MAL᷊AṚṚUUNGNGA 12:3 - WUKE SUSI WATTI'U AL᷊AL᷊USASSA

³ Nariaddi napawe i ya'u naṛingidda, manungku i yamiu tate rumanta massumbala si ya'u, i ya'u nangutullu naungku inaite mamangalo taumatan Amon udde, salaiwe i ya'u sarun mate. Ana see Mawu nangonggolu auntunganna si ya'u wuassi mangitou. Anio i yamiu orassa indi mamangalo si ya'u?”

MAL᷊AṚṚUUNGNGA 12:3 ပူးပေါင်းရင်းမြစ်များ

2 TAWARIKH 13:12

Piaṛṛa'i yami eteudde Ruata sassane wuṛṛu manga imammu Mawu lai isindi. I mangitou uasaddiate mattiuppa trompeta maola'a sambau tatiala si yami inaite mamangalo si yamiu. Ei taumatan Israel, ariete lumawangnga Mawu, Ruatan al᷊amonanu! I yamiu tawe maauntungnga!”

AYUB 13:14

I ya'u nasaddiate mabbataṛṛun niawa!

DARALO 119:109

Niawa'u sidutu maola'a wataṛṛu, arawe i ya'u tawe maabul᷊in tita-Nu.

ROMA 16:4

I mangitou maraniten mate, ana waugu maapulu manal᷊amatta sia'u. I ya'u maadiangkamanna si mangitou – wuṛṛu wal᷊ine tumba'u i ya'u, arawe anambon jamaatta wuassu walahanna waine apan wal᷊ine Yahudi lai maadiangkamanna si mangitou.

SONDAPPA 12:11

Manga tuṛṛangi ite suete napaarugin tou ringannu ṛaṛṛan Ana'u Domba udde, wuṛṛu ringannu watti'a apan atonna wuassu Ruata apan niwatti'i mangitou. I mangitou mal᷊uassa nanantillu niawa mangitou ma'oman sara mate.

MAL᷊AṚṚUUNGNGA 11:27

Tawe, yami tawe nassal᷊a si'o. Ete i'o apan nassal᷊a si yami ana waugu i'o namangalo si yami. Ete Mawu mallaṛuunga apan allo indi makkawessu hatto indi suwallatu walahannu Israel wuṛṛu walahannu Amon.”

MAL᷊AṚṚUUNGNGA 12:2

I Yefta nabbisarate, “Suwallatu taumatan Amon wuṛṛu yami taumatan Gilead pia patatiakka apan bahewalla. Yami buatte ta'u niwagoanna iapasumbala tadea'u mapallossa wuassu manga taumatan Amon udde, arawe i yamiu tawe nirumanta.

MAL᷊AṚṚUUNGNGA 12:4

Wua'udde i Yefta nangammulu anambon taumatan Gilead, ana see i mangitou namangalo wuṛṛu namaddon taumatan Efraim. (Taumatan Gilead apan uatana'a su Efraim wuṛṛu Manasye, niansil᷊annu taumatan Efraim manungku i mangitou nattingkaṛaen batanganne wuassu Efraim, ruanganne.)

MAL᷊AṚṚUUNGNGA 9:17

apan buatte napapangalo ana waugu i yamiu? Naunge, niawane buatte naola'a wataṛu ana waugu ipamallosi yamiu wuassu parentan manga taumatan Midian.

1 SAMUEL 19:5

I tou buatte nanantillu niawane sutempo i tou namate si Goliat, wuṛṛu Mawu buatte nangonggollu auntunganna apan bahewalla si tou su Israel. Iamangnga sassane naasilote arariadianna udde, ne iamangnga lulluassa sutempo udde. Nariaddi anio orassa indi iamangnga ma'apulu mandal᷊eo taumata apan tawe sal᷊ane wuṛṛu ma'apulu mamate si Daud ringannu tawe pangaiananne?”

1 SAMUEL 28:21

Mangangundamma udde nangundanin Saul wuṛṛu naasilo manungku i tou tumaniten nial᷊iwune; ana see wawine udde nabbisara si tou, “Tuangku, allangngu buatte nattinsahadda nangutungngu darorongngi Tuangnga.