IMAMATTA 5:11 - WUKE SUSI WATTI'U AL᷊AL᷊USASSA

¹¹ Amungkangngu taumata nassal᷊a tawe maasaddia sampare manu'a bakiangnga ara'e manu'a merpati olaanna sasamba ipangampunga rosa, i tou ṛinone mangapiddu taponna sangkilo. Taponna udde tawe wotongnge lo'annu lanan zaitun ara'e lal᷊o'annu amania, ana sasamba uddewe sasamba aampungnga rosa wuṛṛu wal᷊ine sasamba ia'imbe.

IMAMATTA 5:11 ပူးပေါင်းရင်းမြစ်များ

SASABANGNGA 16:18

Su tempo i mangitou manu'atta, inauranna manungku taumata apan nangammulu manambo, tawe nilumebbe, wuṛṛu apan nangammulu matul᷊ungnga, tawe niasueanne. Sangkatou-sangkatou mangngammulla tumuṛṛuttu haggausanne.

SASABANGNGA 16:36

Aul᷊aannu saranapa apan inanaramanna ipappaattu taumata sutempo udde, lal᷊oṛṛone ruan pul᷊o su lieterene.)

IMAMATTA 1:14

Amungkangngu niola'a sasamba udde sambau manu'u winalanganna, ṛinone manu'a bakiangnga ara'e merpati wakku.

IMAMATTA 12:8

Amungkangngu wawine udde tawe maasaddia sambau ana'u domba, i tou ṛinone mangapiddu ruan bau manu'a merpati saṛṛen tumuwo ara'e bakiangnga saṛṛen tumuwo; sambau maola'a sasamba itattambunna wuṛṛu sambau lai maola'a sasamba ipangampungnga rosa. Imam ṛinone ma'ola'a lal᷊aghun ipamappassa rosan bawine udde, ne i tou nabbal᷊ite waresi.

IMAMATTA 14:21

Amungkangngu taumata udde asiangnga wuṛṛu tawe addapanne, ne su sasamba lal᷊anna'a arugianna i tou wotongnge mangapiddu sambau ana'u domba esakka maola'a sasamba itoggokka su Mawu. Wal᷊ine wua'udde lai sangkilo taponna lo'annu lanan zaitun maola'a sasamba ia'imbe, wuṛṛu mal᷊oara ahewabbal᷊anne lanan zaitun.

IMAMATTA 27:8

Amungkangngu taumata apan naddiandi tumaniten asiangnga maddea'a mamaekka arega apan buatte nitantunna, i tou ṛinone mangapidu taumata apan buatte niola'a sasamba su Mawu udde ringannu Imam. Imam ṛinone manantunnu arega apan mabbawoanna tadea'u taumata udde maawaekka.

IMAMATTA 5:12

Taponna ṛinone iapidda ringannu imam. Imam ṛinone manganu sangkangkumma wuassu taponna udde maola'a tatiala manungku sarangkanambone buatte nionggola su Mawu. Taponna sangkangkumma udde ṛinone itambunna su wowon mezbah maola'a anna. Eteudde sasambane ipangampungnga rosa.

IMAMATTA 5:6

Wuṛṛu su ipanubbussa rosane, i tou ṛinone mangapiddu sambau domba ara'e ambinga wawine su Mawu. Imam ṛinone mangonggolu sasamba udde tadea'u rosan taumata udde ampunganna.

IMAMATTA 5:9

Daṛṛan manu'a udde ṛinone ialassa su sandiṛṛannu mezbah, wuṛṛu lambene iramme su liuddu apampakku mezbah hunan sasamba aampungnga rosa.

IMAMATTA 6:20

su ola'u sasamba wuṛṛu mapatenegu sangkatou imam papapulunni Harun. Su allo i tou itenega, i tou ṛinone mangonggolu sangkilo taponna wuassu gandumma su Mawu. Sambageanganna ionggola su marua'allo wuṛṛu lambene su tempo wawallo.

REENGANNA 5:15

Sulal᷊ummu darua inolaana udde, esakka udde ṛinone mangapiddu awingnge ringannu imam. I tou lai ṛinone mangapiddu sasamba hunan pandumma udde, eteudde sangkilo taponnu gandumma. Taponna udde tawe wotongnge lal᷊inannu lanan zaitun ara'e sal᷊iawuṛṛannu amania, ana waugu maola'a sasamban pallal᷊u'adda wuṛṛu pandumanne ipattiala manungku esakka pia naungnga mallu'adda awingnge.

LUKAS 2:24

I mangitou lai pia pandumma manantillu sasamba, eteudde sampare manu'a bakiangnga ara'e darua ana'u merpati ta'e maradio'a, ere suete tinantunna sulal᷊ummu tita Mawu.

2 KORINTUS 5:21

Kristus tawe pasasal᷊ane, arawe Ruata na'ola'a si Tou uapasanna rosan kite, tadea'u i ite maaukka apia ringannu Ruata ana waugu susambau ringanni Kristus.

IBRANI 9:22

Atonna tumuṛṛuttu titan agama Yahudi, al᷊awo'u sarannapa a'ukkasannu ṛaṛṛa; wuṛṛu rosa tumba'u wotongnge aampunganna ringannu mapaaturon ṛaṛṛa.