MAL᷊AṚṚUUNGNGA 2:16 - WUKE SUSI WATTI'U AL᷊AL᷊USASSA

¹⁶ Mawu masokka mangonggolu piaṛṛa'a si mangitou apan mattinsahadda mamallossi mangitou wuassu ammul᷊annu taṛṛa ṛampassa.

MAL᷊AṚṚUUNGNGA 2:16 ပူးပေါင်းရင်းမြစ်များ

NEHEMIA 9:27

ne I'o nanantilli mangitou su seenne apan ringannu maṛṛagissa uataṛṛino wuṛṛu mangngallangnga si mangitou. Arawe sulal᷊ummu asasusa apan masaddatta, i mangitou sussal᷊ande Si'o maddorongnga sasumbala. Wuassu surga I'o naddaringikka; ringannu napenen darangngu I'o sinumibakka. I'o nandolokku piaṛṛa'a wuṛṛu tumannaṛṛanne apan mamallossi mangitou wuassu seetta.

WATTI'U MANGA RASUL 13:20

Sarangkanambone udde nariaddi appatu ṛasutta limam pul᷊o su tonnane al᷊annune. Napawe suete nattahia leta'u Kanaan udde, Ruata nangonggolu manga mallaṛṛuungnga si mangitou. Mallaṛṛuungnga panginsueanne eteudde i Nabi Samuel.

MAL᷊AṚṚUUNGNGA 10:1

Napawe i Abimelekh natete, i Tola ana'i Pua, naola'a piaṛange, mamallossu taumatan Israel. I tou pulunni Dodo wuassu ṛuanganni Isakhar. I tou uatana'a su Samir su wageangngu panenteannu Efraim.

MAL᷊AṚṚUUNGNGA 11:32

Ana see i Yefta tinumumbete Sal᷊ukku Yordan inai mamangalo taumatan Amon, wuṛṛu Mawu nangonggolu auntunganna si tou.

MAL᷊AṚṚUUNGNGA 3:15

Arawe sutempo walahannu Israel sinumal᷊ande maiontolla su Mawu, I Tou nangonggoli Ehud tadea'u mapasabbangngi mangitou. I Ehud sangkatou taumata apan matohassa limane aiṛṛi; i tou ana'i Gera wuassu ruanganni Benyamin, wuṛṛu ete i tou lai apan masokka manguntudda si Ratu Eglon wose apan ṛinone waeṛannu walahannu Israel.

MAL᷊AṚṚUUNGNGA 3:31

Piaṛṛangnge manansunna eteudde Samgar ana'i Anat. I tou lai napapangalo wuṛṛu namallossu taumatan Israel. Ringannu ta'inna nipamiaṛṛa'u sapi, i tou namate 600 taumatan Filistin.

MAL᷊AṚṚUUNGNGA 4:5

I Debora inanaramanmne ua'ianna su al᷊ungngu punnu alu kurma, suwallatu Rama wuṛṛu Betel, su wageangngu panenteannu Efraim. Wuṛṛu ete isudde manga taumatan Israel nirumanta madorongnga tatantiro si tou.

MAL᷊AṚṚUUNGNGA 6:14

Wua'udde Mawu nangonggolu parenta indi si Gideon, “Ringannu ahewallu atatohannu roote pamallossu taumatan Israel wuassu parentan taumata Midian. Ete i Ya'u Mawu apan nandolokku.”

RUT 1:1

Su tempo paarorone tantal᷊anna Israel taambe uatahuanna ratu, wanua Kanaan niarantannu al᷊aṛutumma. Su tempo udde pia sangkatou esakka aranne i Elimelekh. I tou wuassu amonanni Efrata, wuṛṛu uatana'a su Betlehem su wageangngu leta'i Yehuda. Ana waugu ṛutumma udde, ne i tou inaite watukku wanua Moab suadio'a ringannu awingnge i Naomi, wuṛṛu ruan katou anangnge esakka; i Mahlon wuṛṛu i Kilyon. Ana see i mangitou natana'e poiaroddi. Su tempo i mangitou ta'e uatana'a isudde,

1 SAMUEL 12:11

Wua'udde Mawu nandolokki Gideon, ana see i Barak, wua'udde i Yefta, wuṛṛu panginsueanne ya'u. Yami sambau-sambau buatte namallossi yamiu wuassu seennu, na'oman sara i yamiu wotongnge mabbiakka mal᷊angnganna.

1 SAMUEL 14:48

I tou napapangalo ringannu matohassa wuṛṛu waṛṛani wuṛṛu ana see namaddon taumatan Amalek, see lai namallossu taumatan Israel wuassu taṛṛinon taumata taṛṛa aṛṛo.