LUKAS 11:21 - WUKE SUSI WATTI'U AL᷊AL᷊USASSA

²¹ Amungkangngu sangkatou apan matohassa, ringannu ahidde apan nasuungnga, mandiaga wal᷊ene sassane, anambon darotongnge sarun masal᷊amatta.

LUKAS 11:21 ပူးပေါင်းရင်းမြစ်များ

YESAYA 49:24

I yamiu ma'iwal᷊o, “Wotongngewe saranapa niaṛṛampassa aṛṛoanna wuassu ta'iakku taumata matohassa, wuṛṛu atawanna anuanna wuassu angkummu taumata maṛṛagissa?”

MATIUS 12:29

Ereapa taumata wotongnge maasutta sulal᷊ummu wal᷊en sangkatou apan matohassa wuṛṛu mangaṛṛo darotongnge, amungkangngu i tou tawe maṛṛapussa dorone taumata matohassa udde? Wua'udde i tou wotongngete mangaṛṛo darotongnge.

MARKUS 3:27

Tawe saran sangkatou wotongnge maasutta sulal᷊ummu wal᷊en sangkatou taumata matohassa wuṛṛu mangaṛṛo darotongnge amungkangngu i tou tawe malliu ṛoro maṛṛapussa taumata matohassa udde. Wua'udde i tou wotongngete mangaṛṛo darotongnge.

LUKAS 11:20

Arawe i Ya'u mallimbuakka ghaṛṛaho lal᷊eo ringannu taṛṛinon Ruata, wuṛṛu udde atappasanne manungku Ruata mannattakke mammarenta su pattangnganni yamiu.

LUKAS 11:22

Arawe amungkangngu sangkatou apan mattohasanna lumal᷊a'o wuṛṛu see i tou iaansukka, ne taumata apan mattohasanna udde sarun mangaṛṛo anambon ahidde apan naola'a atatohassu tatahuannu wal᷊e udde, see nattahiate anambon darotongnge udde.