MAL᷊AṚṚUUNGNGA 19:3 - WUKE SUSI WATTI'U AL᷊AL᷊USASSA

³ taumatan Lewi udde inaite nattuṛutta si tou wuṛṛu nassal᷊o'a tadea'u mabelengnga apia ringanni tou. I tou inaite ringannu nangapiddu sangkatou allangnga wuṛṛu darua keledai. Napawe na'omate poiaroddi, wawine udde nangapiddi tou ringannu iamange. Sutempo iamangu wawine udde naasilo si tou, i tou nanal᷊oho ringannu lulluassa,

MAL᷊AṚṚUUNGNGA 19:3 ပူးပေါင်းရင်းမြစ်များ

PANDARIADDI 50:21

Arie passinggawangnga. I ya'u sarun manuungngu hausanni yamiu wuṛṛu al᷊aṛṛana'i yamiu.” Etearoddi i tou napaatammudu naungngi mangitou ringannu manga wisara apan masaṛṛionto'a, na'oman sara i mangitou naluasse.

PANDARIADDI 34:3

Arawe i tou tumanite ninumemman i Dina, na'oman sara piate naungnga si Dina wuṛṛu maddea'a tadea'u maṛṛuala udde lai pia naungnga si tou.

GALATIA 6:1

Manga tuṛṛangnga! Amungkangngu sangkatou niaratinganna ma'ola'a rosa, ṛinone i yamiu mabbiakka tuttuṛṛuta Ghaṛṛahon Duata, mangehetta taumata udde mabbelengnga su lal᷊anna apan naṛṛino. Arawe i yamiu ṛinone ma'ola'a udde ringannu masaṛṛionto'a wuṛṛu paariagai arie ma'oman sara i yamiu sassane lai awono'anna.

YOHANES 8:11

“Tawe, Ama,” sasimbakke. “Aroddite,” unnu Mawu Yesus, “I Ya'u lai tawe makkuumannu. Orassa indi apul᷊ete, imbaṛṛangnga ma'ola'a rosa apia.”]

MATIUS 1:19

I Yusuf, tunangane udde, eteudde sangkatou apan sidutu tuttuṛṛutta titan agama. Nariaddi i tou mappulute mamassutta patatunangan tarua, arawe ringannu mal᷊anna-l᷊annaba, tadea'u i Maria tawe masili su saruannu awadaalla.

HOSEA 2:14

Mawu nabbisara, “Ana waugu udde i Ya'u sarun mangapiddi tou watukku wadda'a; poiaroddi i tou sarun Ta'u isalo'a ringannu manga wisaran paapulu.

YEREMIA 3:1

Mawu nabbisara, “Amungkangngu sangkatou inangngu ana'a sindoannu awingnge, ana see wawine udde nabbal᷊i awingngu taumata waine, ne iamangngu anangnge dorone tate wotongnge manganu si tou apia maola'a inangngu anangnge, ana waugu olangnge udde sarun maahohakka wanua indi. I'o Israel, piate tunanga tumanite manambo, ereapa orassa indi i'o ma'apulu mabbelengnga ringang-Ku!

MAL᷊AṚṚUUNGNGA 15:1

Manga pira tempo wua'udde, su tempon pangangitinga gandumma, i Simson inaite mattembo awingnge. I tou nangapiddu sambau ambinga ionggola su awingnge. I Simson nabbisarate la'iananne, “I ya'u maapulu sumutta su wabbo'a maisasomban awingku.” Arawe la'iananne tawe namala.

REENGANNA 22:22

Arawe sutempo i Bileam inaite, Ruata nasa'u. Tantal᷊anna i Bileam uasa'e keledaine, tatantalongannu ruan katou mangangimbene, mala'ekattu Mawu uarisikka su tangngan dal᷊anna mangngampangnga si tou.

IMAMATTA 20:10

Amungkangngu sangkatou Israel sinumandaga ringannu awingngu taumata sambalahanne, i tou wuṛṛu wawine udde ṛinone iṛṛuumanna pateanna.

IMAMATTA 19:17

Imbaṛṛangnga mangune su saruanni sai-sai. Insuete pabbawawul᷊onu ringannu al᷊awo'u taumata, tadea'u i yamiu tawe marosa ana waugu taumata waine.

MAL᷊AṚṚUUNGNGA 19:2

Arawe ana see wawine udde nandona si tou, na'oman sara i tou nabelengnga watukku wal᷊en iamange su Betlehem. Napawe wawine udde natana'e poiaroddi appatu wul᷊anna al᷊annune,

MAL᷊AṚṚUUNGNGA 19:4

wuṛṛu mammata'a tadea'u i tou tate mapul᷊e. Ana waugu i tou natana'a tallu allo al᷊annune wuṛṛu u'ante isudde see lai nanaṛabbite isudde ringannu awinge su liudde udde.

MAL᷊AṚṚUUNGNGA 19:26

Napawe maraniten nallo wawine udde nabelengnga, arawe su saruannu ngaran wal᷊en timmade udde, sutampa awingnge nanaṛabbi, i tou nawantinga. Naddatingngu matannallo sinumabbanga i tou ta'e isudde.

HOSEA 2:16

Ana see i tou managgo-U awingnge, wuṛṛu wal᷊ine Baal apan sassubbanni tou.