IMAMATTA 10:14 - WUKE SUSI WATTI'U AL᷊AL᷊USASSA

¹⁴ Arawe i yamiu wuṛṛu manga anangngu esakka wuṛṛu wawine wotongnge uminassa ro'on sasamba nitogokka wuṛṛu palangngu sasamba apan niṛṛae. Eteudde wageangngu manga imam wuassu sasamban paddaramen walahannu Israel. I yamiu wotongnge umanna al᷊awo'u anna su tampa apan tawe ipappalli.

IMAMATTA 10:14 ပူးပေါင်းရင်းမြစ်များ

SASABANGNGA 29:33

I mangitou ṛinone umanna anna apan nionggola sulal᷊umm lal᷊aghu pangangampunga rosa su tempo patatenega. Tumba'u imam botongnge umanna anna apan buatte niṛṛa'e si Ya'u udde.

YEHEZKIEL 42:13

Esakka udde nabbisara si ya'u, “Wal᷊en darua udde na'ukkassa. Isudde, manga imam apan botongnge sumaruanna daranta Mawu, umanna manga sasamba apan lembon na'ukkassa. Isudde lai ṛinone iaddo mangitou manga sasamba apan lembon na'ukkassa, eteudde; sasamba gandumma wuṛṛu sasamba papappasa rosa ara'e sasamba pamaekka arugianna.

IMAMATTA 10:13

Roti udde ṛinone annananna su tampa apan susi, ana waugu wuassu anna apan nionggola sasamba su Mawu, roti udde maola'a wageangngu wuṛṛu manga anangngu esakka. Eteudde parentan Mawu si ya'u.

IMAMATTA 22:13

Arawe ana'u imam wawine imam apan inawal᷊uante ara'e sinindoanna wuṛṛu tawe ana'a ana see mabelengnga watukku wal᷊en iamangnge wuṛṛu maola'a papaddul᷊iananne, botongnge umanna anna wageangngu iamangnge. Tumba'u amonannu imam apan botongnge umanna sasamba udde.

IMAMATTA 9:21

Ro'o wuṛṛu palangnge aikkatanna udde nionggola maola'a sasamba iattogokka su Mawu. Eteudde wageangngu manga imam, ere buatte nirolokki Musa.

REENGANNA 18:11

Al᷊awo'u aonggola niṛṛae waine apan nionggolu taumatan Israel si Ya'u, udde wageangngu lai. I Ya'u mangonggola si'o wuṛṛu su al᷊aṛṛanangngu esakka wuṛṛu wawine. Atoranna indi ipaatta saran mal᷊annu-l᷊annu. Suapan lal᷊oṛṛon amonanna apan tawe sal᷊ane wotongnge umanna.

REENGANNA 5:9

Wuassu al᷊awo'u saranapa apan nionggolu taumatan Israel su Mawu, sasambane apan niṛṛae udde maola'a wageangngu imam apan nanengkamma aonggola udde.

YOHANES 4:34

See Mawu Yesus nabbisara, “Angku eteudde tuttuṛṛutta apulun Tou apan nadolo-U, wuṛṛu mangnginsue manara apan tinantilli Tou si Ya'u.