MAL᷊AṚṚUUNGNGA 13:4 - WUKE SUSI WATTI'U AL᷊AL᷊USASSA

⁴ Ana waugu udde paariagaite watangannu mapia-pia. Imbaṛangnga ma'inumma anggore ara'e ua'e ma'awu'anna, ara'e umanna sambau anna apan ipappalli.

MAL᷊AṚṚUUNGNGA 13:4 ပူးပေါင်းရင်းမြစ်များ

IMAMATTA 11:47

I yamiu wotongnge ma'ellega paṛṛalane wuṛṛu ma'arantinna, su wallatu winatangngu apan botongnge inasanna wuṛṛu winatangnga apan tawe wotongnge inasanna.

LUKAS 1:15

I tou sarun maola'a taumata mapia su aellegu Mawu, wuṛṛu i tou tawe ma'inumma anggore ara'e inumanna ma'awu'anna. Ro'en inasungkangnge i tou aintaṛṛoanten Ghaṛṛahon Ruata.

WATTI'U MANGA RASUL 10:14

I Petrus sinumimbakka, “Tawe, Mawu! Taambe saran paassa i ya'u inumanna apa ipappalli ara'e ia'arantinna.”

MAL᷊AṚṚUUNGNGA 13:13

Mala'ekattu Mawu udde sinumimbakka, “Awingngu imbaṛangnga ma'inumma anggore ara'e ua'e ma'awu'anna, wuṛṛu lai imbaṛangnga umanna saranapa apan niola'a wuassu punnu alu anggore, ara'e wiakka apan ipappalli. I tou ṛinone sarun tumuṛutta al᷊awo'u tanata'u si tou, wuṛṛu mallu'adda tadea'u taweddu saran sambau apan tawe tinuṛutanne.”

MAL᷊AṚṚUUNGNGA 13:7

Araware i tou nabbisara manungku i ya'u sarun pia illoṛo wuṛṛu maasomba sangkatou ana'a esakka. I tou lai nabbisara manungku imbaṛangnga i ya'u ma'inumma anggore ara'e ua'e ma'awu'anna, ara'e umanna anna ipappalli, ana waugu ana'a udde ṛinone itantilla su Ruata maola'a sangkatou ana'u pa'aire su al᷊o'engngu pabbiaṛanne.”