LAL᷊ALLU 2:19 - WUKE SUSI WATTI'U AL᷊AL᷊USASSA

¹⁹ Pasokkate matimpo'u su al᷊o'engngu ṛabbi tadea'u mangintul᷊i mapasabbangngu lal᷊oṛṛon naungngu su Mawu. Paddorongke tadea'u i Tou umakkanna su manga anangngu apan niamal᷊unusanna wuṛṛu napinsanna suapan pabbeṛoannu lal᷊anna.

LAL᷊ALLU 2:19 ပူးပေါင်းရင်းမြစ်များ

AYUB 3:24

Hahantin anna i ya'u sussal᷊iomanna, tawe illol᷊one i ya'u ma'uare.

DARALO 119:55

Sutempo ṛabbi i ya'u uanaungnga Si'o, oh Mawu, tita-Nu sidutu ta'e aagasanna.

DARALO 134:2

Wattea'e limanu watukku tampa na'ukkassa, wuṛṛu paddalote Mawu!

DARALO 141:2

Sengkammawe aal᷊iomangku maola'a ere sambau sasamba amania, wuṛṛu lima'u apan uawilatta maola'a sasamban ṛabbi.

DARALO 142:2

Ringannu ma'ikkatta i ya'u sussal᷊ande su Mawu; ringannu tingikka matottoga i ya'u sumal᷊ande sasumbala-Ne.

DARALO 142:3

Su saruan-Ne i ya'u ma'ial᷊are; ta'u niapasingkatta asasusa'u si Tou.

DARALO 28:2

Daringiṛṛewe sasal᷊ande'u napawe i ya'u maiontola, wuṛṛu mamatunna lima'u watukku Wal᷊en-Nu apan susi.

DARALO 42:3

I ya'u mappulun Ruata apan wiakka, tingngera i ya'u wotongnge maataṛṛamawu su Wal᷊en-Ne?

DARALO 42:4

Allo ṛabbi i ya'u lulluai, anna si ya'u tumba'u allon mata. Su al᷊o'engngu allo see'u maiwal᷊o, “Suapate Ruatanu?”

DARALO 62:8

Ete i Tou Ruata apan nangonggolu asasal᷊amatta wuṛṛu aaddata si ya'u, ete i Tou pattillumangku wuṛṛu mananahe'u apan matohassa.

DARALO 63:4

Darangngu-Nu maaregganne wuassu wiakka, ana waugu udde i ya'u maddalo Si'o.

YESAYA 26:9

Ṛimuu'u luṛṛintulu-Nu sutempo ṛabbi, naungku mangngantimma Si'o sutempo marua allo. Napawe I'o makkuungngu runia indi, tumana'u runia sarun maasingkatta apan apan ṛinone.

YESAYA 51:20

Suapan pentakku lal᷊anna manga taumatanu nal᷊iundu'a niasueannu ikkatta ere rusa apan nul᷊ussa su pu'itta. I mangitou naṛṛiaannu asasa'u Mawu, wuṛṛu naṛṛinoannu lal᷊imbuakku Ruatanu.

YEREMIA 14:18

Napawe i ya'u inai watukku wadda'a, i ya'u naasilo manga winal᷊unanna sol᷊on pangalo. Sulal᷊ummu soa i ya'u naasilo asasusa, taumata mateten al᷊al᷊unussa. Nabi wuṛṛu imam mappaamattu manarane ringannu tawe apa apan a'olaanni mangitou.”

YEREMIA 9:20

I ya'u nabbisara, “Paddaringikke manga wisara Mawu, ei wawine sarangkanambone! Su manga sinangiannu aṛṛa'en antarin lalal᷊o, su manga hawenu antarin asasusa.

YEHEZKIEL 5:10

Timmadde sarun uminassa anangnge sassane wuṛṛu ana'a sarun uminassa hagurangnge. Etearoddi i mangitou sarun Ta'u iṛṛuumanna, wuṛṛu iapa ta'e wiakka Ta'u isal᷊iawukka su al᷊awo'u tampa.

YEHEZKIEL 5:16

I Ya'u sarun makkimunsa'a wal᷊ingkakku annu wuṛṛu mamalan tumanangngu amal᷊unusanna. I mangitou sarun mamendamma aroddi asasusane mal᷊unussa, ere anaanna apan maṛṛoro nallappassa wuṛṛu namate si'o.

MIKHA 1:16

Ei taumatan Yehuda, pol᷊ote utangngu maola'a tatiala lullal᷊o su manga anangngu apan arangnguani yamiu. Iṛṛite puanu ma'oman sara mal᷊unggukka ere manu'u winalanganna apan u'inassa winal᷊unanna, ana waugu manga anangngu sarun ṛuwoanna watukku pamamuanganna.

NAHUM 3:10

Salaiwe aroddi, tumana'u Tebe niatawanna wuṛṛu niṛṛuwo watukku pamamuanganna. Su anambon pappenganne, manga anangnge nipuulla na'oman sara nate. Manga tembonanne niṛṛapussu ṛate wuṛṛu nitahia sisai apan naasametta.

MATIUS 14:25

Su wallattu puulla tatallu wuṛṛu puulla annumma rua'allo, Mawu Yesus nirumanta ringanni mangitou u'amatta su wowon ua'e.

MARKUS 1:35

Rua'allone, su tempo ta'e maṛṛanggapa atonna, Mawu Yesus nabangunte see nanantangken bal᷊e. I Tou inaite su tampa apan mal᷊annaba su liuddu soa, wuṛṛu inumal᷊iomante poiaroddi.

MARKUS 13:35

Ana waugu udde i yamiu ṛinone paariaga, ana waugu i yamiu wagga tingngerate tatahuannu wal᷊e udde mabelengnga – asinungka wawallo, asinungka allorane, asinungka maraninnallo, ara'e asinungka su sasabangngu matannallo.

LUKAS 6:12

Su tempo udde Mawu Yesus sinuma'ate su sambau wuidda ana see inumal᷊iomanna. Isudde i Tou inumal᷊iomanna su Ruata su al᷊o'engngu ṛabbi.

1 TIMOTIUS 2:8

I ya'u maapulu tadea'u suapan tampan papunna esakka umal᷊iomanna ringannu naungnga susi, tawe asasa'u ara'e pabbawawul᷊o.

MAL᷊AṚṚUUNGNGA 7:19

Ṛabbi mattangnga, i Gideon wuṛṛu manga tantarane na'omate su passaranna su paddasanannu seetta. Su tempo udde taumata apan uariaga paddasananna, wakkute nallalol᷊ossa riaga. Ana see i Gideon wuṛṛu tantarane nattiuppa trompeta wuṛṛu namesangnga manga awo'i mangitou.

1 SAMUEL 1:15

Arawe i Hana sinumimbakka, “I ya'u wal᷊ine wu'anna, Papa, ya'u tawe na'inumma anggore! I ya'u niasueante ṛingidda, ne u'al᷊iomanna mabbatti'u anambon asasusa'u su Mawu.

1 SAMUEL 7:6

Ana see i mangitou sarangkanambone naammulle su Mizpa. I mangitou nania ua'e ana see nilal᷊inna maola'a sambau sasamba su Mawu, see lai i mangitou nappuasa su al᷊o'engngu allo udde. I mangitou nabbisara, “Yami buatte na'ola'a rosa su saruannu Mawu.” (Su Mizpa udde i Samuel nanattakke nanginsue hatton pabbawawul᷊on taumatan Israel.)