KOLOSE 2:15 - WUKE SUSI WATTI'U AL᷊AL᷊USASSA

¹⁵ Su alu arussa udde Kristus na'ola'a al᷊awo'u ghaṛṛaho apan uaparenta wuṛṛu uataṛṛino naola'a tawe atatohanne. I mangitou naola'a wawialannu awadaalla su tempo Kristus nangapiddi mangitou ere taumatan ṛuumanna sulal᷊ummu amamattu awawantu-Ge.

KOLOSE 2:15 ပူးပေါင်းရင်းမြစ်များ

PANDARIADDI 3:15

I'o wuṛṛu wawine udde sarun matatiakka, papapulunne wuṛṛu papapulunnu sidutu uasaseetta. Papapulunne sarun maṛṛimunsa'a puanu, wuṛṛu i'o sarun mangi'i paalli mangitou.”

DARALO 68:18

Ringannu su mapul᷊o ṛiwune kereta apan matohassa Ruata nirumanta suwallati mangitou sulal᷊ummu awawantu-Ge.

YESAYA 53:12

Ringannu naungnga mal᷊uassa i tou nanantillu wiakke wuṛṛu nasutta su reengannu taumata lal᷊eo. I tou namasanna rosa taumata nambo wuṛṛu niumal᷊iomana tadea'u i mangitou ampunganna. Ne i tou Ta'u nionggol᷊annu taumata manambo maola'a hadiane, wuṛṛu i tou naasomba wageangnge suadio'a ringannu manga taumata apan matul᷊idda.”

MATIUS 12:29

Ereapa taumata wotongnge maasutta sulal᷊ummu wal᷊en sangkatou apan matohassa wuṛṛu mangaṛṛo darotongnge, amungkangngu i tou tawe maṛṛapussa dorone taumata matohassa udde? Wua'udde i tou wotongngete mangaṛṛo darotongnge.

LUKAS 10:18

Mawu Yesus sinumimbakka, “I Ya'u naasilo Setanna nanawo wuassu langitta naal᷊ihida sawallo.

LUKAS 11:22

Arawe amungkangngu sangkatou apan mattohasanna lumal᷊a'o wuṛṛu see i tou iaansukka, ne taumata apan mattohasanna udde sarun mangaṛṛo anambon ahidde apan naola'a atatohassu tatahuannu wal᷊e udde, see nattahiate anambon darotongnge udde.

YOHANES 16:11

wuṛṛu manungku Ruata mannattake maṛṛuumanna, ana waugu tembonannu runia indi suete niṛṛuumanna.

YOHANES 19:30

Mawu Yesus naattemma ua'en anggore udde see nabbisara, “Nia'omante!” See nal᷊apute pua-Ne wuṛṛu natete.

1 KORINTUS 15:24

Wua'udde mariaddite Kiamatta. Su tempo udde Kristus sarun mangagassa al᷊awo'u araratuanna, al᷊awo'u taṛṛino, wuṛṛu al᷊awo'u atatohassa; wua'udde i Tou sarun manantillu taṛṛino-Ne ere sangkatou ratu, su Ruata Iamangngi ite.

2 KORINTUS 2:14

Arawe aadiangkamanna su Ruata! I Tou sidutu mangngehetta si yami tumantalongnga su amatanni Kristus ana waugu i yami mabbiakka su sambau ringanni Tou. Ruata nappaatti yami tadea'u watti'a su ola'i Kristus massal᷊iawukka naal᷊ihida hal᷊uru mawangngi su al᷊awo'u tampa.

2 KORINTUS 4:4

Monganna lal᷊eo apan uaparenta runia indi nakkapingnga ṛingirannu manga taumata apan tawe mangimanna udde. Monganna apan sidutu mannal᷊are si mangitou tadea'u i mangitou tawe maasilo semakka wuassu Watti'u Al᷊al᷊uassa udde, su ola'u awawantugi Kristus, apan naola'a lihiddu Ruata.

EFESUS 3:10

Pandumannu Ruata eteudde, tadea'u orassa indi, wuassu jamaatta sarangkanambone apan uaagassa taṛṛino su winalanganna masingkatu apanden Duata su al᷊awo'u inolaanne.

EFESUS 4:8

Sulal᷊ummu Wuke Susi uawoṛṛetta, “Su tempo i Tou niumawitta su tampa apan atanggaṛṛanne, I Tou uaapiddu manambo taumatan ṛuumanna; wuṛṛu i Tou nangonggolu manga aonggola su taumata.”

EFESUS 6:12

Ana waugu i ite mammanara, wal᷊inewe lumawangnga atatohassu manga setanna apan uaparenta su tempo apan lel᷊eo indi. I ite lumawangnga atatohassu manga ghaṛṛaho lal᷊eo apan uaparenta winalanganna.

KOLOSE 1:16

Ana waugu ete sulal᷊ummi Tou Ruata nandiaddi al᷊awo'u manga apa su surga wuṛṛu su wowon dunia, al᷊awo'u apa apan aasiloanna wuṛṛu apa apan tawe asiloanna, nasutta lai alawo'u ghaṛṛaho apan uataṛṛino wuṛṛu uaparenta. Ahewallu runia indi niola'a sulal᷊ummi Kristus wuṛṛu hunane si Kristus.

KOLOSE 2:10

Wuṛṛu ana waugu mabbiakka uaaukka ringanni Kristus, i yamiu lai nionggol᷊annu wiakka apan nasuungnga. Ana waugu Kristus udde tembonannu al᷊awo'u ghaṛṛaho apan uataṛṛino wuṛṛu uaparenta.

IBRANI 2:14

Ana waugu manga taumata apan nisaggon i Tou ana'a udde, eteudde sangkatou taumata apan wotonge mate, ne Mawu Yesus sassane naola'a uasul᷊ungngi mangitou wuṛṛu mabbiakka sulal᷊ummu ola'u taumata. I Tou na'ola'a aroddi, tadea'u ringannu papate-Ne i Tou wotongnge maṛṛimunsa'a Setanna apan uataṛṛino papate.

SONDAPPA 12:9

Naga apan bahewalla udde niramme su liudde! Ete i tou atoanna timmade udde apan aranne Setanna ara'e Ghaṛṛaho Lal᷊eo, apan nangawusu ahewallu runia. I tou niramme su runia su sambau ringannu manga mala'ekanne.

SONDAPPA 20:10

See Setanna apan nangawusu si mangitou udde, tinuntunga sulal᷊ummu tahal᷊oangngu putungnga wuṛṛu belerangnga. Ete isudde tampane winatangnga wuṛṛu nabi awusu udde niramme paarorone. I mangitou sarun sansaranna allo ṛabbi saran mal᷊annu-l᷊annu.