangitou nassubbate manga paal᷊uanni Baal wuṛṛu Asyera.

MAL᷊AṚṚUUNGNGA 3:7 ပူးပေါင်းရင်းမြစ်များ

1 MARARATU 16:33

I tou na'ola'a lai pa'al᷊uanni Monganna Asyera. I tou na'ola'a lembon manambo rosa wuassu apa apan niola'u anambon ratun Israel apan namarenta dorone wuassi tou. Ana waugu udde i tou nandantan asasa'un Mawu, Ruata apan ṛinone subbannu taumatan Israel.

1 MARARATU 18:19

Orassa indi, parentaite anambon tumana'u Israel maisasomba'u su Wowon Karmel. Apira'a lai appatu ṛasutta liman pul᷊o nabi Baal wuṛṛu appatu ṛasutta nabi Monganni Asyera udde apan niwaeṛṛanni wo'i Izebel!”

2 MARARATU 23:14

Manga pale monganna wuṛṛu paal᷊uannu monganni Asyera niapaaṛṛa'a, ana see leta'a pina'olaanna manga pale wuṛṛu manga paal᷊uanna udde niomboanni Yosia ringannu manga duṛṛin taumata.

2 MARARATU 23:6

Paal᷊uannu Dewi Asyera niapasabbangi tou wuassu, Wal᷊en Mawu, wuṛṛu niapidda su liuddu soa watukku Wawal᷊annu Kidron. Poiaroddi paal᷊uanna udde nitutunga, ana see munsinge tinumma'a al᷊ussa, wuṛṛu awune nisal᷊iawukka su labbingu awada'alla.

2 TAWARIKH 15:16

Wua'udde i Ratu Asa napaillol᷊on iupungnge i Maakha, wuassu manarane Inangngu Ratu ana waugu i tou buatte nallanginnu paal᷊uanna sassubanna apan masandaga si Asyera, mongannu asasuwukka. Asa napaṛṛa'a wuṛṛu nakkimunsa'a paal᷊uanna udde ana see tinutungnga su wawal᷊annu Kidron.

2 TAWARIKH 24:18

Ne tumanangnge tate lai mattaṛṛamawu su Wal᷊en Mawu, Ruatan al᷊amonan mangitou, arawe massubbate monganna wuṛṛu paal᷊uannu Asyera. Rosan mangitou udde naasa'u Mawu su tumana'u Yehuda wuṛṛu Yerusalem.

2 TAWARIKH 33:19

Sulal᷊ummu wuke Watti'u Manga Nabi buatte niwoṛṛetta lai aal᷊iomanni Manasye wuṛṛu sasimbakku Ruata su aal᷊iomanna udde, see lai watti'u manga rosane tantal᷊anna i tou taambe awawal᷊u, manga tampa pasasubbanna paal᷊uanna wuṛṛu manga paal᷊uannu Monganni Asyera apan nilanginne, wuṛṛu manga monganna apan sassubbanne.

2 TAWARIKH 33:3

Manga tampa pasasubbanna paal᷊uanna apan buatte nihohakki Hizkia, iamangnge, niolangnge apia. I tou nallanginnu manga mezbah passubbanna si Baal, wuṛṛu nallanginnu manga paal᷊uanni Asyera, ana see lai massubba manga anumpitanna.

2 TAWARIKH 34:3

Napawe 8 tonna i Yosia naola'a ratu, su uukka ta'e dario'a, i Yosia nanattakke mattaṛṛamawu Ruata apan sassubbanni Ratu Daud iupungnge. Appattu tonna wua'udde i tou nanattakke nanggohakku manga tampa passubbanna paal᷊uanna, manga paal᷊uannu Monganni Asyera, wuṛṛu manga paal᷊uanna waine.

2 TAWARIKH 34:7

Manga mezbah wuṛṛu manga paal᷊uanni Asyera su ahewallu Araratuannu Sawannakka niṛṛa'an Yosia, ana see manga paal᷊uanne wuṛṛu anambon mezbah amania niṛṛimunsange. Wua'udde i Yosia napul᷊ete watukku Yerusalem.

DARALO 106:35

Ewe'e i mangitou nallal᷊o'a manga walahanna udde, wuṛṛu nattanno pallal᷊aghu manga taumata apan tawe maailal᷊a Ruata.

DARALO 106:36

Ana see i mangitou nassubba manga paal᷊uanna, wuṛṛu pinangianannu ananawon mangitou.

DARALO 106:7

Sutempo su Mesir al᷊amonan kami tawe maasunna; manara-Nu apan maatiangnga tawe asunnanni mangitou. I mangitou naabul᷊in darangngu-Nu apan nilumambalanna, wuṛṛu su maranin Tahal᷊oangngu Gelagah i mangitou nilumawanga Apan Atanggaṛṛanne.

SASABANGNGA 34:13

Nariaddi, imbaṛṛangnga ma'ola'a aroddi, arawe paṛṛaa'a manga mezbah mangitou, ṛimunsa'a manga palem paal᷊uanni mangitou wuṛṛu tuwangke manga diṛṛin Asyera, monganni mangitou.

YEREMIA 23:27

I mangitou maṛṛingidda manungku ringannu manga wal᷊iawa apan iwabbatti'i mangitou udde, uma-U wotongnge maabul᷊i-U ere lai al᷊amona mangitou naabul᷊i-U wuṛṛu nassubba si Baal.

TAHIUL᷊E 16:21

Amungkangngu i yamiu ma'ola'a mezbah Mawu Ruatanu, imbaṛṛangnga mangaddon paal᷊uanna sassubbanna wuassu alu hahambaranni Asyera su sambaane,

TAHIUL᷊E 4:9

Panutukke wuṛṛu naungete paapia-pia, tadea'u su al᷊o'engngu pabbiaṛṛannu i yamiu tawe maabul᷊i sarangkanambone apan buatte niasiloanni yamiu sassane. Wattia'e su anangngu wuṛṛu pulunnu

TAHIUL᷊E 8:11

“Pa'ariagai paapia-pia arie ma'oman sara i yamiu ma'abul᷊in Mawu Ruatanu; Imbaṛṛangnga mangadio'a saran sambau wuassu al᷊awo'u tita-Ne apan ta'u nionggola si yamiu allo indi.

TAHIUL᷊E 8:14

paarigaite paapia-pia tadea'u i yamiu tawe mabbal᷊i mawunga wuṛṛu maabul᷊in Mawu Ruatanu apan namallossi yamiu wuassu Mesir, su tampa i yamiu mattaṛṛuallanga.

TAHIUL᷊E 8:18

Naunge manungku tumba'u Mawu Ruatanu apan mangonggolu paa'ala udde si yamiu. Olangnge udde niola'i Tou ana waugu na'oman sara allo indi i Tou ta'e uaagassa su pa'aire apan niolangnge-Nge ringannu iupungngu al᷊amonanu.

MAL᷊AṚṚUUNGNGA 3:12

Walahannu Israel na'ola'e rosa apia su lantakku hatin Mawu, na'oman sara Mawu na'ola'a si Eglon, ratun Moab, nabbal᷊i mattohasanna wuassu Israel.

MAL᷊AṚṚUUNGNGA 3:8

Ne Mawu nasa'u su taumatan Israel, wuṛṛu namalan mangitou niwaddon Ratu Kusyan-Risyataim wuassu Mesopotamia. Ual᷊u tonna al᷊annune ratu udde uaparenta si mangitou.

MAL᷊AṚṚUUNGNGA 6:25

Su ṛabbi udde Mawu nangonggolu parenta indi si Gideon, “Sapi esakki papanu al᷊appa, eteudde sapi apan apianne uukke pitu tonna. Hohaṛṛa'e mezbah apan niola'i papanu apan ipassubba si Baal ana see ṛaa'e diṛine apan naola'a hambarannu Dewi Asyera su samba'a mezbah udde.

MAL᷊AṚṚUUNGNGA 8:33

Napawe i Gideon natete, taumatan Israel tatewe tumuṛutta Ruata. I mangitou massubbate manga monganni Baal wuṛṛu Baal-Berit niola'a monganni mangitou.

MAL᷊AṚṚUUNGNGA 8:34

I mangitou tate mattaṛamawu Ruata, Mawu mangitou, apan buatte namallossi mangitou wuassu taṛinon anambon seetta apan uapal᷊iwutta si mangitou.

1 SAMUEL 12:10

Wua'udde i mangitou niumal᷊iomanna su Mawu wuṛṛu nanga'u rosan mangitou; wisarane, ‘Yami narosate ana waugu tinumal᷊iudda Si'o, oh Mawu, wuṛṛu yami lai massubba manga paal᷊uannu Monganni Baal wuṛṛu Asytoret. Arawe, orassa indi, sal᷊amatewe yami wuassu manga seetti yami, ne yami sidutu mattaṛṛamawu Si'o!’

1 SAMUEL 12:9

Arawe wua'udde i mangitou naabul᷊in Mawu, Ruatan mangitou, ana waugu udde I Tou namalan mangitou nipangaloanna wuṛṛu niawaddon Sisera, tembonannu tantaran Hazor, wuṛṛu taumatan Filistin wuṛṛu ratun Moab.