IMAMATTA 18:2 - WUKE SUSI WATTI'U AL᷊AL᷊USASSA

² niapapasingkatta su walahannu Israel parenta indi, “Ete i Ya'u Ruatanu.

IMAMATTA 18:2 ပူးပေါင်းရင်းမြစ်များ

PANDARIADDI 17:7

I Ya'u sarun manipussa paaire-U si'o wuṛṛu su papapulunnu, uasasansunna, wuṛṛu paaire udde tawe panguddusanne. I Ya'u sarun maola'a Ruatanu wuṛṛu Ruatan papapulunnu.

DARALO 33:12

Lal᷊umanna'a walahanna apan mangnga'u Mawu udde Ruatane, lal᷊umanna'a su taumata apan nipile-Ne maola'a pussaa-Ne!

SASABANGNGA 20:2

“Ete i Ya'u Ruatanu apan nangapiddi yamiu sinumabbangnga wuassu Mesir su tampa i yamiu niallangnga.

SASABANGNGA 6:7

I yamiu sarun Ta'u iapidda watukku wanua apan buatte nipa'ire-U ringannu sasalu si Abraham, i Ishak wuṛṛu i Yakub; leta'a udde Ta'u ionggola si yamiu maola'a pussaanu sassane. Ete i Ya'u Mawu.”

YEHEZKIEL 20:5

Pasingkata'e wisara-U indi. I Ya'u buatte namile Israel wuṛṛu nassalu si mangitou. Su Mesir i Ya'u napal᷊iatta'u watangang-Ku si mangitou lapiddu nabbisara, ‘Ete i Ya'u Mawu Ruatanu.’

YEHEZKIEL 20:7

Ta'u nirolokka i mangitou nandamme manga paal᷊uanna apan ma'arantinna apan ipaapulu mangitou udde, wuṛṛu Ta'u nisingadda i mangitou malluhuda watanganne ringannu massubba manga paal᷊uanna wuassu Mesir, ana waugu ete i Ya'u Mawu Ruata mangitou.

IMAMATTA 11:44

Ete i Ya'u Mawu Ruatanu, ana waugu udde paariagaite tadea'u i yamiu sidutu susi, ana waugu i Ya'u susi.

IMAMATTA 18:1

Mawu nandolokki Musa

IMAMATTA 18:30

Ne Mawu nabbisara, “Paatuṛṛutte su manga atoranna apan Ta'u nionggola wuṛṛu imbaṛṛangnga mattanno inolaannu manga taumata uatana'a su leta'u Kanaan tantal᷊anna i yamiu taambe nirumanta. Imbaṛṛangnga i yamiu mandal᷊eo watanganni yamiu sassane ringannu ma'ola'a manga pallal᷊aghu udde. I Ya'u Ruatanu.”

IMAMATTA 18:4

Paatuṛṛutte su manga tita-U wuṛṛu daringiṛṛete sarangkanambone apan Ta'u iparenta. Ete i Ya'u Ruatanu.

IMAMATTA 19:10

Imbaṛṛangnga mabelengnga su waillu anggore ana inai mangammulu manga wuan anggore apan natantangnga napawe i yamiu wua nani'o wuane pa'arorone. Wuṛṛu lai manga wuane apan nanawote arie pappurutta. Wala'e udde wuattu taumata asiangnga wuṛṛu taumata raho. Ete i Ya'u Ruatanu.

IMAMATTA 19:34

Ola'ewe i mangitou ere lai yamiu ma'ola'a manga taumata sambalahannu wuṛṛu pandangngute si mangitou ere lai yamiu mandangngu watangannu sassane. Paanaunge manungku i yamiu lai buatte nabbiakka ere taumata raho su Mesir. Ete i Ya'u Ruatanu.

IMAMATTA 20:23

Imbaṛṛangnga mattanno inanaramannu walahanna apan uatana'a poiaroddi. I mangitou ma'arantinna si Ya'u ringannu al᷊awo'u inolaanna apan dal᷊eo. Ana waugu i mangitou Ta'u nilimbuaṛṛana, tadea'u i yamiu wotongnge maasutta su wanua udde.

IMAMATTA 20:7

Paatehamma tadea'u i yamiu sidutu susi, ana waugu i Ya'u Ruatanu.