IMAMATTA 5:16 - WUKE SUSI WATTI'U AL᷊AL᷊USASSA

¹⁶ Taumata udde ṛinone mamaekka apa apan dorone tawe nimanarane, tambannu lai ruan pul᷊o persenna. Wua'udde i tou ṛinone manantillu winatangnga udde su imam, wuṛṛu imam ma'ola'a sasamba ipangampunga rosan taumata udde, ne i tou sarun ampungannu Mawu.

IMAMATTA 5:16 ပူးပေါင်းရင်းမြစ်များ

DARALO 69:4

I ya'u mangngintul᷊i na'oman sara nallome wuṛṛu tonggol᷊angku namara. Mata'u maṛṛagete uaṛṛaddo sasumbalan Ruata'u.

SASABANGNGA 22:1

“Isai apan nanna'o sambau sapi ara'e domba ana see niṛṛata ara'e niwal᷊u'i tou, ṛinone sapi sambau lannaannu sapi lima wuṛṛu suapan sambau domba lannaannu appatta domba.

IMAMATTA 22:14

Amungkangngu sangkatou apan bal᷊ine reengannu amonannu imam apan ringannu tawe nipattatudda niumanna anna apan nionggola su Mawu, i tou ṛinone mangonggolu lal᷊annangnge su imam wuṛṛu tambannu lai ruan pul᷊o wuassu anna nianni tou.

IMAMATTA 27:13

Amungkangngu taumata udde mappulu manubbussa winatangnge, i tou ṛinone mamaekka aregane wuṛṛu tambannu ruan pul᷊o persenna.

IMAMATTA 27:15

Amungkangngu taumata udde mappulu manubbussa wal᷊ene, i tou ṛinone mamaekka aregane tambannu lai ruan pul᷊o persenna.

IMAMATTA 27:27

Arawe winatanga ipappalli apan paarorone niasungkanga wotongnge tubbusanna tumuṛuttu arega apan ipappaatta su Rasannu Mawu tambannu lai ruan pul᷊o persenna. Amungkangu tawe tubbusanna, winatanga udde wotongnge iwal᷊u'a su taumata waine tumuṛuttu arega apan ipappaatta su Rasannu Mawu.

IMAMATTA 27:31

Amungkangu sangkatou mappulu manubbussa sambageanganna wuassu hessine udde, i tou ṛinone mamaekka aregane apan buatte nitantunna tambannu ruan pul᷊o persenna.

IMAMATTA 4:20

Olangnge naal᷊ihidda ere nangonggolu sapi esakka maola'a sasamba ipangampungnga rosa. Etearoddi ola'u Imam Bahewalla mangngonggolu sasamba ipangampunga manga rosan taumata, ne manga rosa udde sarun ampungannu Mawu.

IMAMATTA 4:26

Wua'udde anambon tawan binatangnga udde ṛinone itambunna su wowon mezbah, ere lai su sasamban paddarame. Etearoddi olangnge imam mangngonggolu sasamba ipangampunga rosan taumata tembonanne, ne taumata udde sarun ampungannu Mawu.

IMAMATTA 5:10

Wua'udde imam mangonggolu manu'a aruane maola'a sasamba itattambunna, uasul᷊ungngu atoranna. Etearoddi ola'u imam mangngonggolu sasamba ipangampunga rosan taumata udde, ne i tou sarun ampungannu Mawu.

IMAMATTA 5:13

Etearoddi olangnge imam mangngonggolu sasamba ipangampunga rosan taumata udde, ne i tou sarun ampungannu Mawu. Taponna lambene udde maola'e wageangngu imam, ere lai su aonggola gandumma.

IMAMATTA 5:6

Wuṛṛu su ipanubbussa rosane, i tou ṛinone mangapiddu sambau domba ara'e ambinga wawine su Mawu. Imam ṛinone mangonggolu sasamba udde tadea'u rosan taumata udde ampunganna.

IMAMATTA 7:2

Winatangnga maola'a sasamba ṛinone ṛatanna su pamamototanna winatangnga olaanna sasamba itattambunna, ana see daṛṛane iwokka su mezbah sandiṛṛanne appata.

REENGANNA 5:7

taumata udde ṛinone manga'u rosane wuṛṛu mamaekka ringannu sara mallunassa, tambannu daruan pul᷊o porsenna lai wuassu aregane, su taumata apan nirugianne.

REENGANNA 5:8

Arawe amungkangngu taumata apan niarugianne udde natete ara'e tawe tuṛṛangnge marani, ne tatubbussa udde ṛinone ionggola su Mawu, wuṛṛu maola'a wageangngu imam. Tatubbussa udde tawe nasutta domba esakka su ipallaghu pamamappassa rosan taumata apan nassal᷊a udde.

LUKAS 19:8

Wua'udde su wal᷊ene i Zakheus nirumarisikka wuṛṛu nabbisara Mawu Yesus, “Mawu, sangkawageanganna wuassu rarotongku sarun ionggolla su taumata asiangnga; wuṛṛu su alawo'u taumata apan suete niawusuangku, sarun waeṛṛanna apia si tou paappatta wuassu paarorone!”

WATTI'U MANGA RASUL 26:20

Ringannu uahahatti ya'u namasingkatta su manga taumata manungku i mangitou ṛinone mawal᷊u wuassu manga rosa mangitou, wuṛṛu manantillu wadangngi mangitou su Ruata see lumiatta'a sulal᷊ummu wiakki mangitou manungku i mangitou nawal᷊ute wuassu manga rosa mangitou. I ya'u namasingkattu watti'a udde paarorone su Damsyik, wua'udde su Yerusalem wuṛṛu su ahewallu Yudea wuṛṛu su wallattu manga taumata apan wal᷊ine Yahudi.

1 SAMUEL 6:3

Ana see i mangitou sinumimbakka, “Wantallu Paairen Mawu Ruatan Israel udde arie pabbelenga'i yamiu aroddi, arawe ṛinone i yamiu lai mangapiddu aonggolla ipanubbussa rosanu. Ringannu aroddi yamiu sarun iapaapia wuassu radda'a, wuṛṛu i yamiu sarun maasingkatta anio Mawu Ruatan Israel udde sidutu makkuumanni yamiu.”