MAL᷊AṚṚUUNGNGA 14:3 - WUKE SUSI WATTI'U AL᷊AL᷊USASSA

³ Arawe hagurangnge nabbisara, “Anio i ite ṛinone inai ringannu taumatan Filistin tadea'u maasomba sawa, wuṛṛu i mangitou tawe nasutta al᷊aṛana'u Mawu? Apa sulal᷊ummu ṛuanganni ite sassane ara'e suwallatu pabbawalagi ite tawe maṛuala naṛino su naungngu?” I Simson sinumimbakka iamangnge, “Arawe tumba'u maṛualan Filistin udde ipaapulu'u. Ne i ya'u mangantimma iamanga mangono'u si tou.”

MAL᷊AṚṚUUNGNGA 14:3 ပူးပေါင်းရင်းမြစ်များ

PANDARIADDI 13:8

I Abram nabbisara si Lot, “Iaddua indi sangkatuṛṛangnga, dal᷊eo amungkangngu manga taumatanu wuṛṛu manga taumata'u uatatiakka.

PANDARIADDI 21:27

Ana see i Abraham nangonggollu manambo domba wuṛṛu sapi si Abimelekh, wuṛṛu taumata rarua udde naṛṛiinnu pa'aire.

PANDARIADDI 34:14

Unni mangitou su taumata darua udde, “I yami massili mamalan tuarin kami ma'awingnga ringannu taumata apan tawe nisunatta.

2 SAMUEL 1:20

Antimanna manga taumatan Gat tawe maaringikka watti'a udde. Antimanna manga lal᷊anna addio'a su Askelon tawe maasomba watti'a udde. Arie ma'oman sara wawinen Filistin lumala'a arie ma'oman sara wawine apekka maggahio lal᷊uassa.

YOSUA 23:12

Amungkangu i yamiu tawe matuṛṛuta wuṛṛu i yamiu maammulu manga walahanna apan ta'e uatana'a ringanni yamiu, wuṛṛu i yamiu ma'awingngi mangitou,

MAL᷊AṚṚUUNGNGA 14:2

Ana see i tou napul᷊ete wuṛṛu nabbisara su hagurangnge, “I ya'u niumanggangu sangkatou maṛualan Filistin su Timna. I tou maddorongnga iamanga wuṛṛu inangnga inai mangono'u si tou.”

MAL᷊AṚṚUUNGNGA 15:18

Wua'udde i Simson mangke naapendamma marou, na'oman sara i tou sinumalande Mawu. I tou nabbisara, “Mawu, wakkute tanginna I'o nangonggolu auntunganna si ya'u. Orassa indi ya'u ṛinone mate ana waugu marou, na'oman sara sametannu manga taumatan Filistin indi apan tawe maailal᷊a Si'o?”

1 SAMUEL 14:6

Ne i Yonatan nabbisarate su umbasanna udde, “Wette iaddua inaite watukku tampan pandariagannu taumatan Filistin taumata apekka udde. Asinungka Mawu mantul᷊ungngi addua. Ana waugu Mawu wotongnge mangonggollu auntunganna, mawae ete su taumata manambo ara'e lai su taumata matul᷊ungnga.”

1 SAMUEL 17:26

Ana see i Daud nabbisara, “Waṛṛani atonna taumatan Filistin apekka udde mannal᷊u'atta tantaran Duata apan biakka!” Wua'udde ya'u naiwal᷊o su sangkatou tantara, “Apate apan sarun ionggolla su taumata apan naapate taumatan Filistin udde wuṛṛu namappassa aal᷊uandaga wuassu Israel?”

1 SAMUEL 17:36

Allangngu buatte namate singa wuṛṛu beruangnga, wuṛṛu taumatan Filistin apekka udde lai sarun ta'u pateanna ere manga winatangnga udde, ana waugu i tou waṛṛani mangal᷊uandaga tantaran Duata apan biakka.

1 SAMUEL 31:4

Ana see i Saul nabbisara su ana'a esakka apan uaagassa ahidde, “Sawutte hal᷊elenu wuṛṛu usua'e si ya'u, tadea'u ya'u tawe nalanganna wuṛṛu pateannu manga taumata apan tawe maaillal᷊a Mawu.” Arawe ana'a esakka udde maddiri mangusu'a, ana waugu i tou tumaniten maaddata. Ana waugu udde i Saul nanganu hal᷊elene sassane wua'udde tinumattere su hal᷊ele apan maṛṛoro udde.