IMAMATTA 17:10 - WUKE SUSI WATTI'U AL᷊AL᷊USASSA

¹⁰ Amungkangngu sangkatou taumatan Israel ara'e sangkatou taumata raho apan uatana'a namanua su wallatu taumatan Israel na'inumma daṛṛa, i tou sarun iṛṛuumannu Mawu wuṛṛu tate lai mareengnga ere al᷊aṛṛanang-Nge.

IMAMATTA 17:10 ပူးပေါင်းရင်းမြစ်များ

PANDARIADDI 9:4

Tumba'u sambau apan tawe wotongnge annananni yamiu eteudde ṛemessa apan ta'e pia daṛṛane, ana waugu niawane udde ta'e sulal᷊ummu daṛṛa.

2 SAMUEL 23:17

I tou nabbisara, “Oh Mawu, i ya'u tawe mappa'inumma ua'e indi! Amungkangu i ya'u ma'inumma, ere lai ya'u na'inumma daṛṛan manga taumata apan buatte nanantillu niawan mangitou!” Nariaddi i Daud mangke maddiri ma'inumma ua'e udde. Eteudde inasaharannu siri tallu taumata waṛṛani apan matohassa udde.

DARALO 34:16

Mawu ma'ellega taumata apan ma'imanna, i Tou maddaringikka napawe i mangitou mangintul᷊i maiontolla.

SASABANGNGA 30:33

Taumata apan na'ola'a lana ereudde, ara'e mappaatta su taumata apan bal᷊ine imam, tate lai mareengnga al᷊aṛṛana-U.”

YEREMIA 21:10

I Ya'u buatte nakkawessa makkimunsa'a soa indi, wuṛṛu tawe umakkanne. Soa indi sarun itantilla su ratun Babel; i tou sarun manoṛṛobba ma'oman sara mepodda. I Ya'u, Mawu, buatte nabbisara.”

YEREMIA 44:11

Ana waugu udde, i Ya'u, Mawu Apan Lembontaṛṛino, Ruatan Israel, sarun mando'appa si yamiu wuṛṛu makkimunsa'a ahewallu Yehuda.

YEHEZKIEL 14:8

I Ya'u sarun mando'appa si tou wuṛṛu ma'ola'a si tou tul᷊adda su taumata waine. I Ya'u sarun mallimbuakka si tou wuassu ammul᷊annu uma-U, ne uma-U masingkatte manungku ete i Ya'u Mawu.

YEHEZKIEL 15:7

I Ya'u sarun makkuumanni mangitou. Salaiwe i mangitou buatte naal᷊assanga wuassu putungnga, arawe putungnga lai apan mamate si mangitou. Ne i yamiu masingkatte manungku ete i Ya'u Mawu.

YEHEZKIEL 33:25

Ana waugu Mawu Apan Atanggaṛṛanne nandolo'u napapasingkattu tanata-Ne indi si mangitou, “I yamiu u'inassa ṛemessa apan ta'e pia daṛṛane; i yamiu massubba paal᷊uanna wuṛṛu ma'ola'a pamamate. Waṛṛani atonna i yamiu mangnga'u leta'a indi pussaanu.

YEHEZKIEL 44:7

I mangitou buatte nalluhudda Wal᷊e-U, ana waugu tantal᷊anna tawa wuṛṛu daṛṛan sasamba ia'onggolla si Ya'u, i mangitou namalan sinumutta sulal᷊umme manga taumata raho apan tawe nisunatta, wuṛṛu tawe tumuṛṛutta si Ya'u. Ringannu manga inolaanni mangitou apan maarantinna udde, i mangitou buatte nilumawangnga paaire-U si mangitou.

IMAMATTA 17:11

Niawan al᷊awo'u riadinanna udde sulal᷊ummu daṛṛane. Ana waugu udde Mawu namarenta tadea'u anambon daṛṛa iwokka su wowon mezbah tadea'u manga rosan ṛuanganna pappasanna. Daṛṛa udde niawa, ma'apappassa rosa.

IMAMATTA 19:26

Imbaṛṛangnga ma'inumma daṛṛa. Imbaṛṛangnga mappaattu manga wal᷊i'immata.

IMAMATTA 26:17

I yamiu sarun Ta'u iṛṛuumanna, na'oman sara i yamiu lawaddon manga seennu wuṛṛu paparentannu manga taumata maddantinnu. I yamiu mabbal᷊i lembon matta'utta na'oman sara i yamiu tumal᷊angnga, salaiwe taweddu.

IMAMATTA 3:17

Taumatan Israel imbaṛṛangnga umanna tawa ara'e daṛṛa. Atoranna udde iapaamatta saran mal᷊annu-l᷊annu wuṛṛu tattuṛṛutannu suapan taumatan Israel apan uatana'a su al᷊awo'u tampa.

AMOS 9:4

Amungkangngu i mangitou niatawannu seetta, i Ya'u sarun mamarenta tadea'u i mangitou pateanna. I Ya'u naddiandi tadea'u manginsue si mangitou, wuṛṛu sarun tawe massumbala si mangitou.”

WATTI'U MANGA RASUL 15:20

Arawe i ite ṛinone mamoṛṛettu suratta si mangitou tadea'u i mangitou tawe umanna anna lal᷊eo apan suete pinassubba paal᷊uanna, ara'e inassa wuassu ṛemessu winatangnga apan nate niattongnga, ara'e ma'inumma ṛaṛṛa. Wuṛṛu lai tadea'u i mangitou mapaaraun batanganne wuassu manga inolaanna apan lal᷊eo.

WATTI'U MANGA RASUL 15:29

imbaṛṛangnga umanna anna apan suete pinassubba paal᷊uanna; imbaṛṛangnga ma'inumma ṛaṛṛa, imbaṛṛangnga uminassa ṛemessu winatangnga nate niattongnga, wuṛṛu paaraun inolaanna apan lal᷊eo. Amungkangngu i yamiu mangindaun watanganni yamiu wuassu manga inolaanna udde, i yamiu suete na'ola'a apapia. Na'omate isindi, tabea!”

TAHIUL᷊E 12:16

Tumba'u imbaṛṛangnga daṛṛane inasanna, arawe ṛinone iwoso su leta'a ere namoson ua'e.

TAHIUL᷊E 12:23

Arawe ṛemessa apan ta'e pia daṛṛane tawe wotongnge inasanna, ana waugu niawa udde sulal᷊ummu daṛṛa, wuṛṛu i yamiu tawe wotongnge uminassa niawa suadio'a ual᷊omega ringannu ṛemessa.

TAHIUL᷊E 15:23

Daṛṛane imbaṛṛangnga inasanna, arawe ṛinone iwoso su leta'a ere namoson kua'e.”

IBRANI 10:29

Aroddi awakkane ṛuumanna apan ionggola su taumata apan maṛṛinda Ana'u Ruata. Taumata udde mangngadio'a ṛaṛṛam pa'airen Ruata, eteudde papaten Kristus apan namaresi si tou wuassu rosa. I Tou mangngadio'a Ghaṛṛaho apan mangngonggolu al᷊amatta.

1 SAMUEL 14:32

na'oman sara i mangitou uapapal᷊aṛṛote manganu saranapa apan niasombanganna wuassu seetta; i mangitou nanganu domba wuṛṛu sapi ana see niṛṛata su tampa udde lai, wuṛṛu lapiddu niuminassa ṛemessa apan ta'e pia daṛṛane udde.

1 SAMUEL 14:33

Ana see niapasingkatta si Saul arendi, “I Tuangnga, tumana'u soa narosate su saruannu Mawu ana waugu niuminassa ṛemessa apan ta'e pia daṛṛane.” “I yamiu mandal᷊al᷊eo!” aintul᷊in Saul. “Tal᷊inggia'e watu wahewalla udde inawarendi.”