IMAMATTA 6:18 - WUKE SUSI WATTI'U AL᷊AL᷊USASSA

¹⁸ Saran mal᷊annu-l᷊annu suapan esakka papapulunni Harun wotongnge umanna roti udde; eteudde wageangngi mangitou apan sidutu wuassu anna apan nionggola su Mawu. Taumata waine apan napangeṛṛetta anna apan buatte niola'a sasamba udde, sarun maasomba asasilaka ana waugu atatohassu asasusine.

IMAMATTA 6:18 ပူးပေါင်းရင်းမြစ်များ

SASABANGNGA 29:37

Ola'e udde miallo-miallo al᷊annune pitu allo. Ne ahewallu mezbah mabbal᷊i susi; sarangkanambone apan ma'eṛṛetta su mezbah udde ṛinone itantilla su Mawu, wuṛṛu isai-sai apan nangeṛṛetta, sarun maasomba asasilaka ana waugu atatohassu asasusine.”

IMAMATTA 3:17

Taumatan Israel imbaṛṛangnga umanna tawa ara'e daṛṛa. Atoranna udde iapaamatta saran mal᷊annu-l᷊annu wuṛṛu tattuṛṛutannu suapan taumatan Israel apan uatana'a su al᷊awo'u tampa.

IMAMATTA 4:24

I tou ṛinone mangandangngu limane su puan binatangnga udde, ana see ṛatanna su samba'an sawannakku mezbah, su tampa pamototanna winatangnga olaanna sasamba itattambunna.

IMAMATTA 4:3

Amungkangngu na'ola'a rosa udde Imam Bahewalla, na'oman sara balahannu Israel nassal᷊ate lai, i tou ṛinone mangonggolu sambau sapi esakka saṛṛen tumuwo apan tawe angngone su saruannu Mawu tadea'u manga rosane ampunganna.

IMAMATTA 4:33

I tou ṛinone mangandangngu limane su wowon puan binatangnga udde, ana see maṛṛata su samba'an sawannakku mezbah, su tampa pamototanna binatangnga maola'a sasamba itattambunna.

IMAMATTA 6:10

Napawe sasamba udde nabbal᷊ite awu, imam malluṛṛen sal᷊ana maautta wuṛṛu jubah wuassu linen, ṛinone maṛṛootta awu apan pia tawane wuassu wowon mezbah wuṛṛu iaddo su sandiṛṛannu mezbah.

IMAMATTA 6:19

Mawu nangonggola si Musa manga atoranna indi

IMAMATTA 6:27

Salaiwe isai ara'e salaiwe manga apa apan nangeṛṛetta ṛemessu winatangnga udde sarun maasomba asasilaka ana waugu atatohassu asasusine. Amungkangngu sambau laubba niaṛṛente'annu daṛṛan binatangnga udde, laubba udde ṛinone wansal᷊anna su tampa apan buatte niṛṛae.

IMAMATTA 6:29

Suapan taumata esakka sulal᷊ummu amonannu manga imam botongnge umanna sasamba apan lembon susi udde.

IMAMATTA 7:6

Suapan esakka sulal᷊ummu amonannu manga imam botongnge uminassa ṛemessu sasamba udde, arawe i mangitou ṛinone uminassa su tampa apan buatte niṛṛae, ana sasamba udde lembon susi.

REENGANNA 18:10

Uddewe na'ukkassa si'o, nariaddi ṛinone i yamiu umanna su tampa na'ukkassa lai. Tumba'u esakka wotongnge umanna anna udde.

REENGANNA 18:8

Mawu nabbisara si Harun, “Paanaunge! Anambon sasamba iṛṛae apan ionggola si Ya'u apan tawe itambunna udde wageangngu. Eteudde wageangngu apan buatte nitantunna saran mal᷊annu-l᷊annu. Udde Ta'u nionggola si'o wuṛṛu su papapulunnu.

1 KORINTUS 9:13

Tuṛṛangnga lai masingkate manungku taumata apan mammanara su Wal᷊en Ruata mannengkamma wiakki mangitou wuassu Wal᷊en Duata. Wuṛṛu manga taumata apan mammadul᷊i tampan sasamba, maasomba sambageanganna wuassu sasamba apan niola'a sasamba isudde.

1 PETRUS 1:16

Sulal᷊ummu Wuke Susi uawoṛṛetta, “Ṛinone i yamiu susi, ana waugu i Ya'u susi.”

1 PETRUS 2:9

Arawe i yamiu udde walahanna apan niapile, manga imam apan mangngimbe ratu, walahanna naukkassa, tumba'u hunan Duata, walahannu Duata sassane. Ruata namile si yamiu wuṛṛu namaggo si yamiu sinumabangnga wuassu araranduma sumutta su asasemakke apan mal᷊endappa ringannu pandumma tadea'u i yamiu mamasingkatu watti'a su ola'u manga inolaan-Ne apan wahewalla.