IMAMATTA 20:7 - WUKE SUSI WATTI'U AL᷊AL᷊USASSA

⁷ Paatehamma tadea'u i yamiu sidutu susi, ana waugu i Ya'u Ruatanu.

IMAMATTA 20:7 ပူးပေါင်းရင်းမြစ်များ

IMAMATTA 11:44

Ete i Ya'u Mawu Ruatanu, ana waugu udde paariagaite tadea'u i yamiu sidutu susi, ana waugu i Ya'u susi.

IMAMATTA 11:45

Ete i Ya'u Ruatanu apan nangapiddi yamiu sinumabbangnga wuassu Mesir, tadea'u i Ya'u wotongnge maola'a Ruatanu. Ṛinone i yamiu susi, ana waugu i Ya'u susi.

IMAMATTA 19:2

mamasingkatta su walahannu Israel parenta indi, “Ṛinone i yamiu susi, ana waugu i Ya'u Ruatanu uddewe susi.

IMAMATTA 21:15

Amungkangngu i tou nilumawangnga atoranna udde, ne manga anangnge apan ṛinone susi, sarun maola'a lal᷊eo. Ete i Ya'u Mawu wuṛṛu i Ya'u buatte naṛṛaen tou maola'a Imam Bahewalla.”

IMAMATTA 21:23

Ana waugu taumata udde wadangnge pia sangkule, i tou tawe wotongnge mangundani pampele apan uawallatta Wabbo'a Susi ara'e mezbah. I tou tawe wotongnge mandal᷊eo manga saranapa apan buatte niṛṛae si Ya'u, ana waugu ete i Ya'u Mawu, wuṛṛu ete i Ya'u naṛṛae manga saranapa udde.”

IMAMATTA 21:8

Walahannu Israel ṛinone manga'u imam naola'a sangkatou taumata apan niṛṛae si Ya'u ana waugu i tou mangngonggolu sasamba anna si Ya'u. Ete i Ya'u Mawu; i Ya'u indi susi wuṛṛu i Ya'u napaasusi al᷊aṛṛana-U.

EFESUS 1:4

Tantal᷊anna runia indi taambe nariaddi, Ruata buatte namile si ite sulal᷊ummi Yesus Kristus ringannu pandumanna tadea'u i ite maola'a pussa'a-Ne sassane wuṛṛu tawe sal᷊ane su saruan-Ne. Ana waugu darangngun Duata,

KOLOSE 3:12

Eteudde tuṛṛanga sarangkanambone al᷊aṛṛana'u Ruata. Ruata marangngu si yamiu wuṛṛu namile si yamiu maola'a pussa'a-Ne sassane. Ana waugu udde i yamiu ṛinone mapaal᷊iatta'u apapia, i yamiu ṛinone uasasangkapia, masaṛṛionto'a, masaṛṛiologa wuṛṛu mataṛṛanga su asasusa.

1 TESALONIKA 4:3

Ete indi ipaapulun Duata tadea'u i yamiu tumba'u mabbiakka ringanni Tou, susi, mangngindaun al᷊awo'u pallal᷊agu apan lal᷊eo.

1 TESALONIKA 4:7

Ruata mammaggo si ite, wal᷊ine tadea'u see i ite mabbiakka sussandaga, ewe'e tadea'u i ite mabbiakka maal᷊uassa naungngu Ruata.

IBRANI 12:14

Paddea'e ringannu wotongnge mabbiakka su paddarame ringannu anambon taumata. Paddea'e lai see mabbiakka susi, tumba'u ringannu Mawu. Ana waugu tawe saran sangkatou wotongnge maasilo Mawu amungkangu i tou tawe mabbiakka ereudde.

YOSUA 24:19

Ana see i Yosua nabbisara, “Arawe i yamiu asinungka tawe maataṛangnga massubba Mawu, ana waugu ete i Tou Mawu Ruata apan na'ukkassa, Apan Tinggassa. I Tou madiri pia do'appa. Amungkangngu i yamiu manantangngi Tou wuṛṛu mattaṛṛamawu manga Mawu waine, i Tou tawe mangampungnga rosanu. Arawe mawal᷊elongnga i Tou sarun lumawanna wuṛṛu maṛṛuumanni yamiu, salaiwe paarorone i Tou marangngu si yamiu.”

YOSUA 3:5

I Yosua nabbisara su ṛuangannu Israel, “Ṛinone i yamiu mapaaukkasu watangannu ana waugu tiṛṛabbi Mawu sarun ma'ola'a al᷊aṛṛindu'a su pattanganni yamiu.”