LUKAS 24:29 - WUKE SUSI WATTI'U AL᷊AL᷊USASSA

²⁹ arawe i mangitou nama'ungnga si Tou. “Atana'e su tampang kami.” unni mangitou si Tou, “allo maranite maṛṛabi wuṛṛu maranite marandumma lai.” Ne Mawu Yesus sinumuttate manaṛṛabi ringanni mangitou.

LUKAS 24:29 ပူးပေါင်းရင်းမြစ်များ

PANDARIADDI 19:3

I Lot mangke sinumal᷊ande, wuṛṛu panginsueanne itarua sinumutta suadio'a ringanni tou sulal᷊ummu wal᷊ene. I Lot nanaddia anna matemangnga wuṛṛu nallol᷊o roti addaalle, ana see niumante i mangitou.

2 MARARATU 4:8

Su Sunem pia sangkatou wawine ala uatana'a. Su allo sambau sutempo i Elisa inaite watukku Sunem, wawine udde nangahe niumanna. Nanattakka orassa udde suapan i Elisa inai su Sunem i tou u'anna su wal᷊en bawine udde.

LUKAS 14:23

See tuanga udde nabbisara, ‘Roote watukku lal᷊anna wuṛṛu manga sasuttanna su liuddu soa, wuṛṛu wataa'e taumata rumanta, tadea'u wal᷊e'u mapene.

LUKAS 24:28

Tantal᷊anna udde i mangitou maddanin soa patudanni mangitou. Mawu Yesus na'ola'a paṛṛimaunnapa ere manassukku amatan-Ne,

LUKAS 24:30

Su tempo inuma'ianna su sambau ringanni mangitou umanna, Mawu Yesus nangawakka roti, na'adiangkamanna su Ruata, namesangnga roti ringannu lima-Ne, see nionggolle si mangitou.

WATTI'U MANGA RASUL 16:14

Sangkatou su wallatti mangitou eteudde mabbawal᷊u'u mal᷊aṛṛenessa ungu, aranne i Lidia taumata wuassu Tiatira. I tou marangngu Ruata, ne Mawu nangal᷊ore naungnge tadea'u i tou manengkamma apa apan ia'aṛṛa'i Paulus si tou.