IMAMATTA 16:4 - WUKE SUSI WATTI'U AL᷊AL᷊USASSA

⁴ Wua'udde i Harun ṛinone manutukka manga atoranna indi. Tantal᷊anna taambe sinumutta su Wabbo'a Lembon Susi i tou ṛinone mandeno ana see mabbansalla laubbu imam, eteudde laubba, sal᷊ana maautta, papeṛṛetta wuṛṛu paporongnga, sarangkanambone wuassu linen.

IMAMATTA 16:4 ပူးပေါင်းရင်းမြစ်များ

SASABANGNGA 28:2

Pa'ola'e laubbu imam anggola'a si Harun, tadea'u i tou asiloanna mawantuga.

SASABANGNGA 29:4

Doloṛṛa'e i Harun wuṛṛu manga anangnge rumanta watukku ngaran Dasang-Ku wuṛṛu mamaresi wadangnga.

SASABANGNGA 30:20

tantal᷊anna taambe sumutta su Rasanna ara'e mangundanin mezbah mangapiddu sasamba itattambunna. I mangitou ṛinone ma'ola'a udde tadea'u tawe pateanna. Atoranna udde ṛinone tattuṛṛutanni mangitou wuṛṛu papapulunni mangitou saran mal᷊annu-l᷊annu.”

SASABANGNGA 40:12

Wua'udde, doloṛṛa'e i Harun wuṛṛu manga anangnge rumanta su ngaran Dasanna wuṛṛu mangukkasa watanganne.

YESAYA 53:2

Mawu mappandumma allang-Nge udde ere solla apan tinumuwo su leta'a mamara. Tawe aṛṛamaga si tou apan ellehanni ite; taweddu ma'anemma apulun kite.

YEHEZKIEL 44:19

Amungkangngu i mangitou inaite su rallakku liudde, suapa umatta uaammulla, manga imam udde ṛinone malluatta laubbu manaran mangitou sulal᷊ummu manga wabbo'a na'ukkassa su Wal᷊e-U, ana see malluṛṛen laubba waine, tadea'u laubbu manara udde tawe manilaka umatta.

YEHEZKIEL 9:2

Sangkaṛṛindo'a sinummabbanga siri annumma wuassu samba'an liuddu ngaran Sawannakku Wal᷊en Mawu, sangkatou-sangkatou uaapiddu lutangnga. Suadio'a ringanni mangitou pia taumata uapedettu linen apan uaapiddu wawoṛṛetta. I mangitou sinumutta wuṛṛu dirumarisikka maranin mezbah witu'a.

IMAMATTA 16:23

Wua'udde i Harun sumuttate sulal᷊ummu Rasanna, malluatta laubbu imam apan niluṛṛen tou su tempo sinumutta su Wabbo'a Lembon Susi, wuṛṛu manantangngu laubba udde poiaroddi.

IMAMATTA 16:24

Ana see i tou ṛinone mandeno su sambau tampa apan niṛṛae wuṛṛu malluṛṛen laungnge sassane. Wua'udde i tou ṛinone sumabbangnga wuṛṛu mangonggolu sasamba itattambunna ipangampungnga rosane sassane wuṛṛu rosan balahannu Israel.

IMAMATTA 16:32

Imam Rahewalla, apan buatte nitenega wuṛṛu niṛṛae hunan Duata ipallol᷊ossa iamangnge, ṛinone mapaamattu lal᷊aghu pamamaresi udde. I tou ṛinone mappaattu laubba al᷊aṛṛaene,

IMAMATTA 6:10

Napawe sasamba udde nabbal᷊ite awu, imam malluṛṛen sal᷊ana maautta wuṛṛu jubah wuassu linen, ṛinone maṛṛootta awu apan pia tawane wuassu wowon mezbah wuṛṛu iaddo su sandiṛṛannu mezbah.

LUKAS 1:35

Mala'ekatta udde sinumimbakka, “Ghaṛṛahon Ruata sarun rumanta si'o, wuṛṛu taṛṛinon Ruata sarun mangintaṛṛo si'o. Ana waugu udde ana'a apan sarun iunsiwenu udde sarun isago Naukkassa, Ana'u Ruata.

FILIPI 2:7

Arawe, i Tou namallosu sarangkanambone see naola'a ere sangkatou allangnga. I Tou naola'a ere taumata, wuṛṛu aasiloanna mabbiakka ere taumata.

IBRANI 10:22

Ana waugu udde, wette i ite mangundani Ruata ringannu naungnga matul᷊ida wuṛṛu pangangimanna apan matohassa; ringannu naungnga apan suete niukassa wuassu apendamma apan sal᷊a, wuṛṛu ringannu wadangnga apan suete niukkassu ua'e waresi.

IBRANI 2:14

Ana waugu manga taumata apan nisaggon i Tou ana'a udde, eteudde sangkatou taumata apan wotonge mate, ne Mawu Yesus sassane naola'a uasul᷊ungngi mangitou wuṛṛu mabbiakka sulal᷊ummu ola'u taumata. I Tou na'ola'a aroddi, tadea'u ringannu papate-Ne i Tou wotongnge maṛṛimunsa'a Setanna apan uataṛṛino papate.

IBRANI 7:26

Nariaddi, Mawu Yesus eteudde Imam Bahewa apan pappandumanni ite. I Tou susi; si Tou tawe niasombanganna pasasal᷊a ara'e rosa sarang kadio'a. I Tou niṛṛae wuassu manga taumata marosa, wuṛṛu niruitta su tampa lembon atanggaṛṛanne wuassu al᷊awo'u langitta.