MAL᷊AṚṚUUNGNGA 2:4 - WUKE SUSI WATTI'U AL᷊AL᷊USASSA

⁴ Napawe mala'ekatta udde buatte namasingkattu watti'a udde, walahannu Israel sarangkanambone nilumuai ringannu ma'ikkata.

MAL᷊AṚṚUUNGNGA 2:4 ပူးပေါင်းရင်းမြစ်များ

EZRA 10:1

Tantalanna Ezra u'al᷊iomanna lapiddu lulluai wuṛṛu mangnga'u rosa su saruannu Wal᷊en Mawu, manambo atonna taumatan Israel naammulla, mawae esakka, aroddi lai wawine wuṛṛu al᷊aṛṛana'a. I mangitou uapal᷊iwutta si tou lapiddu lulluai ma'ikka-ikkatta.

AMSAL 17:10

Sambau tatagu lembon maarega su taumata mapia wuassu maṛṛasutta hahesekka su taumata woddo.

YEREMIA 31:9

I mangitou u'amatta ringannu allo mata apan mappinapi, Ta'u niwinalatanna wuṛṛu Ta'u niehetta i mangitou. Ta'u niapidda i mangitou niumamattu tampa apan manambo ua'ene, niummatta su lal᷊anna ratakke su tampa i mangitou tawe matara. Su Israel, i Ya'u maola'a Iamangnga; Efraim uddewe ana-U pahul᷊une.”

YOEL 2:12

Mawu nabbisara, “Arawe orassa indi, pabbelengke ringang-Ku ringannu al᷊al᷊uassu naungnga, lapiddu mappuasa, sumangitta wuṛṛu lumuai.

ZAKARIA 12:10

Wua'udde papapulunni Daud see tumana'u Yerusalem sarun Ta'u onggol᷊annu naungnga masingkatta umakkanna wuṛṛu mappulu umal᷊iomanna. I mangitou sarun ma'ellega si tou apan buatte niusu'i mangitou wuṛṛu lumallu ere taumata lulluain anangnge man sambau. I mangitou sarun lumallu ringannu sussangitta, naal᷊ihidda ere taumata apan niawul᷊iannu ana'a pahul᷊u.

LUKAS 6:21

Lal᷊umanna'a i yamiu apan mal᷊unussa orassa indi; i yamiu sarun iapaal᷊aidda! Lal᷊umanna'a i yamiu apan lulluai orassa indi; i yamiu sarun lumagge!

LUKAS 7:38

I tou dirumarisikka su liuddu Mawu Yesus maranin leddane wuṛṛu nilumuai lapiddu naṛṛolo ledda Mawu Yesus ringannu allo matane. Wua'udde ledda Mawu Yesus pineddan utangnge see niari'i tou wuṛṛu niwokkannu lana mawangngi.

2 KORINTUS 7:10

Ana waugu asasusa ereudde maawal᷊u naungnga apan mandantan asasal᷊amatta. Wuṛṛu taumata tawe sumassilla su olangnge udde. Arawe asasusa apan su lal᷊annu apulun taumata maawawa papate.

YAKOBUS 4:9

Ṛinone atonna-tonna i yamiu sumassilla wuṛṛu lumuai lapiddu lumal᷊o; ṛinone lal᷊agenu maola'a lal᷊uai wuṛṛu al᷊al᷊uannu maola'a asasusa!

MAL᷊AṚṚUUNGNGA 2:3

Nariaddi, orassa indi paddaringikka! I Ya'u sarun tawe mallimbuakka manga taumatam banua indi napawe i yamiu mapapangalon mangitou. I mangitou sarun maola'a manga seennu, wuṛṛu i yamiu sarun awono'anna ma'oman sara i yamiu lai massubbate manga monganni mangitou.”

MAL᷊AṚṚUUNGNGA 2:5

Ana waugu udde tampa udde nisaggo Bokhim. See lai su tampa udde manga taumatan Israel nangonggolu sasamba su Mawu.

1 SAMUEL 11:4

Etearoddi manga daroloṛṛanna udde na'omate su Gibea, sutampa atatanaanni Saul. Sutempo i mangitou namasingkattu watti'a udde, tumanange nilumuaite ana waugu sussassilla.

1 SAMUEL 7:6

Ana see i mangitou sarangkanambone naammulle su Mizpa. I mangitou nania ua'e ana see nilal᷊inna maola'a sambau sasamba su Mawu, see lai i mangitou nappuasa su al᷊o'engngu allo udde. I mangitou nabbisara, “Yami buatte na'ola'a rosa su saruannu Mawu.” (Su Mizpa udde i Samuel nanattakke nanginsue hatton pabbawawul᷊on taumatan Israel.)