IMAMATTA 1:13 - WUKE SUSI WATTI'U AL᷊AL᷊USASSA

¹³ Ana see taumata udde ṛinone mangukkassa tinaine wuṛṛu palangngu winatangnga udde. Wua'udde manga imam ṛinone mangonggolu sarangkanambone su Mawu, wuṛṛu manambunna su wowon mezbah. Hal᷊urun sasamba itattambunna udde ma'al᷊uassa naungngu Mawu.

IMAMATTA 1:13 ပူးပေါင်းရင်းမြစ်များ

PANDARIADDI 8:21

Hal᷊urun sasamba apan mawangngi udde naal᷊uassa naungngu Mawu, wuṛṛu i Tou nabbisara sulal᷊ummu naungnga, “I ya'u tate lai mamontoga runia indi ana waugu inolaannu taumata; i Ya'u masingkatta manungku ro'en i tou ta'e dario'a, ṛingirannu taumata udde lal᷊eo. I ya'u tate saran paassa mamate alawo'u riadianna wiakka naal᷊ihidda ere buatte Ta'u niola'a indi.

2 TAWARIKH 4:6

Ratu Salomo lai na'ola'a 10 mangko wahewalla, lima niaddo su samba'an timukku Wal᷊en Mawu, wuṛṛu lima lai su samba'a sawannakka. Manga mangko udde hunane pangukkasanna winatangnga apan sarun itambunna olaanna sasamba. Ua'e sulal᷊ummu wensadda wahewalla udde saddianna pangukkasannu manga imam.

YEHEZKIEL 40:38

Su rallakku liudde pia sambau wabbo'a nitamba su sasuttannu lal᷊ummu samba'a sawannakka. Wuassu wabbo'a pinanamba pia sambau ngara apan mattudda watukku panumbal᷊e wahewalla. Ete isudde niukkassa manga winatangnga olaanna sasamba itattambunna.

IMAMATTA 1:9

Ana see taumata udde ṛinone mangukkasa tinaine see palangngu sapi udde, wuṛṛu imam apan uamanara ṛinone manambunnu sarangkanambone. Hal᷊urun sasamba itattambunna udde ma'al᷊uassa naungngu Mawu.

IMAMATTA 2:11

Sasamba ia'imbe su Mawu tawe wotongnge lo'annu pul᷊a ara'e ragi, ana waugu pul᷊a wuṛṛu ragi tawe wotongnge itambunna olaanna sasamba su Mawu.

IMAMATTA 2:2

I tou ṛinone mangapidda su manga imam papapulunni Harun. Imam apan mammanara ṛinone manganu sangkangkumma taponna udde ringannu lanan zaitun wuṛṛu anambon amaniane, ana see itambunna su wowon mezbah maola'a tatiala manungku sarangkanambone buatte nionggola su Mawu. Hal᷊uṛṛun sasamba anna udde ma'al᷊uassa naungngu Mawu.

IMAMATTA 3:5

sarangkanambone udde suadio'a ringannu sasamba itattambunna waine, ṛinone itambunna su wowon mezbah. Hal᷊urun sasamba anna udde ma'al᷊uassa naungngu Mawu.

IMAMATTA 4:31

Anambon tawan binatangnga udde ṛinone anuanna naal᷊ihidda su sasamban paddarame. Tawane udde ṛinone itambunnu manga imam su wowon mezbah, tadea'u hal᷊urune ma'al᷊uassa naungngu Mawu. Etearoddi olangnge imam mangngonggolu sasamba ipangampunganga rosan tumana'u soa, ne taumata udde sarun ampungannu Mawu.

IMAMATTA 6:14

Eteindi manga atoranna su ola'u sasamba ia'imbe su Mawu. Sasamba udde ṛinone iapiddu sangkatou wuassu papapulunni Harun su saruannu mezbah.

REENGANNA 15:3

Su sasamba itattambunna ara'e sasamba wawaekka riandi ara'e sasamba apulune sassane ara'e sasamba su manga ramea mamiallo, i yamiu wotongnge mangonggola su Mawu: sapi esakka, domba esakka, domba ara'e ambinga. Hal᷊uru manga sasamba udde ma'al᷊uassa naungngu Mawu.

REENGANNA 15:4

Isai-sai mangonggolu domba ara'e ambinga maola'a sasamba iattambunna su Mawu, ṛinone lai mangapida su sampunna sambau waussu manga winatangnga udde, sangkilo taponna lal᷊o'annu sanlitere lanan zaitun maola'a sasamba ia'imbe, wuṛṛu lai sanlitere ua'en anggore.

REENGANNA 28:11

Su panattaṛṛannu suapan bul᷊anna ṛinone ionggola su Mawu sasamba itattambunna darua sapi esakka wakku, darua domba esakka, pitu ana domba esakka uukke santonna, sambau-sambau tawe sangkulle.

REENGANNA 28:8

Ana'u domba sasamba wawallo ṛinone ionggola ringannu olangnge apan uasul᷊ungnga ere sasamban marua'allo, lal᷊apirannu ua'en anggore. Hal᷊urun sasamba itattambunna udde ma'al᷊uassa naungngu Mawu.

TAHIUL᷊E 12:27

Sasamba itattambunna wuṛṛu sasamba apan a'inasanna ṛamenene ṛinone ionggola su wowon mezbah Mawu Ruatanu wuṛṛu daṛṛane iwoso su wowon mezbah udde.