IMAMATTA 24:9 - WUKE SUSI WATTI'U AL᷊AL᷊USASSA

⁹ Roti uddewe wageangngi Harun wuṛṛu papapulunne. I mangitou ṛinone umanna su tampa apan susi, ana waugu roti udde maola'a wageangnge apan lembon susi wuassu sasamba anna apan nionggola su Mawu wuattu manga imam.

IMAMATTA 24:9 ပူးပေါင်းရင်းမြစ်များ

SASABANGNGA 27:21

I Harun wuṛṛu manga anangnge ṛinone mallu'adda sol᷊o udde wuassu wawallo maddatingngu marua'allo su tampa i Ya'u rumanta, su liudde mal᷊aṛṛenessa apan ua'ele su saruannu Wantallu Pa'aire. Parenta udde ṛinone olaannu taumatan Israel wuṛṛu papapulunne saran mal᷊annu-l᷊annu.”

IMAMATTA 10:12

I Musa nabbisara si Harun wuṛṛu su anangnge darua, i Eleazar wuṛṛu i Itamar, “Panganute gandumma lambene wuassu anna apan nionggola su Mawu. Wuassu taponna udde ola'e roti apan tawe ragine, ana see ante su sandiṛṛannu mezbah, ana waugu sasamba udde lembon susi.

IMAMATTA 10:17

“Anio sasamba ipangampunga rosa udde nianni yamiu su tampa apan susi? Sasamba udde lembon susi; Mawu nangonggolla si'o, tadea'u rosan taumatan Israel ampunganna.

IMAMATTA 21:22

Arawe i tou wotongnge umanna anna apan nionggola, mawae ete sasamba anna apan susi aroddi lai sasamba anna apan lembon susi.

IMAMATTA 24:10

Su paddasanannu taumatan Israel pia sangkatou esakka. Iamangnge taumatan Mesir wuṛṛu inangngene taumatan Israel aranne Selomit, ana'i Dibri wuassu walagi Dan. Su sambau allo taumata udde natatiakku sangkatou taumatan Israel su paddasananna. Su tempo natatiakka, i tou namontoga Ruata. Ana waugu udde manga taumatan Israel nangapidi tou sinumaruanna si Musa,

IMAMATTA 3:17

Taumatan Israel imbaṛṛangnga umanna tawa ara'e daṛṛa. Atoranna udde iapaamatta saran mal᷊annu-l᷊annu wuṛṛu tattuṛṛutannu suapan taumatan Israel apan uatana'a su al᷊awo'u tampa.

IMAMATTA 6:11

Wua'udde i tou ṛinone mangal᷊innu laubba wuṛṛu mangapiddu awu udde su liuddu paddasananna, su tampa apan buatte niṛṛae pangadoannu awu udde.

IMAMATTA 6:16

Taponna lambene ṛinone olaanna roti tawe ragine wuṛṛu annanannu manga imam su tampa apan buatte niṛṛae, eteudde su rallaku Rasannu Mawu. Eteudde wageangngu manga imam apan nionggolu Mawu si mangitou wuassu sasamba anna. Anna udde lembon susi, ere sasamba ipangampunga rosa wuṛṛu sasamba ipallanna'a arugianna.

IMAMATTA 6:9

niapaonggola si Harun wuṛṛu manga anangnge manga atoranna indi su ola'u sasamba apan sarangkanambone itattambunna. Imam ṛinone mangandangngu sasamba itattambunna su wowon mezbah wuṛṛu niwala isudde su al᷊o'engngu ṛabbi, wuṛṛu putungnge sidutu luṛṛenggamma.

IMAMATTA 8:3

Ana see doloṛṛa'e anambon walahannu Israel ma'ammulla su saruannu ngaran Rasang-Ku.”

IMAMATTA 8:31

Wua'udde i Musa nabbisara si Harun wuṛṛu manga anangnge, “Lahate ṛemessu sasamba udde su saruannu ngaran Dasannu Mawu. Tumuṛṛuttu parentan Mawu, ṛinone inasanni yamiu isudde ringannu roti sasamban patatenega apan uaraddo su ul᷊a'a.

MALEAKHI 1:12

Arawe i yamiu mallobbossa si Ya'u ana waugu massunna mezbah-U tawe ereggane, wuṛṛu mangngongngollu sasamba isudde anna apan nitol᷊a'i yamiu!

MATIUS 12:4

I tou sinumutta sulal᷊ummu Wal᷊en Duata; see inumanna roti apan suete niola'a sasamba su Ruata. Sumbal᷊i tumuṛṛuttu titan agamang kite, i tou wuṛṛu manga taumatane tawe wotongnge umanna roti udde – tumba'u manga imam udde wotongnge.

LUKAS 6:4

I tou sinumutta sulal᷊ummu Wal᷊e Mawu wuṛṛu nanganu roti apan suete tinantilla su Ruata, see nianna. Wua'udde roti nianggilla lai su manga taumatane. Sumbal᷊i tumuṛṛuttu Titan agaman kite, tumba'u manga imam sassane wotongnge umanna roti udde.”

1 SAMUEL 21:6

Ana see imam udde nangonggollu roti sasamba udde si Daud, ana waugu si tou tumba'u roti apan ionggolla su Ruata, wuṛṛu buatte nianu wuassu mezbah tadea'u hantiannu roti wakku. (