IMAMATTA 8:13 - WUKE SUSI WATTI'U AL᷊AL᷊USASSA

¹³ Ana see i tou nandolokku manga ana'i Harun niaparisikka su saruanne. I tou nalluṛṛen kameja wuṛṛu papeṛṛetta. Ana see i tou nama'issu paporongnga su puan mangitou ere buatte niparentan Mawu si tou.

IMAMATTA 8:13 ပူးပေါင်းရင်းမြစ်များ

DARALO 132:9

Antimanna al᷊aṛṛanang-Ngu humio lullala'a, wuṛṛu manga imam tatahuanan-Nu sidutu mabbiakka tuttuṛṛutta apulu-Nu.

SASABANGNGA 40:13

Luṛṛea'e laubbu imam si Harun, wuṛṛu lanaite i tou tadea'u i tou iṛṛa'e mangimbe si Ya'u maola'a imam.

SASABANGNGA 40:16

I Musa tinumuṛṛutta sarangkanambone ere buatte niparentan Mawu.

YESAYA 61:10

Yerusalem nabbisara, “I ya'u lulluassa ana waugu Mawu, naungku lullal᷊a'a ana waugu Ruata. Naal᷊ihidda ma'aawingnga esakka wuṛṛu wawine uapa'attu lal᷊oggakka mangkaṛṛansanga, etearoddi Mawu nameddetta si ya'u laubbu asasal᷊amatta wuṛṛu auntunganna.

YESAYA 61:6

I yamiu sarun isaggo allangngu Ruata wuṛṛu isaggo imam wuassu Mawu kite. I yamiu sarun maatemma pa'aala manga walahanna wuṛṛu maapendamma lulluassa ana waugu darotongngi mangitou.

YEHEZKIEL 42:14

Amungkangngu manga imam buatte nammanara su Wal᷊e Mawu, wuṛṛu mappulu inai su rallakka su liudde, ne laubba tumba'u ipammanara sutempo na'ola'a patataṛṛamawu, ṛinone itantangngi mangitou su manga wabbo'a udde. I mangitou ṛinone malluṛṛen laubba waine, napawe wua'udde i mangitou wotongngete inai su tampa tumana'u soa uaammulla.”

IMAMATTA 10:5

I mangitou nirumanta wuṛṛu nangapiddu manga winal᷊unanna apan ta'e lal᷊uṛṛeannu laubba udde watukku liuddu paddasananna, ere buatte nirolokki Musa.

1 PETRUS 2:5

I yamiu naal᷊ihida manga watu apan wiakka. Ana waugu udde ṛinone i yamiu pia apulu ipaatta ipa'ola'a Wal᷊en Duata apan pia ghaṛṛaho. Ringannu aroddi yamiu naola'a manga imam, apan mabbiakka tumba'u hunane su Ruata, wuṛṛu sulal᷊ummi Yesus Kristus mangonggola su Ruata, sasamban pangangimanna apan ipaapulun Duata.

1 PETRUS 2:9

Arawe i yamiu udde walahanna apan niapile, manga imam apan mangngimbe ratu, walahanna naukkassa, tumba'u hunan Duata, walahannu Duata sassane. Ruata namile si yamiu wuṛṛu namaggo si yamiu sinumabangnga wuassu araranduma sumutta su asasemakke apan mal᷊endappa ringannu pandumma tadea'u i yamiu mamasingkatu watti'a su ola'u manga inolaan-Ne apan wahewalla.

SONDAPPA 1:6

wuṛṛu nandiadi si ite sambau walahannu manga imam, apan mangngimbe Ruata, Iamang-Nge. Mawu Yesus Kristus eteudde awantuhanne wuṛṛu uataṛṛino sarangkal᷊o'engnge. Amin!

SONDAPPA 5:10

I'o suete nandiaddi si mangitou sambau walahannu manga imam sassane, tadea'u i mangitou mangimbe Ruatang kite, wuṛṛu mamarenta su wowon runia.”