MAL᷊AṚṚUUNGNGA 17:3 - WUKE SUSI WATTI'U AL᷊AL᷊USASSA

³ I Mikha napawelengngu roitta udde su inangnge, ana see inangnge mabbisara, “Atadea'u i'o, ana'u, mal᷊iu wuassu tatal᷊a apan buatte niwisara'u udde, i ya'u mangonggolu sal᷊a'a udde indi su Mawu, ipaatta ipa'ola'a paal᷊uanna alu apan pi'unannu sal᷊a'a. Nariaddi roitta udde iapaapidda apia si'o.”

MAL᷊AṚṚUUNGNGA 17:3 ပူးပေါင်းရင်းမြစ်များ

2 TAWARIKH 33:7

Paal᷊uanna sassubbanna niaddone sulal᷊ummu Wal᷊en Mawu, sumbal᷊i su ola'u tampa udde Ruata buatte nabbisara si Daud wuṛṛu si Salomo anangnge, “Wal᷊e-U su Yerusalem indi, apan buatte Ta'u nipile suwallattu mapul᷊o dua leta'u ṛuangannu Israel, eteudde tampa apan Ta'u tinantunna maola'a tampa patataṛṛamawuanna si Ya'u saran mal᷊annu-l᷊annu.

SASABANGNGA 20:23

Imbaṛṛangnga aola'a su watangannu manga paal᷊uanna sal᷊a'a ara'e wul᷊awanna apan subbanni yamiu wal᷊ine wuassi Ya'u.

SASABANGNGA 20:4

Imbaṛṛangnga i'o ma'ola'a paal᷊uanna hun su batangannu apan lihidde ere roso su langitta, su runia ara'e sulal᷊ummu ua'e su al᷊ungngu runia.

SASABANGNGA 34:17

Imbaṛṛangnga ma'ola'a wuṛṛu massubba manga Mawu wuassu atta'a.

YESAYA 30:22

Manga paal᷊uanna sassubbannu apan aoosannu sal᷊a'a wuṛṛu wul᷊awanna sarun irammen kami naal᷊ihidda sapadda, lapiddu mabbisara, “Paaraute wua dingangku!”

YESAYA 66:3

Arawe walahanna udde ma'ola'a walate apulu mangitou; i mangitou mal᷊uassa mattaṛṛamawu ringannu atokke apan ma'arantinna. Si mangitou tawe paddaṛṛalanne: mangngonggollu sapi esakka wuṛṛu mangngonggollu taumata, mangngonggollu ana'u domba wuṛṛu mammaddi ullekkan asu; mangngonggollu gandumma wuṛṛu mangngonggollu daṛṛan bawi, mannambunnu amania wuṛṛu massubba pa'al᷊uanna.

YEREMIA 10:8

Longonna wuṛṛu woddo mangitou sarangkanambone ana waugu mongannu tumba'u alu sangkabuwu, tawe maapangaṛṛa'a apa apan pia gunane.

IMAMATTA 19:4

Imbaṛṛangnga massubba monganna. Imbaṛṛangnga ma'ola'a paal᷊uanna wuassu atta'a wuṛṛu massubba si tou. Ete i Ya'u Ruatanu.

YOHANES 16:2

I yamiu sarun iapaasabangnga wuassu manga wal᷊em pattataṛṛamawuanna. Wuṛṛu sarun a'omanna tempone manungku taumata apan mamate si yamiu massunna i tou massubba Ruata.

TAHIUL᷊E 12:3

Ṛaea'e manga mezbah mangitou wuṛṛu ṛimunsa'a manga diṛṛine watu apan a'antimanni mangitou pia taṛṛinone. Tambuna'a manga hambaranni Asyera, wuṛṛu ṛimunsa'a manga paal᷊uanna sassubbanni mangitou, na'oman sara manga monganna udde tate subbanna lai su tampa udde.

TAHIUL᷊E 27:15

Manga taumatan Lewi: ‘Niawontohante taumata apan ma'ola'a paal᷊uanna wuassu watu, alu ara'e atta'a, wuṛṛu massubba si tou ringannu ma'imbuni; Mawu maddantinnu pasasubba paal᷊uanna!’ Anambon tumana'u soa: ‘Amin!’

MAL᷊AṚṚUUNGNGA 17:13

Ne unni Mikha, “Ne orassa indi ya'u mangimanna Mawu sarun ma'ola'a mapia si ya'u ana waugu piate sangkatou taumatan Lewi apan naola'a imam si ya'u.”

MAL᷊AṚṚUUNGNGA 17:2

Su allo sambau i tou nabbisarate su inangngene, “Su inangnga niawul᷊iannu saṛiwu maṛasutta roitta sal᷊a'a, i ya'u naaringikka inangnga mantal᷊an manana'one. Indete Inangnga, roinne! Ete i ya'u nanna'o.” Inangngene sinumimbakka, “Antimanna i'o al᷊amatannu Mawu, ana'u!”

MAL᷊AṚṚUUNGNGA 17:4

Ne napawe i Mikha napawelengngu roitta udde su inangnge, i tou nanganu rua ṛasutta su waune wuassu roitta udde, ana see nionggola su sangkatou ma'aola'a sal᷊a'a. Ana see i tou nandolokku ma'aola'a udde niapal᷊anginnu alu wuṛṛu nipi'unnu sal᷊a'a udde. Wua'udde paal᷊uanna niaddo su wal᷊en Mikha.

MAL᷊AṚṚUUNGNGA 18:30

Paal᷊uanna sassubbanna apan niapiddi mangitou udde, niapararisikki mangitou su soa udde ana see nanenegi Yonatan, ana'i Gersom, pulunni Musa, maola'a imammi mangitou. Papapulunni Gersom indi sidutu ma'ola'a imam su ruanganni Dan na'oman sara walahannu Israel niapidda wuṛṛu niramme watukku wanua waine.

MAL᷊AṚṚUUNGNGA 18:5

Ana see unni mangitou si tou, “Amungkangngu aroddi, tul᷊unga'a iwal᷊oi su Ruata, tanne amamatti yami indi sarun pia gessine ara'e tawe.”