IMAMATTA 17:8 - WUKE SUSI WATTI'U AL᷊AL᷊USASSA

⁸ Amungkangngu sangkatou Israel ara'e sangkatou taumata raho apan uatana'a namanua su wallatu taumatan Israel mangonggolu sasamba itattambunna ara'e sasamba waine

IMAMATTA 17:8 ပူးပေါင်းရင်းမြစ်များ

2 SAMUEL 24:25

Ana see i Daud napararisikku mezbah Mawu isudde wuṛṛu nangonggollu sasamba itattambunna see lai sasamba paddarame. Mawu naddaringikka aal᷊iomanni Daud, ana see nasuete radda'a udde su Israel.

IMAMATTA 17:10

Amungkangngu sangkatou taumatan Israel ara'e sangkatou taumata raho apan uatana'a namanua su wallatu taumatan Israel na'inumma daṛṛa, i tou sarun iṛṛuumannu Mawu wuṛṛu tate lai mareengnga ere al᷊aṛṛanang-Nge.

IMAMATTA 17:7

Walahannu Israel ṛinone sidutu matuṛṛutta su Mawu wuṛṛu mangke imbaṛṛangnga mamototta winatangnga su manga wailla olaanna sasamba su manga ringnga lal᷊eo. Atoranna udde sidutu tattuṛṛutanna saran mal᷊annu-l᷊annu.

IMAMATTA 17:9

su Mawu, i tou ṛinone mangonggola su saruannu ngaran Dasanna Mawu. Amungkangngu i tou mangonggolu udde su tampa waine, i tou tate lai mareengnga su al᷊aṛṛana'u Ruata.

IMAMATTA 3:7

Amungkangngu pia sangkatou mangonggolu domba, i tou ṛinone mangapidda watukku Rasannu Mawu.

MALEAKHI 1:11

I Ya'u aaddatannu manga walahanna su ahewallu runia. Suapan tampa itattambunna amania iapangaddatta arang-Ku wuṛṛu nionggolla manga sasamba apan suṛṛinone, ana waugu anambon balahanna mangngaddatta si Ya'u!

YOSUA 22:11

Manga taumatan Israel waine naaringikka walahanna sandingananni mangitou nabbisara, “Manga taumata ṛuanganni Ruben, i Gad wuṛṛu ṛuanganni Manasye su samba'an ra'in Yordan suete napararisikku sambau mezbah su Gelilot maranin Sal᷊ukku Yordan su wageangngu leta'i ite!” Ne i mangitou sarangkanambone naammulla su Silo inai mamangalo manga ṛuangannu Israel su wageangngu ra'in Sal᷊ukku Yordan udde.

YOSUA 22:15

Ne i mangitou na'omate su tampan ṛuanganni Ruben, i Gad wuṛṛu ṛuanganni Manasye su wageangngu Gilead.

YOSUA 22:16

Ana see ringannu arannu anambon al᷊aṛṛana'u Mawu, i mangitou nabbisara su manga taumata wuassu ṛuanganni Ruben, i Gad wuṛṛu ṛuanganni Manasye udde, “Anio i yamiu na'ola'a inolaanna apan lal᷊eo indi su saruannu Mawu Ruatan Israel? Ringannu napararisikku mezbanu sassane, i yamiu nilumawangnga Mawu! I yamiu tate tumuṛṛutta manga parenta-Ne!

MAL᷊AṚṚUUNGNGA 6:26

Pararisiṛa'e su ombone udde sambau mezbah apan buatte niṛiinna ringannu mapia. Wua'udde sapi esakka udde sarangkahewalle, ṛinone itambunna tal᷊impu'u maola'a sambau sasamba su Mawu. Paata'e diṛṛin hambarannu Asyera apan buatte niṛaanu udde maola'a alu tatutungnge.”

1 SAMUEL 10:8

Wua'udde i'o ṛinone inai watukku Gilgal wuṛṛu maṛṛaddo poiaroddi al᷊annune pitu allo. I ya'u sarun dumanta mangonggollu sasamba itattambunna wuṛṛu sasamban paddarame, see lai mamasingkatta si'o sarangkanambone apan ṛinone manarannu.”

1 SAMUEL 16:2

Arawe i Samuel naiwal᷊o, “Ereapa ṛinone ta'u olaanna? Amungkangu hatto indi aringiṛṛanni Saul, ya'u sarun pateanni tou!” Mawu sinumimbakka, “Apira'e sapi anangnge sambau, wuṛṛu wal᷊oa'a su tumana'u soa manungku i'o inai poiaroddi mangonggollu sasamba su Mawu.

1 SAMUEL 7:9

Ana waugu udde i Samuel naṛṛata sambau domba anangnge, ana see nionggola maola'a sambau sasamba itattambunna su Mawu. Wua'udde i tou niumal᷊iomanna tadea'u Mawu mantul᷊ungngu taumatan Israel, ne aal᷊iomanne udde niraringiṛṛanna.