IMAMATTA 7:18 - WUKE SUSI WATTI'U AL᷊AL᷊USASSA

¹⁸ Arawe amungkangngu su allo atallune ṛemessa udde inasanna lai, ne sasamba udde tawe sengkamanna wuṛṛu tawe mapangapiddu al᷊amatta su taumata udde, ewe'e lai maola'a ipappalli. Taumata apan niuminassa nassal᷊a wuṛṛu ṛinone mamasanna pangillul᷊eanne.

IMAMATTA 7:18 ပူးပေါင်းရင်းမြစ်များ

AMSAL 15:8

Mawu mannengkamma aal᷊iomannu taumata mapia, arawe i Tou maddantinnu sasamban taumata lal᷊eo.

YESAYA 65:4

Sutempo ṛabbi i mangitou inaite watukku manga liangnga wuṛṛu lal᷊abbinganna maddorongnga tatantiro su manga ṛimuuddu taumata nate. I mangitou u'inassa wawi wuṛṛu ma'inumma sawon ṛemessa apan isassingadda.

YESAYA 66:3

Arawe walahanna udde ma'ola'a walate apulu mangitou; i mangitou mal᷊uassa mattaṛṛamawu ringannu atokke apan ma'arantinna. Si mangitou tawe paddaṛṛalanne: mangngonggollu sapi esakka wuṛṛu mangngonggollu taumata, mangngonggollu ana'u domba wuṛṛu mammaddi ullekkan asu; mangngonggollu gandumma wuṛṛu mangngonggollu daṛṛan bawi, mannambunnu amania wuṛṛu massubba pa'al᷊uanna.

YEREMIA 14:10

Su ola'u walahanna udde Mawu nabbisara, “I Ya'u tawe mal᷊uassa su manga taumata udde apan maapulu tumal᷊angngu watanganne wua dingang-Ku, wuṛṛu tawe maaatokku watanganne. I Ya'u tawe maabul᷊i pasasal᷊a mangitou, i Ya'u sarun makkuumanni mangitou ana waugu rosa mangitou.”

YEREMIA 14:12

Salaiwe i mangitou mappuasa, i Ya'u maddirite maddaringikka sasal᷊ande mangitou ma'intolla; wuṛṛu salaiwe i mangitou mangonggolla si Ya'u sasamba itattambunna ara'e sasamba gandumma, i Ya'u tawe mal᷊uassa si mangitou. Arawe mawal᷊i'a, i Ya'u sarun mamate si mangitou ringannu pangalo, al᷊aṛṛutumma wuṛṛu al᷊aṛṛusa'itta.”

YEHEZKIEL 18:20

Taumata apan ma'ola'a rosa, ete i tou apan sarun mate. Ana'a sarun tawe mamasanna pangillul᷊eannu pasasal᷊an iamange; ewe'e, iamange lai sarun tawe mamasanna pangillul᷊eannu manga rosan anange. Taumata apan mapia sarun maasomba bawal᷊inne apan mapia ana waugu inolaanne apan mapia. Wuṛṛu taumata apan dal᷊eo sarun matataṛṛanga ana waugu pangillul᷊eannu al᷊al᷊eone.

HOSEA 8:13

I mangitou apulune mangngonggollu sasamba si Ya'u, wuṛṛu u'inassa ṛemessu sasamba udde, arawe i Ya'u Mawu, tawe mal᷊uassa ringannu manga sasamba udde. Orassa indi i Ya'u mannaungke rosan mangitou wuṛṛu makkuumanni mangitou ana waugu manga rosa udde; i Ya'u sarun mangirimmi mangitou mabelengnga apia su Mesir!

IMAMATTA 10:17

“Anio sasamba ipangampunga rosa udde nianni yamiu su tampa apan susi? Sasamba udde lembon susi; Mawu nangonggolla si'o, tadea'u rosan taumatan Israel ampunganna.

IMAMATTA 10:19

Sasimbakki Harun, “Atonna allo indi ṛuangannu Israel buatte nangonggolu sasamba aampunga rosa wuṛṛu sasamba itattambunna su Mawu. Salaiwe aroddi, asasilaka indi naṛṛia'e si ya'u. Unnu wisara allo indi ya'u umanna sasamba ipangampunga rosa udde, apa Mawu mal᷊uassa si ya'u?”

IMAMATTA 11:41

Anambon binatangnga apan uaṛṛulunna su leta'a, mawae ete tuttondo, ara'e leddane appata ara'e leddane manambo, uddewe ipappalli wuṛṛu udde imbaṛṛangnga inasanna.

IMAMATTA 17:16

Amungkangngu i tou napaamattu udde, i tou ṛinone mamasanna pangillul᷊eanne.

IMAMATTA 19:5

Amungkangngu i yamiu mangonggolu binatangnga maola'a sasamban paddarame, tuṛṛutte manga atoranna apan Ta'u ionggola, tadea'u sasamba udde Ta'u sengkamanna.

IMAMATTA 20:17

Amungkangngu sangkatou esakka natatambam tuṛṛangnge wawine ara'e ringannu tuṛṛangnge apan iamangnga sambau inangnga waine ara'e inangnga sambau iamangnga waine, itarua tate lai mareengnga al᷊aṛṛana-U. I mangitou buatte na'ola'a inolaanna apan tawe su ṛinone wuṛṛu ṛinone mamasanna pangillul᷊eanne.

IMAMATTA 20:19

Amungkangu sangkatou esakka natatamba tuṛangu inangnge, itarua ṛinone mamasanna illul᷊eannu inolaanna udde.

IMAMATTA 22:16

ringannu mamala annanannu sangkatou apan tawe su tampane umanna anna udde. Olangnge udde maaola'a taumata udde nassal᷊a wuṛṛu mandantan ṛuumanna si tou. Ete i Ya'u Mawu, wuṛṛu i Ya'u apan napaasusin sasamba udde.”

IMAMATTA 22:23

Su sasamba walate apulu i yamiu wotongnge mangonggolu winatangnga apan tawe natipussa wadangnge; arawe su ipamaekka riandi, winatangnga aroddi tawe sengkamanna.

IMAMATTA 22:25

Winatangnga apan niasombanganna wuassu taumata raho tawe wotongnge ionggola maola'a sasamba anna. Winatangnga udde ere pia sangkulle wuṛṛu tawe wotongnge sengkamanna.

IMAMATTA 5:17

Amungkangngu sangkatou ringannu tawe nipattatudda na'ola'a rosa ana waugu nilumawangnga sambau su wallatu parentan Mawu, taumata udde nassal᷊a wuṛṛu ṛinone mamasanna pasasal᷊ane.

IMAMATTA 7:19

Ṛemessa apan naeṛṛettannu saranapa ipappali ṛinone insueanna itambunna wuṛṛu imbaṛṛangnga annananna. Ṛemessu sasamban paddarame tumba'u wotongnge annanannu taumata apan tawe nassal᷊a.

AMOS 5:22

Amungkangngu i yamiu mangapiddu sasamba itattambunna wuṛṛu gandumma, i Ya'u maddiri manengkamma. I Ya'u maddiri manengkamma manga winatangngu apan mangkatawa udde apan ionggolli yamiu si Ya'u maola'a sasamban paddareme.

MALEAKHI 1:10

Mawu Apan Lembontaṛṛino nabbisara, “Mappianne ngaran Wal᷊e-U irṛṛudda, ana waugu tawe gunane i yamiu mande'omma putungnga su wowon mezbah-U. I Ya'u tawe mal᷊uassa si'o, wuṛṛu maddiri manengkamma sasambanu.

MALEAKHI 1:13

Wisarannu, ‘I ite nawusate ringannu sarangkanambone udde’, wuṛṛu i yamiu mangngaddio'a si Ya'u. I yamiu mangngapiddu winatangnga apan nita'o, winatangnga apan lome ara'e maradda'a tadea'u ionggolla si Ya'u. Su ṛingiddi yamiu i Ya'u manengkamma sasamba udde?

REENGANNA 18:27

Sasamba niṛṛae udde uasul᷊ungngu sasamba gandumma wakku wuṛṛu ua'e anggore wakku.

LUKAS 16:15

Arawe Mawu Yesus nabbisara si mangitou, “Ete i yamiu taumata apan su saruannu taumata waine ellehanna mapia, arawe Ruata masingkattu lal᷊oṛṛo naungngu. Ana waugu apa apan sassunnannu taumata matanggakka, su aellegu Ruata udde mawawo.

ROMA 4:11

I tou nisunatta murine, wuṛṛu sunatti tou tumba'u maola'a sambau tatiala manungku Ruata buatte nanengkamma si tou maola'a taumata apan maal᷊uassa naungngu Ruata. I tou tinarimmattu Ruata su tempo i tou taambe tinumuṛṛutta atorannu sunatta. Wuṛṛu Abraham naola'a iamangngu manga taumata apan mangngimanna Ruata, wuṛṛu ana waugu i tou suete tinarimmattu Ruata maola'a sangkatou taumata apan maal᷊uassa naung-Nge, salaiwe i mangitou tawe tumuṛṛutta atorannu sunatta.

IBRANI 9:28

Aroddi lai i Kristus tumba'u paassa tinantilla maola'a sasamba ipanubussa rosan anambon taumata. I Tou sarun dumanta apia su aruane, wal᷊ine manginsue hatton paddarosa, arawe manal᷊amatta manga taumata apan uaraṛṛaddo daranta-Ne.

1 PETRUS 2:24

Kristus sassane namasanna manga rosan kite su watangan-Ne roso su alu arussa, tadea'u i ite mapallosa wuassu taṛṛinon dosa, wuṛṛu mabbiakka tuttuṛṛuta apulun Duata. Ete manga lessan Kristus apan nangapia si yamiu.