IMAMATTA 8:9 - WUKE SUSI WATTI'U AL᷊AL᷊USASSA

⁹ Ana see i tou nama'issu paporongnga su puan i Harun, wuṛṛu su paporongnga udde i tou nangelen lal᷊ogakka wul᷊awanna, apan mattiala manungku i Harun naola'e pussa'an Mawu. Sarangkanambone udde niola'i Musa tumuṛṛuttu parentan Mawu si tou.

IMAMATTA 8:9 ပူးပေါင်းရင်းမြစ်များ

SASABANGNGA 28:4

Doloṛṛa'a lai i mangitou ma'ola'a lal᷊indumma ro'o, laubbu imam, jubah, kameja nikarawanga, paporongnga wuṛṛu papeṛṛetta. Laubbu imam udde ṛinone olaanni mangitou hunan i Harun iaangngu wuṛṛu al᷊aṛṛanangnge tadea'u wotongnge mangimbe si Ya'u ere sangkatou imam.

SASABANGNGA 29:6

Wa'isa'e paporongnga su puane wuṛṛu elea'a su paporongnge udde lal᷊ogakka wul᷊awanna ringannu ni'uitta ‘Niṛṛae hunan Mawu’.

SASABANGNGA 40:16

I Musa tinumuṛṛutta sarangkanambone ere buatte niparentan Mawu.

IMAMATTA 8:36

Ana see i Harun wuṛṛu manga anangnge tinumuṛṛutta sarangkanambone apan nirolokku Mawu si Musa.

ZAKARIA 3:5

Ne i tou lai namarentate mangangimbene mama'issu paparongnga apan baresi su puan Yosua. I mangitou tinumuṛṛutta wuṛṛu wua'udde i mangitou nalluṛṛen laubba waku udde si tou ringannu rariagannu maa'ekattu Mawu.