IMAMATTA 26:30 - WUKE SUSI WATTI'U AL᷊AL᷊USASSA

³⁰ I Ya'u sarun makkimunsa'a manga tampa patataṛamawuanu su wowon manga wuidda, manggohakku manga mezbahnu tampa panutunganna amania, wuṛṛu mallombo manga winal᷊unannu su manga mongannu apan naṛaate udde. Ringannu maddantinna

IMAMATTA 26:30 ပူးပေါင်းရင်းမြစ်များ

PANDARIADDI 19:13

ana waugu soa indi sarun soṛṛowanni yami. Mawu naaringikke manga aalae apan mawakkata su tumana'u soa indi, wuṛṛu i yami buatte nirolokki Tou iapaasoṛṛobba soan Sodom.”

1 MARARATU 13:2

Wuassu parentan Mawu nabi nabbisarate su mezbah udde, “Ei mezbah, ei mezbah! Arendi wisaran Mawu, ‘Sangkatou ana'a apan isassaggo Yosia sarun iasungkangnga sulal᷊ummu amonanni Daud. Uarandangnga si'o, ei mezbah, i tou sarun mamate manga imam apan mammanara su manga tampan patataṛṛamawuanna monganna, wuṛṛu apan lai buatte nangonggollu sasamba uarandangnga si'o. Wuṛṛu su wowonu lai i tou sarun manambunu manga duṛṛin taumata.’ ”

1 MARARATU 13:32

Apa apan buatte niwisarane wuassu parentan Mawu su saruannu mezbah su Betel udde wuṛṛu su saruannu anambon tampa patataṛṛamawuanna su manga soan Samaria atonna sarun matipussa.”

2 MARARATU 23:16

Wua'udde i Yosia nanaile, wuṛṛu naasilo manga pira labbinga su puiddu wowone. Ne i tou nandolokku taumata niapahohakku labbinga udde, wuṛṛu niapasabbanga manga duṛṛine ana see nitambunna su mezbah apan tantal᷊anna lukkenggama. Etearoddi olange i tou nanapadda mezbah udde. Ne natipusse sarangkanambone apan buatte niwal᷊on nabi Mawu sutempo i Ratu Yerobeam tantal᷊anna uarisikka maranin mezbah udde su sambau allon damea. Wua'udde i Yosia naasilo lai sambau labbinga waine.

2 MARARATU 23:20

Anambon imam apan mammanara su manga tampa pasasubbanna monganna nipaten tou su wowon manga mezbah udde. Wuṛṛu suapan mezbah, i Yosia nanambunnu manga duṛṛin taumata. Wua'udde i tou napul᷊ete watukku Yerusalem.

2 MARARATU 23:8

Anambon imam apan uatana'a su manga soan Yehuda nirolokki Yosia niaparanta su Yerusalem, ana se'e su al᷊awo'u tampa su ahewallu wanuan Yehuda i tou nanggal᷊usa'a manga mezbah monganna eteudde tampa manga imam pangngonggol᷊anin sasamba. Manga imam udde tawe niwala mattaṛamawu su Wal᷊en Mawu. Arawe, i mangitou wotonge umanna roti tawe ragine apan buatte nissadia manga hawene. Manga mezbah apan niṛṛae passubbanna monganna maranin Ngara Passalanganni Yosua, tembonannu wanua udde, niṛṛa'a. Pasallanganne udde tampane su samba'an aiṛṛin Pasallanganna Paarorone su lal᷊anna suttanna watukku soa.

2 TAWARIKH 23:17

Wua'udde i mangitou sarangkanambone namangalo wuṛṛu nanggohakku passubanna si Baal. Mezbah see lai manga paal᷊uanna niṛṛimunsa'a, wuṛṛu i Matan imammi Balla nipate su saruannu manga mezbah udde.

2 TAWARIKH 31:1

Napawe ramea nuddusse, tumanangnge sarangkanambone inaite su al᷊awo'u soa su Yehuda, ana see nanggohakku manga pale pasasubbanna, naṛṛa'an manga paal᷊uanna apan niaparisikka hunan Mongannu Asyera, wuṛṛu nanggohakku manga mezbah see lai manga tampa passubbanna paal᷊uanna. I mangitou na'ola'a aroddi lai su manga tampa waine su Yehuda, see su wageangngu leta'i Benyamin, Efraim, wuṛṛu Manasye. Wua'udde i mangitou sarangkanambone napul᷊ete su wanuane sambau-sambau.

DARALO 106:40

Ana see asasa'un Mawu niṛṛumenggampe si mangitou, i Tou nuallu pussa'a-Ne sassane.

DARALO 89:38

Araratuanne sidutu tawe mawul᷊i ere wul᷊anna, tatiala mapia su winabbawa.”

YESAYA 27:9

Arawe manga rosan Israel tumba'u wotongnge ampunganna amungkangngu mezbah manga monganna ihilingnga al᷊ussa naal᷊ihidda apukka. Anambon tampan amania wuṛṛu hambarannu Monganna Asyera ṛinone ṛimunsaanna lai.

YEREMIA 14:19

Mawu, apa Yehuda buatte nito'e-Nu atonna-tonna wuṛṛu tumana'u Sion iaarantin-Nu? Anio aroddi aikkanne I'o namuulla si yami na'oman sara i yami tate lai mapia? Tate gunane i yami maddea'a paddarame, tate gunane i yami mangngantimma aaul᷊en baddangnga, ana waugu nallambe ete tumba'u araṛṛagissa.

YEREMIA 16:18

Rosa wuṛṛu al᷊al᷊eo mangitou sarun Ta'u iwal᷊issa ringannu ṛuumanna paarua anambone, ana waugu i mangitou buatte nandal᷊eo wanua-U ringannu manambo paal᷊uanna. Manga paal᷊uanna udde tawe niawane ere asuangnga.”

YEHEZKIEL 16:39

I'o sarun Ta'u itantilla su manga arangnguannu udde, wuṛṛu i mangitou sarun mapaṛṛa'a manga tampa i'o sussandaga wuṛṛu massubba paal᷊uanna. Al᷊awo'u laungngu wuṛṛu lal᷊ogakku sarun aṛṛoanni mangitou, ma'oman sara i'o matantol᷊e.

YEHEZKIEL 43:7

“Ei taumata apan mattate, eteindi adderan araratuang-Ku. Ete isindi i Ya'u sarun matana'a su pattangngu umattu Israel wuṛṛu mamarenta si mangitou saran mal᷊annu-l᷊annu. Mawae ete i mangitou aroddi lai manga ratu mangitou, tate lai mandal᷊eo arang-Ku apan na'ukkassa ringannu massubba paal᷊uanna ara'e ringannu mallabingu winal᷊unannu manga ratu mangitou su tampa indi.

YEHEZKIEL 6:13

Manga winal᷊unanna sarun uaseṛṛopa suwallatu manga paal᷊uanna wuṛṛu uapal᷊iwutta manga mezbah, uatal᷊eṛṛonga su manga wuidda apan matanggaka, wuṛṛu su pappusungannu manga wowone, su al᷊ungngu manga aaluanna apan masaṛṛihalo wuṛṛu su manga aaluanna apan masallakka; aunne, suapan tampa i mangitou mannambunnu sasamba su paal᷊uanni mangitou. Ne suapan taumata sarun maasingkatta manungku ete i Ya'u Mawu.

HOSEA 10:2

Manga taumata apan naungnge taṛṛa l᷊inga udde, orassa indi ṛinone mamasanna pangillul᷊eannu rosane. Ruata sarun makkimunsa'a mezbah i mangitou, wuṛṛu mapaṛṛa'a manga palen paal᷊uanni mangitou.

IMAMATTA 20:23

Imbaṛṛangnga mattanno inanaramannu walahanna apan uatana'a poiaroddi. I mangitou ma'arantinna si Ya'u ringannu al᷊awo'u inolaanna apan dal᷊eo. Ana waugu i mangitou Ta'u nilimbuaṛṛana, tadea'u i yamiu wotongnge maasutta su wanua udde.

IMAMATTA 26:11

I Ya'u sarun matana'a su wallati i yamiu sulal᷊ummu Rasang-Ku, wuṛṛu tawe manol᷊a'i yamiu.

IMAMATTA 26:15

amungkangngu i yamiu lumawangnga pa'aire apan Ta'u niola'a ringanni yamiu wuṛṛu maddiri tumuṛṛutta manga ṛarawessa wuṛṛu manga titale,

AMOS 6:8

Ringannu maṛṛagissa Mawu Apan Lembontaṛṛino wuṛṛu Atanggaṛṛanne buatte nangonggollu pananaungnga indi, “I Ya'u maddantinnu atatanggakku umattu Israel; i Ya'u tawe mal᷊uassa ringannu manga wal᷊en araratuanni mangitou apan mangkapia. Inangngu soan mangitou ringannu sarangkanambone apan sulal᷊umme sarun Ta'u itantilla su seetta.”

AMOS 7:9

Manga tampa apan nipaattu papapulunni Ishak pattaṛṛa mawuanna sarun hoaṛṛanna. Manga tampa susin taumatan Israel sarun iapaaṛṛa'a. I ya'u sarun makkimunsa'a papapulunni Ratu Yerobeam.”

TAHIUL᷊E 32:19

Naasilo olangnge udde, Mawu nabbal᷊i nasa'u, wuṛṛu nanol᷊a'u al᷊aṛṛanang-Nge.