IMAMATTA 6:12 - WUKE SUSI WATTI'U AL᷊AL᷊USASSA

^12-13 Suapan marua'allo imam ṛinone makkunuttu alu papputunganna su wowon mezbah, mangatokku sasamban itattambunna su wowone, wuṛṛu manambunnu tawa sasamban paddarame. Putungnga su wowon mezbah ṛinone sidutu luṛṛenggamma tawe wotongnge iwala mappaddumma.

IMAMATTA 6:12 ပူးပေါင်းရင်းမြစ်များ

NEHEMIA 13:31

Ta'u niatokka lai tadea'u su manga tempo buatte nitantunna, alu anutungnga hunan sasamba itattambunna wotongnge saddianna wuṛṛu tumana'a wotongnge mangapiddu sasamba hessin pangitinganna apan paarorone. Panginsueanne i ya'u niumal᷊iomanna, “Ruata'u, naungetewe sarangkanambone indi wuṛṛu al᷊amatewe i ya'u.”

YEHEZKIEL 40:46

wuṛṛu lai sabbua apan uasaruanna watukku sawannakka nisaddia su manga imam apan mammanara su mezbah. Anambon imam udde ṛinone wuassu papapulunni Zadok. Ana waugu wuassu ṛuanganni Lewi tumba'u papapulunni Zadok apan botongne sumaruanna Mawu wuṛṛu mangimbe si Tou sulal᷊ummu patataṛṛamawu.

IMAMATTA 6:11

Wua'udde i tou ṛinone mangal᷊innu laubba wuṛṛu mangapiddu awu udde su liuddu paddasananna, su tampa apan buatte niṛṛae pangadoannu awu udde.

IMAMATTA 6:9

niapaonggola si Harun wuṛṛu manga anangnge manga atoranna indi su ola'u sasamba apan sarangkanambone itattambunna. Imam ṛinone mangandangngu sasamba itattambunna su wowon mezbah wuṛṛu niwala isudde su al᷊o'engngu ṛabbi, wuṛṛu putungnge sidutu luṛṛenggamma.

IMAMATTA 9:24

Inaṛṛombanganne Mawu nanossokku putungnga apan nanutungnga na'oman sara nasue sasamba itattambunna wuṛṛu manga wageangnge apan pia tawane su wowon mezbah. Su tempo ṛuangannu Israel naasilo i mangitou mangngintul᷊i wuṛṛu apiddu nassubba.

IBRANI 10:27

Tumba'u sambau apan piate si ite eteudde sumaruanna pamamarikisannu Ruata ringannu putungngu asasa'une apan sarun manutungnga ma'oman sara masue manga taumata apan lullawangnga si Tou!