IMAMATTA 16:34 - WUKE SUSI WATTI'U AL᷊AL᷊USASSA

³⁴ Lal᷊aghu udde ṛinone olaanna santonna paassa tadea'u ipamaresi walahannu Israel wuassu al᷊awo'u rosan mangitou. Eteudde manga atoranna apan ṛinone iapaamatti mangitou saran mal᷊annu-l᷊annu. I Musa tinumuṛṛutta ere buatte niparentan Mawu si tou.

IMAMATTA 16:34 ပူးပေါင်းရင်းမြစ်များ

IBRANI 9:7

Apan sussutta su wageangnge lal᷊umme su rasanna udde tumba'u imam wahewa. I tou mammanara udde tumbau santonna paassa. Udde mammanaranne ringannu mangngapiddu ṛaṛṛa ipassubba Ruata ana waugu watanganne sassane wuṛṛu ana waugu manga rosa apan niola'u pabbawalage su liuddu ṛingiranne.

IBRANI 9:25

Imam wahewan Yahudi suapan tonna sussutta watukku Wabbo'a Lembon Susi sulal᷊ummu Wal᷊e Mawu ringannu uaapiddu ṛaṛṛan sambau winatangnga. Arawe i Kristus tawe sinumutta manantillu watangan-Ne masokka-sokka.

SASABANGNGA 30:10

Santonna paassa i Harun ṛinone ma'ola'a lal᷊aghun pangangukassa mezbah ringannu mangalassu daṛṛan binatangnga apan niola'a sasamba su tatandungnge appata maola'a aampungnga rosa. Olangnge udde ṛinone olaanna suapan tonna su al᷊o'engngu tempo. Mezbah udde ṛinone susi sarangkahewalle wuṛṛu ṛaea'e si Ya'u.”

IBRANI 10:14

Nariaddi ringannu sasamba sambau, i Kristus napaasuungngu manga taumata apan suete niwaresi wuassu rosa.

IBRANI 10:3

Arawe wutte'e manga sasamba apan tinantilla suapan tonna udde, ewe'e mappaanaungnga su taumata su ola'u manga rosa mangitou,

REENGANNA 29:7

Su allo appul᷊one wul᷊anna appitune i yamiu ṛinone ma'ola'a ammulu patataṛṛamawu. Su allo udde i yamiu ṛinone mappuasa wuṛṛu tawe wotongnge mammanara.

IMAMATTA 23:31

Atoranna indi matataṛṛino su anambon papal᷊unna su al᷊awo'u tampa i mangitou uatana'a.

SASABANGNGA 27:21

I Harun wuṛṛu manga anangnge ṛinone mallu'adda sol᷊o udde wuassu wawallo maddatingngu marua'allo su tampa i Ya'u rumanta, su liudde mal᷊aṛṛenessa apan ua'ele su saruannu Wantallu Pa'aire. Parenta udde ṛinone olaannu taumatan Israel wuṛṛu papapulunne saran mal᷊annu-l᷊annu.”

IMAMATTA 17:1

Mawu nandolokki Musa

IMAMATTA 23:28

Arie pammanara, ana waugu allo udde allo pangampunganna rosa, tadea'u i yamiu maasomba aampungnga su saruannu Ruatanu.

SASABANGNGA 39:43

I Musa namarikissa sarangkanambone wuṛṛu naasilo manungku i mangitou buatte na'ola'a uasul᷊ungngu parentan Mawu. Ana see i Musa nangal᷊amatta si mangitou.

IMAMATTA 3:17

Taumatan Israel imbaṛṛangnga umanna tawa ara'e daṛṛa. Atoranna udde iapaamatta saran mal᷊annu-l᷊annu wuṛṛu tattuṛṛutannu suapan taumatan Israel apan uatana'a su al᷊awo'u tampa.

IMAMATTA 16:2

wisara-Ne, “Wal᷊oa'e si tuṛṛangngu i Harun, manungku tumba'u su tempo apan buatte nitantunna i tou wotonge sumutta su Wabbo'a Lembon Susi apan niwallatannu pampele, ana waugu ete isudde i Ya'u mattingka pasilon batangang-Ku sulal᷊ummu winabbawa su wowon lal᷊uubbu Wantallu Pa'aire. Amungkangngu i Harun lumawangnga parenta udde, i tou sarun mate.

IMAMATTA 24:23

Napawe i Musa buatte namasingkattu wisara udde su walahannu Israel, i mangitou nangapiddu taumata apan namontoga Ruata udde niapasabbanga su liuddu paddasananna ana see i tou tinuntungannu watu na'oman sara nate. Ringannu olange udde walahannu Israel tinumuṛutta apa apan buatte nirolokku Mawu si Musa.